Faataoto 16:1-33
16 E saunia e le tagata manatu o lona loto,*A o le tali e na te avatuina* e mai iā Ieova.+
2 O ala uma o le tagata e saʻo* i lona lava manatu,+A o Ieova e na te su‘esu‘eina uuna‘iga o le loto.*+
3 Ia tuuina atu iā Ieova mea uma e te faia,+Ona taulau manuia ai lea o au fuafuaga.
4 Ua saunia e Ieova mea uma ina ia faataunuu ai lona finagalo,Ma e na te faamautinoa ua faaumatia ē e amioleaga.+
5 E inosia e Ieova so o se tasi e faamaualuga lona loto.+
Ia mautinoa* e lē sao o ia mai i le faasalaga.
6 E togisalaina mea sesē i le alofa ma le faamaoni,+Ma o le mataʻu iā Ieova e liliuese ai se tasi mai i le leaga.+
7 Pe a fiafia Ieova i ala o se tagata,E na te faapogaia le nofo filemu o ia ma ona fili.+
8 E sili le iai o mea itiiti ae ua iai le amiotonu,+Nai lo o le telē o le totogi ae e leai se faamasinotonu.+
9 E ono fuafua i le loto o se tasi lona ala,A o Ieova e na te faatonutonuina ona laasaga.+
10 E ao ona iai faaiʻuga mai i le Atua i laugutu o se tupu;+E lē tatau ona ia faia se mea e lē tonu.+
11 O fua ma fua faatautau faamaoni e mai iā Ieova ia;O maa uma e fua ai mea i le ato, o lana galuega lea.+
12 E inosia e tupu le faia o mea leaga,+Auā e matuā faatumauina le nofoālii i le amiotonu.+
13 E fiafia tupu i faamatalaga amiotonu.
E alolofa i latou i lē e tautala faamaoni.+
14 O le toʻasā o le tupu e pei o se avefeʻau o le oti,+A o le tagata atamai e na te faafilemuina.*+
15 O loo iai le ola i le malamalama o fofoga o le tupu;O lona finagalo malie ua pei o le timu* i le tau e totogo ai mea.+
16 Maʻeu le sili o le mauaina o le atamai nai lo o le auro!+
E ao foʻi ona filifilia le mauaina o le malamalama nai lo o le siliva.+
17 O le ala tele o ē e amio saʻo e ‘alofia mea leaga.
O lē na te leoleoina lona ala, e na te faasaoina lona ola.+
18 O le faamaualuga e iʻu i le paʻū,Ma o le fiasili* e iʻu i le tautevateva.+
19 E sili le lotomaulalo* faatasi ma tagata agamalu,+Nai lo o le vaevaeina o le vete faatasi ma ē e fiasili.
20 O lē e faaalia le tofā mamao i se mataupu, e taulau o ia,*Ma o lē e faatuatua iā Ieova, e fiafia o ia.
21 O lē e atamai lona loto e taʻua o lē ua malamalama,+Ma o lē e agalelei ana faamatalaga,* e faigofie ona faatalitonuina ai isi.+
22 O le tofā mamao, o le vaipuna lea o le ola i ē ua mauaina,Ae e aʻoaʻia ē e vālea i lo latou lava valea.
23 O le loto o le tagata atamai e maua ai e lona gutu le tofā mamao,+Ma e faigofie ona faatalitonuina isi i ana faamatalaga.
24 O upu logoleleia o le meli lea,E suamalie i le tagata* ma e mālōlō ai ivi.+
25 Ua iai le ala e tonu i le manatu o le tagata,A o lona taunuuga e i‘u i le oti.+
26 O le fia ‘ai o le tagata galue, ua galue mamafa ai o ia,Auā ua uunaʻia malosi o ia e lona fia ‘ai.*+
27 O le tagata e lē aogā e na te lagaina a‘e mea leaga;+O ana faamatalaga e pei o le afi mumū.+
28 O le tagata faatupu vevesi* e na te faapogaia finauga,+Ma o le tagata e taufaaleaga e na te talepeina faauōga vavalalata.+
29 O le tamāloa faasauā e na te faaosooso i lona tuaoiMa ta‘ita‘iina o ia i le ala sesē.
30 Ua ia faa‘ivi lona mata a o ia fafau se mea e lamatia ai.
Ua ū ona laugutu a o ia faataunuu ana faiga leaga.
31 O le ulusinā o le pale matagofie* lea+Pe a iai i le ala o le amiotonu.+
32 E sili o lē e faagesegese lona ita+ nai lo o le tagata malosi,E sili foʻi o lē e na te pulea lona ita,* nai lo o lē na te faatoʻilaloina se aai.+
33 Ua faia le vili* i luga o vae,+A o faaiʻuga uma o lea mea e mai iā Ieova lea.+
Faamatalaga Pito i Lalo
^ Po o “le tali saʻo.” Epe., “le tali o le laulaufaiva.”
^ Epe., “E faavasega e le tagata manatu o lona loto.”
^ Epe., “mamā.”
^ Epe., “agaga.”
^ Epe., “Tago le lima i le isi lima.”
^ Po o le “ʻalofia.”
^ Epe., “o se ao o le timu.”
^ Epe., “agaga fiasili.”
^ Epe., “agaga faamaulalo.”
^ Epe., “e maua le mea lelei.”
^ Po o “Ma o faamatalaga e faafiafiaina ai.” Epe., “Ma o le suamalie o laugutu.”
^ Po o le “tofo.”
^ Epe., “gutu.”
^ Po o le “tagata faufau leaga.”
^ Po o le “mamalu.”
^ Epe., “pulea lona agaga.”
^ Tagaʻi i le Uiga o Upu.
