ඔව්. “මාර්ගයත් සත්‍යයත් ජීවනයත් මමයි. මා තුළින් මිස කිසිවෙකුට පියාණන් ළඟට යා නොහැකියි” කියලා යේසුස් කිව්වා. (යොහන් 14:6) අපි ඒක පිළිගන්නවා. යේසුස් ස්වර්ගයේ ඉඳලා මේ පොළොවට ආවා කියලත් ඔහුගේ ජීවිතය අපි වෙනුවෙන් පූජා කළා කියලත් අපි පිළිගන්නවා. (මතෙව් 20:28) යේසුස්ගේ ජීවිත පූජාව මත විශ්වාසය තබන අයට සදාකාල ජීවයන ලැබෙනවා. (යොහන් 3:16) ළඟදීම මේ පොළොවට සාමය උදා කරදෙන දේවරාජ්‍යයේ රජු යේසුස් කියලත් ඔහු දැන් ස්වර්ගයේ පාලනය කරනවා කියලත් අපි විශ්වාස කරනවා. (එළිදරව් 11:15) “පියාණන් මට වඩා උතුම්” කියලා යේසුස් කිව්ව වචන අපි දැඩි සේ විශ්වාස කරනවා. (යොහන් 14:28) යේසුස් සියලු බලැති දෙවි නොවන නිසා අපි ඔහුට නමස්කාර කරන්නේ නැහැ.