Isaïas 48:1-22
48 Wiyayämë Jacobpa kastankuna, y Israelpa jutinta apayanqëkita neqkuna.+
Qamkunaqa Judäpa kastankunam kayanki,y Teyta Jehoväpa jutinchömi jurayanki.+
Qamkunaqa manam alli kaqta rurartsu,ni llapan shonquykikunawantsuIsraelpa Diosninta alabayanki.+
2 Qamkunaqa Teyta Diospa sagrädu markampita+ kayanqëkitam niyanki,y Israelpa Teyta Diosnintam yanapëkuyäshunëkipaq ashiyanki.+
Pëpa jutinqa angelkunata mandaq Teyta Jehovämi.
3 “Unë witsanqa puntallapitanam imakuna pasakunampaq kaqta qamkunata willarqä.*
Tsëtaqa kikïmi qamkunata musyatsirqä,+y illaqpitam ninqäkunata ruranäpaq decidirqä,y llapampis parlanqänöllam cumplikarqan.+
4 Qamkunaqa chukru shonqum kayanki.
Kunkëkikunachö ankuqa fiërrunömi y urkuykikunapis cobrinömi.+
5 Tsënö kayanqëkita musyarmi, unë witsanchö tsëkunata willarqä,*y ‘tsëtaqa santükunam rurashqa. Awmi, llaqllashqa santükunay metalpita santükuna mandakushqa kaptinmi, tsënöqa pasashqa’ mana niyänëkipaqmitsëkunataqa manaraq pasakuptin qamkunata puntallapitana willarqö.*
6 Qamkunaqa tsë llapantam rikäyarqunki y wiyayarqunki.
Tsëqa, ¿manaku tsëkunapita willakuyanki?+
Kananqa yapëmi pasakunampaq kaqkunata,y manaraq musyayanqëkikunata qamkunata willëkä.*+
7 Tsëkunaqa kananran pasëkan y manam unëpitanatsu,‘tsëkunataqa musyayarqänam’ mana niyänëkipaqmitsëkunataqa kananyaqpis wiyayarqunkiraqtsu.
8 Awmi, manam tsëkunataqa wiyayarqunkitsu+ ni musyayarqunkitsu.
Unë witsanchöqa manam wiyakuyta munayarqëkitsu,tsënöqa kashqa traicionakoq kayaptiki,+y yuriyanqëkipita jutsa* ruraq nir reqishqa kayanqëkipitam.+
9 Jutïman yarparmi, cölerashqa këkarpis+imatapis rurashaqraqtsu,y alabashqa kanäpaqmi cölerashqa këkarpis ushakätsiyashqëkitsu.+
10 ¡Rikäyë! Qamkunataqa alliyätsirqömi,* peru manam plätatanötsu.+
Metalnö alliyätsishqa kayänëkipaqmi imëka mana allikunapa pasayänëkita permitirqö.+
11 ¿Imanöparaq noqapaq mana allita parlayänanta permitïman?+
Tsëmi kikïman yarpëkur tsëkunata rurashaq.+
Manam munätsu noqata respetayämänampa rantin jukkunata respetayänanta.
12 Wiyayämë Jacobpa kastankuna y akranqä Israel nunakuna.
Noqaqa manam cambiarqötsu.+ Noqaqa unëpitam Dios kä y imëyaqpis Diosmi kashaq.+
13 Kikïpa makïwanmi patsapa cimientunta churarqä+y derëcha kaq makïwanmi ciëlukunata mashtarqä.+
Pëkunata qayaptïqa, llapankunam puntäman shayämun.
14 Llapëki juntakäyë y wiyakuyë.
¿Pëkunapita mëqantaq këkunata willakushqa?
Noqa Jehovä kuyanqä kaqmi+Babiloniapaq decidinqäta cumplitsinqa,+y puëdeq rikranwanmi Caldëapita nunakunata castiganqa.+
15 Kikïmi parlarqö, y kikïmi qayatsimurqö.+
Kikïmi pushamushaq y llapan munanqätam ruranqa.+
16 Noqaman shayämuy y këta wiyayë.
Noqaqa llapankuna wiyëkäyaptinmi imatapis qallanampita musyatsikurqö, y manam pakëllapatsu parlarqö.+
Y ninqäkuna cumplikar qallëkuptinqa tsëchömi këkarqä”.
Kananqa Llapanta Gobernaq Teyta Jehovämi qamkunaman mandamashqa y pëqa poderninwanmi yanapëkäman.
17 Israelpa Limpiu Diosnin+ y Yapë Rantiyäshoqniki Teyta Jehovämi këta nin:
“Noqaqa Jehovä Diosnikikunam kä.
Noqaqa biennikikunapaqmi imatapis qamkunata* yachatsï,*+y puriyänëkipaq kaq nänipa ëwayänëkipaqmi qamkunata pushä.*+
18 Mandakunqäkunata shumaq cäsukuyaptikiqa+yamë kayanqëkipis mayuchö* yakunömi mëtsika kanqa,+ y alli kaqta rurayanqëkipislamarchö laqcheqyëkaq yakunömi kanqa.+
19 Qamkunapa kastëkikunapis arënanömi mëtsikaq kayanqa,y qamkunapita yureqkunapis arënanömi mana yupëtapis puëdipaq kayanqa.+
Pëkunapa jutinkunataqa manam imëpis qonqëkushaqtsu”.
20 ¡Babiloniapita yarquyë!+ ¡Caldëa nunakunapita qeshpir ëwakuyë!
¡Mëtsëchö kushishqa willakuyë!+ ¡Pïmëta musyatsiyë!
Patsapa mas karu kuchunkunayaq tsëkunata musyatsikuyë,+y këta niyë: “Teyta Jehoväqa sirweqninJacobpa kastankunatam yapë rantishqa.+
21 Tsunyaq sitiupa pusharninqa,+ manam yakunkuna faltatsirqantsu.
Pëkuna upuyänampaqmi qaqapita yakuta yarqatsimurqan,y qaqata pakiskirmi mëtsika yakuta yarqatsimurqan”.+
22 “Mana allita ruraqkunaqa manam yamëtsu kawayan” ninmi Teyta Jehovä.+
Nötakuna
^ Kënöpis niyanmi: willayarqaq.
^ Kënöpis niyanmi: willayarqaq.
^ Kënöpis niyanmi: willayarqoq.
^ Kënöpis niyanmi: willëkäyaq.
^ Kënöpis niyanmi: pecädu.
^ Kënöpis niyanmi: alliyätsiyarqoqmi.
^ Kënöpis niyanmi: yachatsiyaq.
^ Kënöpis niyanmi: pushayaq.
^ O “kikikikunata”.
^ Kënöpis niyanmi: riuchö.
