Isaïas 42:1-25
42 ¡Rikäyë! ¡Pëmi yanapanqä sirwimaqnï!+
¡Pëtam akrarqö,+ pëqa rikënïchömi alli këkan!+
Pëtaqa podernïwanmi yanapä,+y mëtsë nacion nunakunapaqmi justiciata ruranqa.*+
2 Pëqa manam fuertipa parlartsu willakur purinqa,y manam cällikunachö parlar purinqatsu.+
3 Manam pakinëkaq shoqushtaqa pakinqatsuni upinëkaq* mëchata upitsinqatsu.+
Pëqa confiakuypaq kanqanta musyayänampaqmi alli kaqta ruranqa.+
4 Entëru patsachö nunakunapaq justiciata ruranqanyaqqa,+manam ni ima michanqatsu ni jamëta tarinqatsu.
Islachö këkaq markakunachö nunakunapis pë yachatsinantam* shuyëkäyan.
5 Dios Yaya Jehovämi, ciëlukunata kamashqa y mashtashqa+y patsata y tsëchö wayunqankunata kamashqa.+
Pëmi nunakunata kawëkaqta katsin,+y poderninwan yanapaptinmi kawëkäyan.+
Pëmi kënö nin:
6 “Noqa Jehoväqa justiciata ruranëkipaqmiqamta qayatsimurqoq, y makikipitam tsarëkaq.
Noqam cuidashqëki y nunakunapaqmi acuerdunö kanki,+y nacionkunapaqmi aktsinö kanki.+
7 Wiskunö o qapranö këkaqkunapa nawinkunatam kichanki.+
Prësunö këkaqkunatam libri kayänampaq yanapanki,y ampichönö o tsakëchönö* këkaqkunatam këkäyanqan sitiupita jipimunki.+
8 Noqaqa Jehovämi kä, tsëmi jutï.
Y manam munätsu noqata respetayämänampa rantin jukkunata respetayänanta.
Y noqata alabayämänampa rantin nunakuna rurayanqan santukunata alabayänanta.+
9 Unë ninqankunaqa cumplikärishqanam,y kananqa yapëmi pasakunampaq kaqkunata qamkunata willëkä.*
Tsëkunataqa manaraq pasakuptinmi qamkunata willëkä”.+
10 Juk mushoq cancionta Teyta Jehoväpaq cantayë+y patsa kuchun kinrëpita nunakuna pëta alabar cantayë.+
Qamkuna lamarpa pureqkuna y tsëchö llapan kawaqkuna,islachö këkaq markakunachö nunakuna, tsëchö llapan kawaqkuna Teyta Diosta alabayë.+
11 Tsunyaq sitiuchö y tsë kinrë markakunachöy Quedarpita+ nunakuna fuertipa cantar alabayë.+
Qaqakunachö kawaqkuna kushikur büllayë,y jirka janankunapita fuertipa büllayë.
12 Llapankuna Teyta Jehoväta alabayätsun.
Y islachö këkaq markakunachö nunakunapis Teyta Diosta alabayätsun.+
13 Teyta Jehoväqa alläpa puëdeqy pelyë yachaq soldädunömi shamuykan,+y guërraman ëwëta munaq soldädunömi këkan.+
Guërrachö büllayanqannömi büllanqa, y chikeqninkunapita mas puëdeqmi kanqa.+
14 Teyta Diosmi kënö nin: “Atska tiempupam upälla kakurqö.
Awmi, upälla kakurmi imatapis rurarqötsu.
Peru kananqa wamran yurinampaqna këkaq warminömi qaparishaq,* jäkashaq y pükashaq.
Awmi, tsë llapantam rurashaq.
15 Jirkakunata y taksha jirkakunatam ushakätsishaq,y tsëchö plantakunatam tsakiratsishaq.
Mayukunatam* tsaki patsaman* tikratsishaq,y shoqush kanqan qochakunatapis tsakiratsishaqmi.+
16 Wiskukunatam o qaprakunatam mana imëpis ëwayanqan nänipa pushashaq,+y mana reqiyanqan nänipam puritsishaq.+
Pëkuna rikëkäyaptinmi ampitapis o tsakëtapis* atsikyaqman tikratsishaq,+y feyu patsatapis pampamanmi tikratsishaq.+
Tsë llapantam pëkunapaq rurashaq y manam dejarishaqtsu”.
17 Santukunaman confiakoqkunataqa ëwakuyänampaqmi obligayanqa,y alläpa penqakatsishqatam dejayanqa.
Awmi, tsëmi pasanqa metalpita santukunata,“qamkunam diosnïkuna kayanki” neqkunawan.+
18 Sordunö këkaqkuna wiyayë,y wiskunö o qapranö këkaqkuna rikäyë.+
19 Sirwimaqnïkunam qapranö o wiskunö këkäyan,y willakoqnïkunam sordunö këkäyan.
Päguta chaskeqkuna y Teyta Jehoväta sirweqkunam,wiskunö o qapranö këkäyan.+
20 Imëkata rikarpis manam tsëkunaman pensayankitsu,y rinrikikuna kaptimpis manam wiyayankitsu.+
21 Alli kaqta ruraq karmi Teyta Jehoväqa mandakunqankuna* alläpa välinqantay imëkachö yanapakunqanta rikätsikushqa.
22 Peru kë markachö nunakunapa imëkankunataqa jukkunam apakuyashqa,+y kikinkunapis machëkunachö y carcelkunachömi këkäyan.+
Imëkankunata apakuyaptin manam ni pï salvashqatsu,+y manam ni pï, “tsëkunata kutitsiyäpuy” nishqatsu.
23 ¿Qamkunapita mëqëkikunatan tsëkunata wiyakuyanki?
¿Mëqëkikunatan shamoq tiempuman pensëkur tsëkunata alli wiyakuyanki?
24 ¿Pitan permitishqa Jacobpa kastankunapay israelïtakunapa imëkankunata apakuyänanta?
Tsëtaqa contran jutsata* rurayanqampitam Teyta Jehovä permitishqa.
Pëkunaqa manam Teyta Dios mandakunqannötsu kawayarqan ni leyninkunatapis* manam cäsukuyarqantsu.+
25 Tsëmi pëkunawan alläpa cölerakur guërrachö sufriyänanta permitirqan.+
Guërrachömi imëkankunata ushakätsirqan,peru pëkunaqa manam cäsukuyarqantsu.+
Nina ushëkaptimpis manam ni ima qokuyarqantsu.+
Nötakuna
^ O “y llapan nacionpita nunakunatam alli kaqta rurë imanö kanqanta musyatsinqa”.
^ Kënöpis niyanmi: wañuykaq.
^ O “mandakunqantam”.
^ Kënöpis niyanmi: tutapëchönö.
^ Kënöpis niyanmi: willëkäyaq.
^ Kënöpis niyanmi: qayaräshaq.
^ Kënöpis niyanmi: Riukunatam.
^ O “islakunaman”.
^ Kënöpis niyanmi: tutapëtapis.
^ O “yachatsikunqankuna”.
^ Kënöpis niyanmi: pecäduta.
^ O “yachatsikunqantapis”.
