Isaïas 35:1-10
35 Tsë witsanqa tsunyaq sitiuchö y tsaki patsachöpis alläpam kushikuyanqa.+
Imapis mana kanqan pampakunachöpisazafran planta* wëtanqannöran wëtayanqa, nunakunaqa alläpam kushikuyanqa.+
2 Awmi, tsunyaq sitiuchöqa imëkam shumaq wëtanqa, nunakunaqa alläpam kushikuyanqa.+
Lïbanunö,+ Carmëlunö+ y Saronnömi+ imëkata alli wayunqampita reqishqa kanqa.
Tsëchömi Teyta Jehovä alläpa puëdeq kanqantay Teyta Diosnintsik imëka rurëta puëdinqanta rikäyanqa.
3 Kallpannaq këkaqkunatay qonqunkuna o qonqurninkuna karkaryëkaqkunata yanapayë.+
4 Shonqunkunachö llakishqa këkaqkunata kënö niyë:
“Ama imatapis mantsayëtsu, valienti kayë.
¡Rikäyë! Diosnikikunam chikishoqnikikunapita vengakunqa.+
Awmi, chikishoqnikikunatam castiganqa.
Kikin shamurmi salvayäshunki”.+
5 Tsë witsanqa wiskukunapis o qaprakunapis rikäyanqam,+y sordukunapa* rinrinkunapis wiyanqam.+
6 Tsë witsanqa, cöjukunapis luychunöran saltakachäyanqa,+y müdukunapis* kushikurmi büllayanqa.+
Tsunyaq sitiuchöpis yakum pashtamunqa,y tsaki pampachöpis mayukunam* kanqa.
7 Tsaki sitiukunapis qochamanmi tikrayanqa, tsëchöqa mëtsika cäñam kanqa.
Yaku mana chanqan sitiukunachöpis mëtsika pukyukunam kanqa.+
Chacalkuna*+ punuyanqanchöpis,verdi plantakuna, cäña y papïrum kanqa.
8 Tsëchöqa juk nänim kanqa,+ tsë nänitaqa Limpiu Näni nirmi reqiyanqa.
Teyta Diospa rikëninchö mana limpiu kaqkunaqamanam tsë nänipa ëwayanqatsu.+
Tsë näniqa, tsë nänipa pureqkunallapaqmi kanqay manam ni pï upa nuna tsë nänipa purinqatsu.
9 Tsë nänichöqa manam leonkuna ni mikukoq animalkunapis kanqatsu.
Tsë nänichöqa manam tsë animalkunata rikäyanqatsu,+tsë nänipaqa juk nacionman apashqa kayanqampitasalvashqa kaqkunallam puriyanqa.+
10 Teyta Jehovä salvanqan kaqkunaqa,Sion jirkamanmi+ kushishqa kutiyämunqa.+
Llapan shonqunkunawan kushikuyanqanqa, peqankunachö o umankunachö corönanömi kanqa.+
Alläpa kushishqam kayanqa, y manam waqayanqanatsu ni llakikuyanqanatsu.+
Nötakuna
^ O “cröcu planta”.
^ Kënöpis niyanmi: upakunapa.
^ Kënöpis niyanmi: riukunam.
^ Kënöpis niyanmi: upakunapis.
^ Tsë animalqa atoq niraqmi.
