Izaga 20:1-30
20 Iwayini lisinyefuli,+ utjwala benza umuntu angalawuleki;+Nanyana ngubani ophambukiswa ngilo akakahlakaniphi.+
2 Ukuthusa kwekosi kunjengokubhodla kwebhubezi;+Nanyana ngubani ovusa ilaka layo ufaka ukuphila kwakhe engozini.+
3 Uyahlonitjhwa umuntu obalekela ipikiswano,+Kodwana boke abaziindlhadlha bazokuhlanganyela kiyo.+
4 Ivila alitjali ebusika,Yeke lizokubawa ngesikhathi sokuvuna nalinganalitho.*+
5 Imicabango esehliziyweni yomuntu injengokuzika kwamanzi,Kodwana umuntu onelemuko uyikhuphela ngaphandle.
6 Abantu abanengi bathi banethando elithembekileko,Kodwana ngubani ongafumana umuntu othembekileko?
7 Umuntu olungileko ukhamba ngokuthembeka.+
Bayathaba abantwabakhe abamlandelako.+
8 Ikosi nayihlala esihlalweni sayo sobukhosi bona yahlulele,+Isefa boke ubumbi ngamehlwayo.+
9 Ngubani ongathi: “Ngihlwengise ihliziywami;+Ngimsulwa esonweni sami”?+
10 Ubudisi obungakathembeki neenlinganiso ezimamala,Kokubili kuyanyenyisa kuJehova.+
11 Ngitjho nomntwana waziwa ngezenzo zakhe,Ukuthi ukuziphatha kwakhe kumsulwa begodu kulungile.+
12 Indlebe ezwako nelihlo elibonako,Kokubili kwenziwe nguJehova.+
13 Ungabuthandi ubuthongo, uzokutlhaga.+
Vula amehlwakho begodu uzokwaneliswa ngoburotho bakho.+
14 Umthengi uthi: “Into le yimbi, yimbi!”
Ngemva kwalokho akhambe, azikhakhazise ngalokho akuthengileko.+
15 Kunegolide namakhorali* amanengi,Kodwana iindebe ezinelwazi ziligugu.+
16 Thatha isambatho somuntu nange abhadela isikolodo somuntu angamaziko;+Thatha okuthileko kuye kube sibambiso nange enzela umfazi ovela kwenye inarha.+
17 Uburotho obufunyenwe ngokukhohlisa bumnandi emuntwini,Kodwana ngemva kwalokho, umlomakhe uzokuzala ihlabathi.+
18 Ngokubonisana amano ayaphumelela,+Begodu ngesinqophiso esihlakaniphileko kufuze ulwe ipi yakho.+
19 Umrhwayeli ukhamba akhuluma ikulumo eyifihlo;+Ungazihlanganisi nomuntu othanda ukuhleba.
20 Nanyana ngubani oqalekisa uyise nonina,Isibani sakhe sizokucinywa nakuba mnyama.+
21 Ilifa elifunyanwa ekuthomeni ngokuba marhamaruAngekhe libe sibusiso ekugcineni.+
22 Ungathi: “Ngizokubuyisela okumbi!”+
Thembela kuJehova,+ yena uzokusindisa.+
23 Ubudisi obungakathembeki buyanyenyisa kuJehova,Neenlinganiso ezikhohlisako azikalungi.
24 Amagadango womuntu anqotjhiswa nguJehova;+Umuntu angayizwisisa njani indlelakhe?
25 Kusithiyo emuntwini ukurhuwelela arhabile athi, “Kucwengile!”+
Begodu acabangisise ngalokho akufungileko ngemva kwesikhathi.+
26 Njengalokha amakhasi ahlukaniswa neenthoro+Ikosi ehlakaniphileko izobahlukanisa njalo abakhohlakeleko.+
27 Umphefumulo womuntu usibani sakaJehova,Uhlolisisa ingaphakathi lomuntu.
28 Ithando* nokuthembeka kuvikela ikosi;+Ngethando* isekela isihlalo sayo sobukhosi.+
29 Idumo lamasokana mamandlawo,+Nephazimulo yabalupheleko ziinhluthu zabo ezimhlophe.+
30 Imirhuzuko neenlonda kusisiza bona silise okumbi,+Ukubetjhwa kuhlwengisa ingaphakathi lomuntu.
Imitlolo Ephasi
^ Namkha kungenzeka “lizokufuna ngesikhathi sokuvuna kodwana lingafumani litho.”
^ Qala Ihlathululo.
^ Namkha “Ithando elithembekileko.”
^ Namkha “Ngethando elithembekileko.”