Isaya 43:1-28
43 Nje-ke nakhu uJehova akutjhoko,UMdali wakho Jakopo, okwenzileko Israyeli:+
“Ungasabi ngombana ngakuthenga.+
Ngakubiza ngegama lakho.
Ungewami.
2 Nawukhamba hlangana namanzi, ngizokuba nawe,+Hlangana nemilambo angeze urhurhuleke.+
Nawukhamba hlangana nomlilo, angeze ukutjhise,Namalangabi angeze akurhabule.
3 Ngombana nginguJehova uZimakho,Ocwengileko ka-Israyeli, uMsindisakho.
Nginikele ngeGibhide bona ibe sihlengo sakho,ITopiya neSeba esikhundleni sakho.
4 Ngombana ube ligugu emehlwenami,+Wahlonitjhwa begodu ngakuthanda.+
Ngizokunikela abantu esikhundleni sakhoIintjhaba esikhundleni sokuphila kwakho.
5 Ungasabi ngombana nginawe.+
Ngizokuletha isizukulwana sakho sepumalangaNginihlanganise etjingalanga.+
6 Ngizokuthi etlhagwini, ‘Balethe!’+
Ngithi esewula, ‘Ungabavimbi.
Buyisa amadodanami wakude, amadodakazami wemaphethelweni wephasi,+
7 Woke umuntu obizwa ngegama lami+Engimdalele iphazimulwami,Engimbumbileko bengamenza.’+
8 Letha abantu abangaboniko kodwana banamehlo,Abangezwako kodwana baneendlebe.+
9 Zoke iintjhaba azihlangane ndawonye,Begodu iintjhaba azibuthane ndawonye.+
Ngubani hlangana nazo ongatjho lokho?
Namkha ongabangela bona sizwe izinto zokuthoma?+
Abaveze abofakazi babo baqinisekise bona balungile,Namkha bezwe begodu bathi, ‘Kuliqiniso!’”+
10 “Nibofakazi bami,”+ kutjho uJehova,“Incekwami engiyikhethileko,+Bona nazi bese nithembele kimiBegodu ngifuna nizwisise ukuthi ngisese nguye loya.+
Ngaphambi kwami akakho uZimu owabunjwako,Nangemva kwami akhenge abe khona.+
11 NginguJehova,+ ngaphandle kwami akunamsindisi.”+
12 “Ngimi owamemezelako, wasindisa begodu wenza kwaziwaNgesikhathi kunganazimu weentjhaba hlangana nani.+
Nibofakazi bami,” kutjho uJehova, “begodu nginguZimenu.+
13 Ngisese nguye loya;+Akakho umuntu ongahluthula into esandleni sami.+
Nangenzako, ngubani ongakuvimbela lokho?”+
14 Ngilokhu uJehova, uMhlengakho,+ oCwengileko ka-Israyeli akutjhoko:+
Ngebanga lakho ngizokuthumela eBhabhiloni, ngigirize nazo zoke iinsimbi zamasango,+NamaKhaledi* asemikhunjinayo, azokurhuwelela ngebanga lokugandeleleka.+
15 NginguJehova, oCwengilekwakho,+ uMdali ka-Israyeli,+ iKosakho.”+
16 Ngilokhu uJehova akutjhoko,Loyo owenza indlela hlangana nelwandleLoyo owenza indlela hlangana namanzi asilingekileko,+
17 Loyo okhupha ikarana yepi nenjomani,+Ohlanganisa ibutho neengorho:
“Bazokulala phasi begodu bangavuki.+
Bazokucinywa njengentambo yesibani esivuthako.”
18 “Ningakhumbuli izinto ezidlulileko,Begodu ningasolo nibambelela ezintweni ezidlulileko.
19 Qala! Ngenza into etja;+Sikhuluma nje iyavela.
Aniyiboni na?
Ngizokwenza indlela ekhamba emmangweni+Ngizokwenza nemilambo erhalawumbeni.+
20 Isibandana sizongihlonipha,Iimpungutjha neenciliba,Ngombana nginikela ummango amanzi,Irhalawumba imilambo,+Bona abantu bami abakhethiweko basele,+
21 Abantu engizenzele bonaBona bamemezele iphazimulwami.+
22 Kodwana akhenge ungibize Jakopo,+Ngombana bewudinwe ngimi, Israyeli.+
23 Akhenge ungilethele imvu bona ibe mnikelwakho wokutjhiswa ophelelekoNamkha ungiphazimulise ngemihlatjelwakho.
Akhenge ngikukatelele bona ungilethele isipho,Begodu akhenge ngikwenze udinwe ngokuthi ngifune ipepho emhlophe.+
24 Akhenge ungithengele umoba* ngemalakho,Begodu akhenge unganelise ngamafutha wemihlatjelwakho.+
Kunalokho ungidisibeze ngezono zakho,Wangenza ngadinwa ngemitjhaphwakho.+
25 Ngimi osula imitjhaphwakho*+ ngebanga legama lami,+Begodu angekhe ngizikhumbule izono zakho.+
26 Ngikhumbuza; omunye nomunye akeze nendabakhe;Khuluma ihlangothi lakho lendaba utjengise ukuthi uqinisile.
27 Ukhokhwakho wokuthoma wonile,Begodu umkhulumelakho* uhlubukile kimi.+
28 Ngizokusilaphaza amakhosana wendawo ecwengileko,Begodu ngizokunikela uJakopo ekutjhatjalalisweniNgizokunikela u-Israyeli emezwini ahlambalazako.+
Imitlolo Ephasi
^ Namkha “NamaKasidi.”
^ Mhlanga onuka kamnandi.
^ Namkha “izenzo zakho zokuvukela.”
^ Kungenzeka kuqaliselwe kubafundisi bomThetho.
