1, 2. Inun­nik Jehovap ikin­ngutimisut isigisaanik eq­qaasaqarit.

KIK­KUT ikin­ngutigerusup­pigit? Ilit­tut isigin­nit­taaseqarlutil­lu soqutigisaqarlutil­lu pingaar­titaqar­tut ilagerusut­tas­sagunar­patit. Qular­nan­ngitsumik inuit pis­suseris­sut, as­sersuutigalugu un­neq­qaris­suul­lutil­lu inus­siar­nersuusut, qanitarerusup­patit.

² Oqalut­tuarisaanerup ingerlanerani Jehova inun­nik qanimut ikin­ngutigerusutaminik toq­qaasarsimavoq. As­sersuutigalugu Aaperaat ikin­ngutimisut taavaa. (Esaja 41:8; Jaaku 2:23 atuakkit). Kun­ngi Daavi asavaa tas­saanerarlugulu ‘angut uum­matimi iluarisaa’. (Apustilit Suliaat 13:22) Aam­ma pruf­fiiti Danieli Jehovamit ‘nuan­narineqangaar­poq’. – Danieli 9:23.

3. Jehovap inuit qanoq it­tut ikin­ngutimisut toq­qar­pai?

³ Sooq Jehovap Aaperaat, Daavi Danielilu ikin­ngutimisut isigai? Aaperaamut ima oqar­poq: ‘Naalap­parma.’ (1 Mosesi 22:18) Tas­sa Jehova im­minut naalat­tunut maniguul­lutil­lu iliuusereq­qusamisut ilior­tunut qanil­lisar­poq. Israelik­kut ima oqarfigai: “Nipiga naalas­siuk, taava Guutigis­savas­singa, ilis­silu in­nut­taris­savas­si.” (Jeremia 7:23) Jehovamut naalak­kuit aam­ma il­lit taas­sumun­nga ikin­ngutaalersin­naavutit!

4, 5. Jehovap in­nut­tani pis­saanermigut qanoq ikior­tar­pai?

⁴ Guutimut ikin­ngutaanerup iluaqutis­sar­tai eq­qarsaatigik­kit.  Biibilimi al­las­simavoq Jehova periarfis­sarsior­tar­toq ‘uum­matimik­kut iluun­ngarlutik im­minik tunaarin­nit­tunik pis­saanermigut ikiuinis­saminut’. (2 Nalunaarsuutit 16:9) Jehovap pis­saanermigut qanoq ikiorsin­naavaatit? Jehova ikiueriaatsimi ilaat pil­lugu Tus­siaat 32:8-mi ima oqar­poq: “Ilin­niar­tis­savak­kit ilitsersorlutil­lu ingerlavis­san­nik. Siun­nersus­savak­kit, isigiuas­savak­kil­lu.”

⁵ Jehovap isumas­suinerata kil­litsin­nas­susia! Siun­nersor­neqar­tariaqar­nerit naaper­torlugu siun­nersus­savaatit siun­nersuutiminil­lu maleruaanin­ni nak­kutigalutit. Guutip il­lit an­nikil­lior­nin­ni misilin­neqar­nin­nilu piner­tusaaq­qul­lutit ikiorusuppaatit. (Tussiaat 55:23 atuaruk). Uum­matik­kut iluun­ngarlutit Jehovamut kif­far­toruit tus­siaasior­tup ima al­lat­tup tatigin­nitsigineratul­li tatigin­nil­luin­nar­tigisin­naavutit: “Naalagaq tak­kun­niitit­tuaan­nar­para, taan­na taler­pim­ma tungaaniip­poq, patajaler­navian­ngilangalu.” (Tus­siaat 16:8; 63:9) Jehovap iluarisaminik inooriaaseqaler­nis­san­nut ikiorsin­naavaatit. Soorluli nalun­ngereerit Jehovamut akeraasoqar­poq taamatut inooriaaseqaler­niar­nin­ni akor­nusiiniar­tumik.

6. Saatanip inun­nut tun­ngatil­lugu suna apeq­quser­paa?

⁶ Kapitali 11-mi nas­suiar­neqar­poq Guutip naalak­kersuisin­naatitaanera Saatanip Diaavulup qanoq apeq­quser­neraa. Saatanip Jehova sal­lunerar­paa oqarlunilusooq taan­na naaper­tuil­luan­ngitsulior­toq Adami Evalu suup eq­qor­tuuneranik suul­lu eq­qun­ngitsuuneranik aalajangiisin­naatin­ngin­namigit. Adamip Eval­lu ajor­tulior­nerisa kingor­na taak­kualu kinguaavi nunarsuarmi amerliar­tulermata Saatanip inuit iliuutsimin­nut pis­sutigisaat apeq­quser­paa. Ima oqar­porlusooq: ‘Inuit Guutimut kif­far­tor­nermin­nut asan­nin­neq pis­sutigin­ngilaat. Periarfis­sin­neqaruma kikkut tamaasa Guutimik tunussitis­sin­naavak­ka.’ Saatanip taamaalisitsisin­naasorinera angutip Jobimik atil­lip Biibilimi oqalut­tuarineqar­neranit erser­poq. Jobi kinaava, Saatanil­lu un­nerluutigin­nis­sutaanut qanoq akuliun­neqar­pa?

7, 8. (a) Sooq Jobi nalimini inuusunut naleq­qiul­lugu maluginiar­nar­tuua? (b) Jobimut tun­ngatil­lugu Saatanip qanoq apeq­quser­paa?

 ⁷ Jobi ukiut 3600-t mis­siliorlugit matuma sior­na inuuvoq, angutaavorlu ajun­ngitsoq. Jehova Jobi pil­lugu ima oqar­poq: “Taan­na nunarsuarmi tamarmi nalis­saqan­ngilaq as­suar­naatsuul­lunilu peq­qusersuitsuugami Guutimil­lu mianerin­nit­tuul­luni ajor­tumik iliuuseqar­naveersaar­tuugami.” (Jobi 1:8) Jobi Guutimit iluarisaavoq.

⁸ Jobip Guutimut kif­far­tor­nerminut pis­sutaa Saatanip apeq­quser­paa. Jehovamut ima oqar­poq: “Taan­na ilaqutaalu pigisaalu tamaasa tamatigut ser­nis­sugarisiman­ngin­ner­pigit? Sulinera tamaat pil­luaq­qusimavat, nersutaataalu amerlangaaramik nunamut tamarmut siam­marsimap­put. Ataguli as­sat isatserias­sagit pigisai tamaasa at­torlugit, taava kiin­nat toq­qavil­lugu perloq­qus­sagaluar­paatit!” – Jobi 1:10, 11.

9. Saatanip un­nerluutigin­nis­sutaanut Jehova qanoq qisuariar­pa, aam­ma sooq?

⁹ Tas­sa Saatanip Jobi Guutimut kif­far­tor­nerar­paa iluaqutis­sar­taqar­nera pis­sutigiin­narlugu. Aam­mat­taaq Saatanip Jobi misilin­neqaruni Guutimik tunus­sis­sanerar­paa. Saatanip un­nerluutigin­nis­sutaanut Jehova qanoq qisuariar­pa? Jehovap akueraa Jobip Saatanimit misilin­neqar­nis­saa, taamaalil­luni Jobi Guutimut asan­nit­tuunersoq asan­nin­ngitsuunersorluun­niit erseq­qis­sis­sam­mat.

10. Jobi qanoq misilin­neqar­pa, qanorlu qisuariar­pa?

¹⁰ Tamatuma kingunin­ngua Saatanip Jobi as­sigiin­ngitsutigut misilip­paa. Jobi suutaarul­luin­nangajavip­poq nersutaatini til­lin­neqarmata toqutaal­lutil­luun­niit. Kif­faasa amerlanersaat toqutaap­put. Taava alianaqisumik qitor­nani qulit anorersuarmi an­naavai. Taamatut alianangaar­tunik pisoqaraluar­toq Jobi “ajor­tuliun­ngilaq Guutilu as­suarliuteqarfigin­ngilaa”. – Jobi 1:22.

11. (a) Saatanip Jobi aam­ma qanoq un­nerluutigaa, Jehovalu qanoq piva? (b) Jobi naal­liun­nar­tumik nap­paateqalerami qanoq qisuariar­pa?

¹¹ Saatanili taamaatiin­nan­ngilaq. Saatanip Jobi pigisaminik,  kif­faminik qitor­naminil­lu an­naasaqarami piner­tusaaraluar­toq nap­parsimaleruni Guutimik tunus­sis­sanerar­paa. Jehovap akueraa Saatanip Jobimik maajun­nar­tumik naal­liun­nar­tumil­lu nap­paateqalersitsinis­saa. Taamaak­kaluar­torli Jobi Guutimik tatigin­nik­kun­naan­ngilaq. Ima oqar­poq: “Iluas­susera aalajangiusimavara iperas­sanagulu.” – Jobi 27:6.

12. Jobip pis­susilersor­nera Saatanip un­nerluutigin­nis­sutaa pil­lugu sumik ersersitsiva?

¹² Jobip naluaa ajor­nar­torsiutiminut Saatani pisuusoq. Jehovap kisimi oqar­tus­saaneranut Saatanip pikitsitsineranut tun­ngasut an­nikitsualuit ilisimasaqarfigin­ngin­namigit Jobi an­nilaangavoq ajor­nar­torsiutini Guutimeersuus­sasoralugit. (Jobi 6:4; 16:11-14) Jobili Jehovamut as­suar­naat­tuar­poq. Saatanil­lu Jobi nam­minis­sarsior­nermik pis­suteqar­tumik Guutimut kif­far­tor­nerarmagu tamatuma eq­qun­ngitsuunera Jobip aalajaat­tuar­neragut up­per­narsar­neqar­poq.

13. Jobip Guutimut aalajaan­nera qanoq kinguneqar­pa?

¹³ Jobip aalajaan­neragut Jehova Saatanip kan­ngunarsaataasumik un­nerluutigin­nis­sutaanut kimit­tuumik akis­sutis­sarsisin­neqar­poq. Jobi Jehovamut ikin­ngutaavoq, aalajaam­mal­lu Guutip akis­sarsisip­paa. – Jobi 42:12-17.

14, 15. Sooq oqarsin­naavugut inuit tamarmik Saatanip Jobimut un­nerluutigin­nis­sutaanut akuliun­neqar­tut?

¹⁴ Guutimut as­suar­naas­suseq pil­lugu akerleriis­sut Saatanip pilersitaa Jobimuin­naan­ngitsoq tun­ngavoq. Aam­ma il­lit akuliun­neqar­putit. Taman­na Guutip oqaasiini ukunani erseq­qip­poq: “Er­nera, ilisimasuuniarit taamalu uum­matiga nuan­naar­til­lugu, mital­lersik­ka akisin­naanias­savak­ka.” (Us­satit 27:11) Oqaatsinit taak­kunan­nga, Jobip toqunerata kingor­na ukiut hundredil­lit qaangiut­tut al­lataasunit, erser­poq Guuti suli mitaatigineqar­toq taas­sumalu kif­fai suli un­nerluutigineqar­tut, pingaar­tumik Saatanimit. Guutip iluarisaanik inooriaaseqarut­ta Saatanip un­nerluutigin­nis­sutaata eq­qun­ngitsuuneranik up­per­narsaaqataas­saagut ‘taamalu Guutip uum­mataa nuan­naar­til­lugu’. Eq­qarsaatigiuk Saatanip sal­lul­luni un­nerluutigin­nis­sutaanut  akis­sutaaqataasin­naasutit! Ila tamatuma nuan­nis­susia – aam­ma inuunin­ni al­lan­nguisariaqaraluaruit!

¹⁵ Saatanip oqaasii uku malugik­kit: ‘Inuup pigisani tamaasa akigeriaan­naasar­pai inuunini an­naajumanagu.’ (Jobi 2:4) Saatanip oqaaseq ‘inuup’ atoramiuk erseq­qis­sar­paa un­nerluutigin­nis­sutini Jobimuin­naan­ngitsoq inun­nul­li tamanut tun­ngatik­kini. Taman­na pingaaruteqangaar­poq. Aam­ma Saatanip illit Guutimut as­suar­naas­sutsit apeq­quser­paa. Saatanip kis­saatigaa ajor­nar­torsiuleruit Guutimut naalan­ngis­sasutit eq­qor­tuliorun­naarlutil­lu. Taamaalior­tin­niarlutit Saatani qanoq periaaseqarsin­naava?

16. (a) Saatanip inuit Guutimik tunus­sitin­niaraangamigit qanoq periaaseqar­tar­pa? (b) Periaatsit tamak­ku ilin­nut qanoq atorsin­naavai?

¹⁶ Kapitali 10-mi eq­qar­toriik­katsitut Saatanip inuit Guutimik tunus­sitin­niaraangamigit periaatsit as­sigiin­ngitsut ator­tar­pai. Ilaan­nik­kut saas­sus­sil­luni “løvitut uian­nisaar­tutut angalasar­poq iisas­sarsiorluni”. (1 Petrusi 5:8) Saatanip sun­niinera malun­niut­tarsin­naavoq ikin­ngutitit, ilaqut­tatit al­lal­luun­niit Biibilimik atuaq­qis­saar­tar­nin­nik ilik­kak­katil­lu naaper­torlugit inuuniar­nin­nik akerlilersuigaangata. * (Johan­nesi 15:19, 20) Ilaan­nik­kul­lu Saatani ‘nam­mineq qaamasumut in­ngiliunerar­tar­poq’. (2 Korinthimiut 11:14) Diaavulu il­lit tam­mar­tin­niarlutit Guutil­lu iluarisaanik inooriaaseqarun­naarsin­niarlutit peq­qusersusaarsin­naavoq. Im­maqa aam­ma nikal­lor­tin­niar­paatit, as­sersuutigalugu Guutimik nuan­naar­titsinis­samut piumasaqaataasunik eq­qor­titsisin­naan­ngitsutut misigitil­lutit. (Us­satit 24:10) Saatani “løvitut uian­nisaar­tutut” pis­susilersoraluar­pat imaluun­niit qaamasup in­ngiliatut pis­suseqar­tuusaaraluar­pat un­nerluutigin­nis­sutaa al­lan­ngorsiman­ngilaq. Misilin­neqaruit us­ser­nar­torsioruil­luun­niit Guutimut kif­far­torun­naas­sanerar­paatit. Un­nerluutigin­nis­sutaa qanoq akisin­naaviuk Jobil­lu up­per­narsaaneratut Guutimut as­suar­naas­sutsit up­per­narsarlugu?

17. Jehovap inas­sutaasa naalan­nis­saan­nut pis­sutis­saq pingaar­ner­paaq suua?

¹⁷ Saatanip un­nerluutigin­nis­sutaata eq­qun­ngitsuunera up­per­narsarsin­naavat Guutip iluarisaanik inooriaaseqar­nik­kut. Qanoq? Biibilimi ima akis­suteqar­poq: “Naalagaq Guutit asas­savat uum­matik­kut iluun­ngarlutit tar­nik­kul­lu iluun­ngarlutit nukitil­lu tamak­kerlugit.” (5 Mosesi 6:5) Jehovamut asan­nin­nerujar­tor­til­lutit kis­saatigingaalis­savat taas­suma ilin­nut piumasaqaataatut ilior­nis­sat. Apustili Johan­nesi ima al­lap­poq: ‘Guutimut asan­nin­neq tas­saavoq inas­sutai maleruaratsigit.’ Uum­matik­kut iluun­ngarlutit Jehova asaguk­ku paasis­savat ‘inas­sutai ar­tor­nar­tuun­ngitsut’. – 1 Johan­nesi 5:3.

18, 19. (a) Jehovap inas­sutaasa ilaan­nik eq­qaasaqarit. (Ungalusaq “ Jehovap uumigisai ingalas­simak­kit” takuuk). (b) Qanoq nalun­ngilar­put Jehovap piumasaqar­figival­laar­navian­ngik­kaa­tigut?

¹⁸ Jehovap suut inas­sutigai? Ilaatigut iliuuserinaveersaar­tariaqak­kat as­sigiin­ngitsut inas­sutigai. As­sersuutigalugu maluginiaruk ungalusaq ima qulequtalik: “ Jehovap uumigisai ingalas­simak­kit.” Tas­sani Biibilimi erseq­qis­sumik as­suarineqar­tut ilaat al­las­simap­put. Im­maqa isumaqaq­qaarsin­naavutit pineqar­tut ilaat taama as­suar­nar­tigin­ngitsut. Al­las­simaf­fiil­li in­nersuus­sutigineqar­tut eq­qarsaatigeq­qis­saaruk­kit Jehovap inas­sutaanik maleruaanerup silatusaar­nerus­susia paasilis­savat. Imaas­sin­naavoq iliuutsin­nik al­lan­nguinis­saq misigisimasan­nit al­lanit tamanit unam­miniar­nar­ner­paajusoq. Inooriaaserli Guutip iluarisaa nalerisimaar­nangaarlunilu nuan­ningaar­poq. (Esaja 48:17, 18) Aam­mami inooriaatsimik al­lan­nguisoqarsin­naavoq. Taman­na qanoq nalun­ngilar­put?

¹⁹ Jehovap sapik­katsin­nik piumasaqarfigin­ngisaan­nar­paatigut. (5 Mosesi 30:11-14 atuakkit). Taas­suma pisin­naasavut pisin­naan­ngisavul­lu uagutsin­nit nalun­ngin­neruai. (Tus­siaat 103:14) Aam­mat­taaq Jehovap im­minut naalan­nis­satsin­nut nakus­satsis­sin­naavaatigut. Apustili Paulusi ima al­lap­poq: ‘Guuti un­neq­qarip­poq; akuersaaruman­ngilaa ar­tuk­kas­sin­nik us­ser­neqar­nis­sarsi, kisian­ni us­ser­neqar­nermut ilagitil­lugu aniguif­fis­saq pilersis­savaa ar­torsar­titaaq­qunasi.’ (1 Korinthimiut 10:13)  Al­laam­mi Guutip ‘pis­saanermik as­seqan­ngitsumik’ tunisin­naavaatigut. (2 Korinthimiut 4:7) An­nikil­liuuter­pas­suit naam­magalugit atoreerlugit Paulusi ima al­lap­poq: “Tamaasa pis­satsitsisik­kut atus­sal­lugit sapin­ngilak­ka.” – Filip­pimiut 4:13.

20. Guutimit iluarisaajumal­lutit pis­suserineqar­tus­sat suut ineriar­tor­tit­tariaqar­pigit, aam­ma sooq taak­ku pingaaruteqar­pat?

²⁰ Jehovamit iluarisaarusuk­kaan­ni uumigisai ingalas­simasariaqar­put. Taman­nali naam­man­ngilaq. Aam­mat­taaq nuan­narisai  nuan­narisariaqar­put. (Romamiut 12:9) Inuit ilit­tut isigin­nit­taaseqarlutil­lu soqutigisaqarlutil­lu pingaar­titaqar­tut ikin­ngutigerusut­tar­patit, ilaa? Aam­ma Jehova taamaap­poq. Taamaat­tumik Jehovap nuan­narisaanik nuan­narisaqar­nis­saq ilin­niaruk. Taas­suma nuan­narisaasa ilaat Tus­siaat 15-imi al­laatigineqar­put, tas­sani Jehova inun­nik qanoq it­tunik ikin­nguteqarusun­nersoq atuarsin­naavar­put. (Tussiaat 15:1-5 atuakkit). Biibilimi ‘anersaap inerititaanik’ taaneqar­toq Jehovamut ikin­ngutaasunit ersersin­neqar­tar­poq. Ilaatigut tas­saavoq pis­suserineqar­tus­sat uku: “Asan­nin­neq, nuan­naar­neq, eq­qis­sineq, kamajasuun­ngin­neq, inus­siar­nisaar­neq, ajun­ngitsuuneq, un­neq­qaris­suseq  [up­per­neq, NW], qanilaar­neq im­minul­lu naalak­kersin­naaneq.” – Galatiamiut 5:22, 23.

21. Pis­suserineqar­tus­sanik Guutip iluarisaanik ineriar­tor­titsinis­san­nut suna iluaqutigisin­naaviuk?

²¹ Pis­suserineqar­tus­sat Guutip iluarisai ineriar­tor­tis­sin­naavatit aalajangersimasumik Biibilimik atuar­tar­nik­kut atuaq­qis­saar­tar­nik­kul­lu. Guutip piumasaqaatai pil­lugit ilin­niar­neq iluaqutigis­savat eq­qarsar­taatsivit Guutip eq­qarsar­taasianut naaper­tuut­tun­ngor­tin­nis­saanut. (Esaja 30:20, 21) Jehovamut asan­nin­nerujar­tor­til­lutit taas­suma iluarisaanik inooriaaseqaler­nis­sat kis­saatiginerujar­tus­savat.

22. Guutip iluarisaanik inooriaaseqaruit qanoq kinguneqas­sava?

²² Guutip inas­sutaanik maleruaas­sagaan­ni taamaalil­lunilu taas­suma iluarisaanik inooriaaseqas­sagaan­ni iliuuseqar­toqar­tariaqar­poq. Inooriaatsimik al­lan­nguineq Biibilimi as­sersuun­neqar­poq atisanik taarsiinermut; il­lit inut­tut pis­susitoq­qat peerlugu inut­tut pis­suseq nutaaq atisariaqar­pat. (Kolos­semiut 3:9, 10) Taamaalior­toq akis­sarsiumaar­toq pil­lugu tus­siaasior­toq ima al­lap­poq: ‘Pil­luar­poq Jehovap inatsisaanik maleruaasoq.’ (Tus­siaat 119:1) Aam­ma il­lit paasilerumaar­pat Guutip iluarisaanik inooriaaseqar­neq pil­luaq­qusaangaar­nar­toq. Taamaalior­nik­kut Saatanip un­nerluutigin­nis­sutaata eq­qun­ngitsuuneranik up­per­narsaaqataas­saatit Jehoval­lu uum­mataanik nuan­naar­titsil­lutit!