Thimo 24:1-34
24 Ndũkanaigue ũiru nĩ ũndũ wa andũ arĩa mekaga maũndũ moru,Na ndũkanerirĩrie thiritũ yao,+
2 Tondũ ngoro yao ĩĩcũranagia maũndũ ma ũhinya,Na mĩromo yao ĩkaria ũhoro wa kũrehera andũ mathĩna.
3 Nyũmba* yakagwo na ũũgĩ,+Naguo ũtaũku nĩ ũtũmaga ĩĩhande.
4 Ũmenyo nĩ ũtũmaga rumu ciayo ciyũreMĩthemba yothe ya mĩthithũ ya goro na mĩega.+
5 Mũndũ mũũgĩ nĩ akoragwo na hinya,+Na ũmenyo nĩ ũteithagia mũndũ kuongerera hinya wake.
6 Ũtongoria wa ũũgĩ nĩ ũrĩgũteithagia kũrũa mbaara yaku,+Na ataarani aingĩ nĩ matũmaga kũgĩe na ũhootani.*+
7 Kĩrimũ gĩtingĩhota kũgĩa na ũũgĩ wa ma;+Gĩtikoragwo na ũndũ wa kuuga kĩhingo-inĩ gĩa itũũra.
8 Mũndũ wothe ũbangaga maũndũ moruArĩtagwo njorua ya gũthugunda maũndũ moru.+
9 Njama cia ũrimũ* nĩ irehaga mehia,Na andũ nĩ mathũire mũndũ wa kĩnyũrũri.+
10 Ũngĩkua ngoro mũthenya wa mĩtangĩko,*Hinya waku ũgũkorũo ũrĩ mũnini.
11 Honokia arĩa maratwarũo gĩkuũ-inĩ,Na ũgirĩrĩrie arĩa maratũgũga merekeire gĩthĩnjĩro.+
12 Ũngiuga atĩrĩ, “Ithuĩ tũtiroĩ ũhoro ũcio,”Githĩ Ũrĩa ũthuthuragia ngoro* ndekũmenya ũndũ ũcio?+
Ti itherũ, Ũrĩa ũkũroraga* nĩ ekũmenyaNa nĩ akaarĩha o mũndũ kũringana na ciĩko ciake.+
13 Mũrũ wakwa, rĩa ũũkĩ, tondũ nĩ mwega;Ũũkĩ uumĩte magua-inĩ nĩ ũrĩ mũrĩo ũkĩũcama.
14 Ũndũ ũmwe na ũguo, menya atĩ ũũgĩ nĩ mwega harĩ wee.*+
Ũngĩwona, nĩ ũgaakorũo na ihinda rĩega rĩũkĩteNa kĩĩrĩgĩrĩro gĩaku gĩtigaathira.+
15 Ndũkanaikare wohetie hakuhĩ na nyũmba ya mũndũ mũthingu ta mũndũ mwaganu;Na ndũkanathũkie handũ hake ha kũhurũka.
16 Nĩ gũkorũo mũndũ mũthingu no agwe maita mũgwanja, o agĩũkĩraga,+No andũ arĩa aganu mahĩngagwo nĩ mathĩna magatoorio.+
17 Rĩrĩa thũ yaku yagwa, ndũgakenage,Na rĩrĩa yahĩngwo-rĩ, ndũkarekage ngoro yaku ĩkene.+
18 Tondũ Jehova nĩ ekuona na arakare,Na eherie marakara make kuuma harĩ thũ ĩyo.+
19 Ndũgatangĩke* nĩ ũndũ wa andũ arĩa mekaga maũndũ moru;Ndũkaigue ũiru nĩ ũndũ wa andũ arĩa aganu,
20 Tondũ mũndũ wothe wĩkaga maũndũ moru ndarĩ na mwĩhoko wa mahinda mokĩte;+Tawa wa andũ arĩa aganu nĩ ũkaahorio.+
21 Mũrũ wakwa, wĩtigĩre Jehova na mũthamaki.+
Na ndũkanyitanagĩre na aregani,*+
22 Nĩ gũkorũo ũũru ũkaamakora o rĩmwe.+
Nũũ ũĩ mwanangĩko ũrĩa acio eerĩ* makaamarehera?+
23 Ciugo ici o nacio nĩ cia andũ arĩa ogĩ:
Gũkorũo na mũthutũkanio ciira-inĩ ti ũndũ mwega.+
24 Mũndũ wothe wĩraga ũrĩa mwaganu atĩrĩ, “Wee ũrĩ mũthingu,”+Nĩ arĩrumagwo nĩ ikundi cia andũ na agokĩrĩrũo nĩ ndũrĩrĩ.
25 No maũndũ nĩ marĩthiaga wega harĩ arĩa mamũrũngaga;+Nĩ marĩgĩaga na irathimo cia maũndũ mega.+
26 Andũ nĩ marĩmumunyaga mĩromo ya mũndũ ũrĩa ũcokagia ũhoro arĩ na wĩhokeku.*+
27 Haarĩria wĩra waku wa na kũu nja, na ũhaarĩrie maũndũ mothe mũgũnda-inĩ;Ũcoke wake nyũmba* yaku.
28 Ndũkanarute ũira mũũru wĩgiĩ mũndũ ũrĩa ũngĩ hatarĩ gĩtũmi.+
Ndũkanahũthĩre mĩromo yaku kũheenia arĩa angĩ.+
29 Ndũkanoige atĩrĩ: “Ngũmwĩka o ta ũrĩa anjĩkĩte;Ngũmũrĩha kũringana na ũrĩa ekĩte.”*+
30 Ndahĩtũkĩire mũgũnda-inĩ wa mũndũ kĩgũũta,+Mũgũnda-inĩ wa mĩthabibũ wa mũndũ ũrĩa ũtarĩ wĩcirio.*
31 Ngĩona atĩ waiyũrĩte ria;Tĩri wahumbĩrĩtwo nĩ thabai,Na rũthingo rwaguo rwa ihiga nĩ rwamomokete.+
32 Ngĩĩrorera ũndũ ũcio na ngĩwĩcũrania ngoro-inĩ yakwa;Ngĩwona na ngĩĩruta ũndũ ũyũ:*
33 Gũkomakoma hanini, gũcũnga hanini,Gũkũnja moko hanini nĩguo ũhurũke,
34 Gũgũtũma ũthĩni waku ũũke o ta mũtunyani,Na wagi waku ũũke ta mũndũ ũrĩ na matharaita.+
Tũũhoro twa magũrũ-inĩ
^ Kana “Famĩlĩ.”
^ Kana “ũgaacĩru; ũhonokio.”
^ Kana “Njama cia kĩrimũ.”
^ Kana “hĩndĩ ya thĩna.”
^ Kana “mĩoroto.”
^ Kana “ũroraga muoyo waku.”
^ Kana “nĩ ũrĩ cama harĩ muoyo waku.”
^ Kana “Ndũgacinwo nĩ marakara.”
^ Kana “arĩa mendaga kũgarũrithia maũndũ.”
^ Acio eerĩ nĩ Jehova na mũthamaki.
^ Kana hihi, “Gũcokia ũhoro na njĩra nũngĩrĩru nĩ ta kũmumunya mũndũ.”
^ Kana “famĩlĩ.”
^ Kana “Nĩ ngwĩrĩhĩria harĩ we.”
^ Kana “ũrĩ na ngoro ĩtarĩ na ũtaũku.”
^ Ũkk., “Ngĩtaarũo:”