Thimo 21:1-31
21 Ngoro ya mũthamaki ĩtariĩ ta tũrũũĩ twa maĩ moko-inĩ ma Jehova.+
Amĩtongoragia o kũrĩa guothe ekwenda.+
2 Njĩra ciothe cia mũndũ cionekaga irĩ njagĩrĩru harĩ we,+No Jehova nĩ athuthuragia ngoro.*+
3 Gwĩka ũndũ ũrĩa wagĩrĩire na wa kĩhootoNĩ gũkenagia Jehova gũkĩra kũruta igongona.+
4 Maitho ma mwĩtĩo na ngoro ĩrĩ na mwĩgaathoNĩcio tawa ũrĩa ũtongoragia andũ arĩa aganu, na nĩ mehia.+
5 Mĩbango ya mũndũ ũrĩ kĩyo hatarĩ nganja nĩ ĩrehaga ũgaacĩru,*+No arĩa othe mahĩkĩkaga gwĩka maũndũ nĩ mathĩnaga.+
6 Kũgĩa na mĩthithũ kũgerera rũrĩmĩ rwa maheeniNĩ ta kĩbii kĩrathira, nĩ mũtego wa gĩkuũ.*+
7 Ũhinya wa andũ arĩa aganu nĩ ũkaamahaata mehere,+Tondũ nĩ maregaga gwĩka maũndũ na kĩhooto.
8 Njĩra ya mũndũ ũrĩ na mahĩtia nĩ njogomu,No ciĩko cia mũndũ ũrĩa ũtarĩ ũcuke nĩ nũngĩrĩru.+
9 Nĩ kaba gũtũũra nyũmba igũrũ kona-inĩGũkĩra gũtũũra nyũmba ĩmwe na mũtumia wa ngũĩ.*+
10 Mũndũ ũrĩa mwaganu eriragĩria maũndũ moru;+Ndaiguagĩra mũndũ ũrĩa ũngĩ tha.+
11 Rĩrĩa mũndũ wa kĩnyũrũri aherithio, andũ arĩa matarĩ ũmenyeru nĩ magĩaga na ũũgĩ,Na hĩndĩ ĩrĩa mũndũ mũũgĩ amũkĩra ũtaũku, nĩ agĩaga na ũmenyo.*+
12 Ũrĩa Mũthingu nĩ eroragĩra nyũmba ya mũndũ ũrĩa mwaganu;Eheragia andũ arĩa aganu agatũma manangĩke.+
13 Mũndũ wothe ũhingaga gũtũ gwake ndakaigue kĩrĩro kĩa mũndũ ũrĩa ũtarĩ hinyaWe mwene nĩ agaakaya no ndagetĩkwo.+
14 Kĩheo kĩheanĩtwo na hitho nĩ kĩhooragĩria marakara,+Na ihaki ihithe* rĩkahooreria mang’ũrĩ manene.
15 Nĩ ũndũ wa gĩkeno harĩ mũndũ ũrĩa mũthingu gwĩka maũndũ na kĩhooto,+No nĩ ũndũ mũũru mũno harĩ arĩa mekaga maũndũ moru.
16 Mũndũ ũrĩa weheraga njĩra-inĩ ya ũtaũkuAkaahurũka hamwe na arĩa magithĩtio hinya nĩ gĩkuũ.+
17 Mũndũ ũrĩa wendete ikeno nĩ agaatuĩka mũthĩni;+Mũndũ ũrĩa wendete ndibei na maguta ndagaatonga.
18 Mũndũ ũrĩa mwaganu atuĩkaga irĩhi rĩa gũkũũra mũndũ ũrĩa mũthingu,Na mũndũ ũrĩa ũkunyanagĩra nĩ agaatuĩka irĩhi rĩa gũkũũra mũndũ ũrĩa mũrũngĩrĩru.+
19 Nĩ kaba gũtũũra werũ-inĩGũkĩra gũtũũra na mũtumia wa ngũĩ* na wa kũrakara na ihenya.+
20 Mũthithũ wa goro na maguta cionekaga thĩinĩ wa nyũmba cia andũ arĩa ogĩ,+No mũndũ ũrĩa mũkĩgu nĩ gũitanga aitangaga* kĩrĩa arĩ nakĩo.+
21 Mũndũ wothe ũthingataga ũthingu na wendo mwĩhokekuNĩ akaagĩa na muoyo, ũthingu, na riri.+
22 Mũndũ mũũgĩ no ahambe igũrũ rĩa* itũũra rĩa andũ marĩ na hinyaNa anange hinya ũrĩa makoragwo mehokete.+
23 Mũndũ ũrĩa ũmenyagĩrĩra kanua gake na rũrĩmĩ rwakeNĩ eyeheragia thĩna-inĩ.+
24 Mũndũ wa kwĩĩkĩrĩra, mũndũ wa kwĩraha, icio nĩcio ciugo iria ihũthagĩrũo harĩMũndũ ũrĩa wĩkaga maũndũ na mwĩtĩo atekũmakio nĩ ũndũ.+
25 Maũndũ marĩa mũndũ mũgũũta eriragĩria nĩ marĩtũma akue,Tondũ moko make nĩ maregaga kũruta wĩra.+
26 Mũthenya wothe eriragĩria indo makĩria arĩ na mũkoroko,No mũndũ ũrĩa mũthingu nĩ aheanaga, atekũimana.+
27 Igongona rĩa mũndũ ũrĩa mwaganu nĩ kĩndũ kĩrĩ magigi.+
Na githĩ rĩtikĩrĩ magigi o na makĩria hĩndĩ ĩrĩa arĩrutĩte arĩ na muoroto mũũru!*
28 Mũira wa maheeni nĩ agaathira,+No mũndũ ũrĩa ũthikagĩrĩria nĩ arutaga ũira na akagaacĩra.*
29 Mũndũ ũrĩa mwaganu ndakoragwo na thoni ũthiũ-inĩ wake,+No mũndũ ũrĩa mũrũngĩrĩru nĩwe ũkoragwo na njĩra nũmu.*+
30 Gũtirĩ ũũgĩ, kana ũtaũku, o na kana ũtaaro harĩ kũregana na Jehova.+
31 Mbarathi nĩ ĩhaaragĩrio nĩ ũndũ wa mũthenya wa mbaara,+No ũhonokio nĩ wa Jehova.+
Tũũhoro twa magũrũ-inĩ
^ Kana “mĩoroto.”
^ Kana “ũguni.”
^ Kana hihi, “harĩ arĩa maracaria gĩkuũ.”
^ Kana “wa mateta.”
^ Kana “nĩ amenyaga ũrĩa egwĩka.”
^ Ũkk., “ihaki rĩrĩ gĩthũri-inĩ.”
^ Kana “wa mateta.”
^ Ũkk., “nĩ kũmeria ameragia.”
^ Kana “no atoorie.”
^ Kana “arĩ na mĩtugo ya thoni!”
^ Ũkk., “egũtũũra aragia tene na tene.”
^ Kana “nĩwe ũrũmagia njĩra yake.”
