Thimo 22:1-29
22 Kaba gũthuura rĩĩtwa rĩega* handũ ha ũtonga mũnene;+Kũheo gĩtĩo* nĩ kwega gũkĩra betha na thahabu.
2 Gĩtonga na mũthĩni makoragwo na ũndũ ũyũ ũhaanaine:*
Jehova nĩwe wamombire eerĩ.+
3 Mũndũ mũũgĩ onaga ũgwati akehitha,No arĩa matarĩ na ũmenyeru mathiaga o na mbere magacemania na maũndũ moru.
4 Moimĩrĩro ma wĩnyihia na gwĩtigĩra JehovaNĩ ũtonga na riri na muoyo.+
5 Mĩigua na mĩtego ĩkoragwo njĩra-inĩ ya mũndũ ũrĩa ũtarĩ mũrũngĩrĩru,No ũrĩa wonaga muoyo wake wĩ wa bata aikaraga haraya nayo.+
6 Menyeria mwana* njĩra ĩrĩa agĩrĩirũo kũgera;+O na rĩrĩa agaakũra ndakaamĩtiganĩria.+
7 Gĩtonga gĩathaga mũthĩni,Na ũrĩa ũkombaga akoragwo arĩ ngombo ya ũrĩa ũmũkombeire.+
8 Mũndũ wothe ũhandaga maũndũ matarĩ ma ũthingu agethaga mathĩna,+Na rũthanju rwa marakara make nĩ rũgaakinya mũthia.+
9 Mũndũ ũrĩa mũtaana* nĩ arĩrathimagwo,Tondũ nĩ agayanaga irio ciake na ũrĩa mũthĩni.+
10 Ingata mũndũ wa kĩnyũrũri,Na ngũĩ nĩ ikwehera;Ngucanio* na irumi nĩ igũthira.
11 Mũndũ ũrĩa wendete ngoro theru na waragia mĩario ya ũtugiNĩ arĩtuĩkaga mũrata wa mũthamaki.+
12 Maitho ma Jehova nĩ magitagĩra ũmenyo,No nĩ ang’aũranagia ciugo cia mũndũ ũrĩa mũkunyanĩri.+
13 Kĩgũũta kiugaga atĩrĩ: “Nja kwĩ na mũrũthi!
Nĩ ngũũragĩrũo kĩhaaro-inĩ kĩa mũingĩ gatagatĩ!”+
14 Kanua ka atumia arĩa aremi* nĩ irima iriku.+
Ũrĩa ũtuĩrĩirũo nĩ Jehova atĩ arĩ na mahĩtia agũaga thĩinĩ warĩo.
15 Ũrimũ ũkoragwo wohanĩtio ngoro-inĩ ya mwana,*+No rũthanju rwa kũrũnga nĩ rũrĩweheragia ũgakorũo haraya nake.+
16 Ũrĩa ũtunyaga andũ arĩa athĩni nĩguo ongerere ũtonga wake+Na ũrĩa ũheaga andũ arĩa atongu iheoNĩ gũthĩna agaathĩna.
17 Tega gũtũ gwaku ũthikĩrĩrie ciugo cia andũ arĩa ogĩ,+Nĩguo ngoro yaku ĩrũmagĩrĩre ũmenyo wakwa,+
18 Tondũ nĩ ũndũ mwega ũcigage ngoro-inĩ yaku thĩinĩ,+Nĩguo ciothe ikoragwo mĩromo-inĩ yaku hingo ciothe.+
19 Nĩgetha mwĩhoko waku ũkoragwo harĩ Jehova-rĩ,Ndĩrakũhe ũmenyo ũmũthĩ.
20 Na githĩ ndikwandĩkĩire,Ngakũhe ũtaaro na ũmenyo,
21 Nĩguo ngũrute ciugo cia ma na cia kwĩhokeka,Nĩgetha ũcoke na ũhoro ũtarĩ na mahĩtia harĩ ũrĩa wagũtũmire?
22 Ndũkanatunye mũndũ mũthĩni atĩ tondũ nĩ mũthĩni,+Na ndũkanahehenjere mũndũ ũrĩa ũtarĩ hinya kĩhingo-inĩ gĩa itũũra,+
23 Nĩ gũkorũo Jehova we mwene nĩ arĩmatetagĩra+Na nĩ akaaniina mĩoyo ya andũ arĩa mamatunyaga.
24 Ndũgathiage thiritũ na mũndũ ũrĩa ũrakaraga na ihenyaKana ũnyitanĩre na mũndũ wa mang’ũrĩ,
25 Nĩguo ndũkanerute njĩra ciakeWĩingĩrie mũtego-inĩ.+
26 Ndũgakoragwo gatagatĩ-inĩ ka andũ arĩa mageithanagia na guoko makarĩkanĩra ũndũ,O acio marutaga kĩndũ gĩa kũrũgamĩrĩra mathiirĩ.+
27 Angĩkorũo ndũrĩ na kĩndũ gĩa kũrĩha,Ũgaatunywo ũrĩrĩ waku o ũũkomeire!
28 Ndũkanathaamie mũtĩ wa tene wa mũhakaŨrĩa maithe manyu ma tene maahandire.+
29 Hihi nĩ wonete mũndũ mũũgĩ wĩra-inĩ wake?
Ũcio arĩrũgamaga mbere ya athamaki;+Ndarĩrũgamaga mbere ya andũ matarĩ igweta.
Tũũhoro twa magũrũ-inĩ
^ Ũkk., “Gwĩtĩkĩrĩka.”
^ Kana “ngumo njega.” Ũkk., “rĩĩtwa.”
^ Ũkk., “macemanagia hamwe.”
^ Kana “kamwana; mũndũ mwĩthĩ.”
^ Ũkk., “Ũrĩa ũrĩ na riitho rĩega.”
^ Kana “Maciira.”
^ Kana “kamwana; mũndũ mwĩthĩ.”
