Thimo 20:1-30
20 Ndibei nĩ mũnyũrũrania,+ na njohi nĩ ĩrehaga ngũĩ;+Mũndũ wothe ũhĩtithagio nĩcio ti mũũgĩ.+
2 Guoya ũrĩa mũthamaki atũmaga andũ magĩe naguo ũtariĩ ta mũraramo wa mũrũthi;*+Mũndũ wothe warahũraga marakara ma mũthamaki aigaga muoyo wake ũgwati-inĩ.+
3 Gwĩthema ngucanio nĩ gũtũmaga mũndũ aheo gĩtĩo,+No mũndũ wothe kĩrimũ eingĩragia thĩinĩ wayo.+
4 Mũndũ mũgũũta ndarĩmaga hĩndĩ ya heho,Nĩ ũndũ ũcio hĩndĩ ya magetha nĩ kũhoya arĩhoyaga irio tondũ ndarĩ na kĩndũ.*+
5 Methugunda ma ngoro ya mũndũ matariĩ* ta maĩ marĩ irima iriku,No mũndũ ũrĩ na ũtaũku nĩ amatahaga.
6 Andũ aingĩ nĩ moigaga atĩ nĩ marĩ wendo mwĩhokeku,No rĩrĩ, nũũ ũngĩona mũndũ mwĩhokeku?
7 Mũndũ mũthingu athiaga na wĩkindĩru wake.+
Gũkena nĩ ciana ciake iria ciũkaga* thutha wake.+
8 Rĩrĩa mũthamaki aikarĩra gĩtĩ kĩa ũnene gũtuanĩra ciira,+Eheragia maũndũ mothe moru na maitho make.+
9 Nũũ ũngiuga atĩrĩ: “Nĩ theretie ngoro yakwa;+Niĩ ndĩ mũtheru ndirĩ na mehia”?+
10 Mahiga ma gũthima matarĩ ma wĩhokeku na ithimi cia maheeni*—Cierĩ nĩ kĩndũ kĩrĩ magigi harĩ Jehova.+
11 O na mwana* nĩ amenyekaga kũgerera ciĩko ciake,Akamenyeka kana mĩtugo yake nĩ mĩtheru na kana nĩ mĩagĩrĩru.+
12 Gũtũ kũrĩa kũiguaga na riitho rĩrĩa rĩonaga—Cierĩ nĩ Jehova waciũmbire.+
13 Ndũkende toro, nĩgetha ndũgatuĩke mũthĩni.+
Ikaraga ũhingũrĩtie maitho, na nĩ ũrĩrĩaga mũgate ũkahũna.+
14 Mũgũri oigaga atĩrĩ: “Kĩndũ gĩkĩ ti kĩega, kĩndũ gĩkĩ ti kĩega!”
Agacoka agathiĩ kwĩraha.+
15 Kũrĩ na thahabu, o na tũhiga tũingĩ twa goro twa iria-inĩ,*No mĩromo ĩrĩa ĩrĩ na ũmenyo nĩ kĩndũ kĩa goro.+
16 Oya nguo ya mũndũ angĩkorũo arutĩte kĩndũ gĩa kũrũgamĩrĩra thiirĩ wa mũgeni;+Oya kĩndũ gĩa kũrũgamĩrĩra thiirĩ kuuma kũrĩ we angĩkorũo arũgamĩrĩire thiirĩ wa mũtumia wa kũngĩ.*+
17 Mũgate wonekete na njĩra ya maheeni nĩ ũrĩ cama harĩ mũndũ,No thutha-inĩ kanua gake kaiyũraga mũthanga.+
18 Kwaranĩria* nĩ gũtũmaga mĩbango ĩgaacĩre,*+Na ũhũthagĩre ũtongoria wa ũũgĩ+ kũrũa mbaara yaku.
19 Mũcambania nĩ aguũragia ndeto cia hitho;+Ndũkanyitanagĩre na mũndũ wendete mũcene.*
20 Mũndũ wothe ũrumaga ithe na nyina,Tawa wake nĩ ũkaahorio rĩrĩa gũkaagĩa nduma.+
21 Igai rĩrĩa rĩonekete na ũkoroku kĩambĩrĩria-inĩMũthia-inĩ rĩtigaakorũo rĩrĩ kĩrathimo.+
22 Ndũkanoige atĩrĩ: “Nĩ ngwĩrĩhĩria ũũru ũyũ!”+
Wĩrĩgagĩrĩre Jehova,+ nake nĩ egũkũhonokia.+
23 Mahiga ma gũthima matarĩ ma wĩhokeku* nĩ kĩndũ kĩrĩ magigi harĩ Jehova,Na ratiri ya maheeni ti njega.
24 Makinya ma mũndũ matongoragio nĩ Jehova;+Mũndũ-rĩ, angĩhota atĩa gũtaũkĩrũo nĩ njĩra yake mwene?*
25 Nĩ mũtego mũndũ kũhiũha kuuga atĩrĩ, “Kĩndũ gĩkĩ nĩ kĩamũre!”+
Agacoka gwĩcũrania thutha-inĩ igũrũ rĩgiĩ mwĩhĩtwa wake.+
26 Mũthamaki mũũgĩ eheragia andũ arĩa aganu+Na akagereria kĩgaragari gĩa kũhũũra ngano igũrũ rĩao.+
27 Mĩhũmũ ya mũndũ nĩyo tawa wa Jehova,Ũthuthuragia ũmũndũ wake wa thĩinĩ biũ.
28 Wendo* na wĩhokeku nĩ igitagĩra mũthamaki;+Atũũragia gĩtĩ gĩake kĩa ũnene nĩ ũndũ wa wendo mwĩhokeku.+
29 Riri wa andũ ethĩ nĩ hinya wao,+Naguo ũthaka wa andũ akũrũ nĩ mbuĩ ciao.+
30 Nguraro na ironda nĩ cieheragia* maũndũ moru,+Na kũhũũrũo nĩ gũtheragia mũndũ nginya thĩinĩ biũ.
Tũũhoro twa magũrũ-inĩ
^ Kana “mũrũthi mwĩthĩ wa njamba.”
^ Kana hihi, “Hĩndĩ ya magetha nĩ akaamatha no gũtirĩ kĩndũ akona.”
^ Kana “mĩoroto ya ngoro ya mũndũ ĩtariĩ.”
^ Ũkk., “ariũ ake arĩa mokaga.”
^ Kana “Mahiga merĩ ma gũthima mataiganaine na ibaba igĩrĩ cia gũthima itaiganaine.”
^ Kana “kamwana.”
^ Rora Ũthathaũri wa Ciugo.
^ Kana “mũndũ wa kũngĩ.”
^ Kana “Kũhoya ũtaaro.”
^ Kana “ĩrũme.”
^ Kana “mũndũ ũgucagĩrĩria na mĩromo yake.”
^ Kana “Mahiga merĩ ma gũthima mataiganaine.”
^ Kana “njĩra ĩrĩa agĩrĩirũo kũgera?”
^ Kana “Wendo mwĩhokeku.”
^ Kana “ikumuthaga.”
