Thimo 17:1-28
17 Kaba kĩenyũ kĩa mũgate mũũmũ harĩa harĩ na thayũ*+Gũkĩra nyũmba ĩiyũire ndĩa* hamwe na ngũĩ.+
2 Ndungata ĩrĩ na ũtaũku nĩ ĩgaatha mũrũ wa mwathi wayo ũrĩa wĩkaga maũndũ ma thoni;Nĩ ĩkaamũkĩra igai o ta ĩrĩ ũmwe wa ariũ a mwathi wayo.
3 Nyũngũ nĩ ya gũtheria betha narĩo riiko nĩ rĩa gũtheria thahabu,+No Jehova nĩwe mũthuthuria wa ngoro.+
4 Mũndũ mwaganu ategaga gũtũ aigue mĩario ya gũtuurithia,Nake mũndũ wa maheeni athikagĩrĩria rũrĩmĩ rũrĩa rwaragia maũndũ moru.+
5 Mũndũ o wothe ũnyũrũragia mũthĩni nĩ Mũũmbi wake arumaga,+Na ũrĩa ũkenaga rĩrĩa mũndũ ũngĩ ona ũũru ndakaaga kũherithio.+
6 Thũmbĩ ya andũ arĩa akũrũ nĩ ciana cia ciana ciao,Na aciari* nĩo riri wa ciana ciao.*
7 Mĩario mĩrũngĩrĩru* ndĩagagĩrĩra kĩrimũ.+
Na githĩ ũrĩa ũrathana* ndagaga kwagĩrĩrũo o na makĩria nĩ mĩario ya maheeni!+
8 Kĩheo gĩtariĩ ta ihiga rĩa goro* harĩ mwene;+Harĩa hothe athiaga, nĩ gĩtũmaga agaacĩre.+
9 Mũndũ wothe wohanagĩra* mahĩtia nĩ wendo acaragia,+No mũndũ ũrĩa ũikaraga agĩcokagĩra ũndũ nĩ atigithũkanagia arata a hakuhĩ.+
10 Kũrũngwo nĩ gũkoragwo na ũguni mũnene harĩ mũndũ ũrĩa ũrĩ na ũtaũku+Gũkĩra kũringa mũndũ mũkĩgu maita igana rĩmwe.+
11 Mũndũ mũũru acaragia o ũrĩa angĩrema,No mũtũmwo ũtarĩ tha nĩwe ũgaatũmwo nĩguo amũherithie.+
12 Kaba gũcemania na nduba ĩtunyĩtwo twana twayo,Gũkĩra gũcemania na mũndũ mũkĩgu na ũrimũ wake.+
13 Mũndũ o wothe angĩrĩha wega na ũũru,Ũũru ndũkehera nyũmba-inĩ yake.+
14 Kwambĩrĩria mbaara nĩ ta kũhingũrĩra maĩ ma mũiyũro;*Haaro ĩtanatuthũka-rĩ, wĩyeherere.+
15 Mũndũ ũrĩa weheragĩria mũndũ mwaganu mahĩtia na ũrĩa ũtuagĩra mũndũ mũthingu atĩ nĩ ahĩtĩtie+—Eerĩ nĩ kĩndũ kĩrĩ magigi harĩ Jehova.
16 Harĩ na ũguni ũrĩkũ mũndũ ũrĩa mũkĩgu gũkorũo na ũhoti wa kũgĩa na ũũgĩNa ndarĩ na ngoro ya kwĩgĩra naguo?*+
17 Mũrata wa ma onanagia wendo hingo ciothe,+Na aciarĩtwo atuĩke mũrũ wa nyina na mũndũ hĩndĩ ya mĩtangĩko.+
18 Mũndũ ũtarĩ wĩcirio* ageithanagia na guoko na agetĩkĩraKũruta kĩndũ gĩa kũrũgamĩrĩra thiirĩ mũndũ ũrĩa marigainie arĩ ho.+
19 Ũrĩa wendete ngũĩ nĩ endete mehia.+
Mũndũ o wothe ũraihagia kĩhingo gĩake na igũrũ erehagĩra mwanangĩko.+
20 Mũndũ ũrĩa ũtarĩ mũrũngĩrĩru ngoro ndagaacagĩra,*+Na ũrĩa waragia ndeto cia maheeni nĩ anangĩkaga.
21 Mũndũ ũrĩa ũtuĩkaga ithe wa mwana mũkĩgu nĩ arĩkoragwo na kĩeha;Na ithe wa mwana ũrĩa ũtarĩ wĩcirio ndakoragwo na gĩkeno.+
22 Ngoro ĩrĩ na gĩkeno nĩ ndawa njega,*+No roho mũthuthĩku nĩ ũniinaga mũndũ hinya.*+
23 Mũndũ mwaganu nĩ amũkagĩra ihaki na hitho*Nĩguo ogomie njĩra ya kĩhooto.+
24 Mũndũ ũrĩ na ũtaũku aikaraga arorete ũũgĩ,No maitho ma mũndũ ũrĩa mũkĩgu morũraga nginya ituri cia thĩ.+
25 Mwana mũkĩgu arehagĩra ithe kĩehaNa akarehera ũrĩa wamũciarire ruo rwa ngoro.*+
26 Kũherithia mũndũ ũrĩa mũthingu ti ũndũ mwega,Na kũhũũra andũ arĩa atĩĩku iboko ti ũndũ mwagĩrĩru.
27 Mũndũ ũrĩ na ũmenyo nĩ agiragĩrĩria ciugo ciake,+Na mũndũ ũrĩ na ũtaũku aikaraga ahooreire.*+
28 O na kĩrimũ kĩngĩikara gĩkirĩte kĩrĩonagwo kĩrĩ na ũũgĩ,Na mũndũ ũrĩa ũtumagia mĩromo yake arĩonagwo arĩ na ũtaũku.
Tũũhoro twa magũrũ-inĩ
^ Ũkk., “magongona.”
^ Kana “ũhooreru.”
^ Kana “maithe.”
^ Kana “ariũ ao.”
^ Kana “ũrĩa ũrĩ igweta.”
^ Kana “mĩega.”
^ Kana “nĩ ihiga rĩrĩa rĩtũmaga mũndũ etĩkĩrĩke.”
^ Ũkk., “ũhumbagĩra.”
^ Kana “nĩ ta kũhingũrĩra maĩ mahingĩrĩrie.” Ũkk., “kũrekereria maĩ.”
^ Kana “Na ndarĩ na wĩcirio?”
^ Kana “ũkoragwo na ngoro ĩtarĩ na ũtaũku.”
^ Kana “ndonaga maũndũ mega.”
^ Kana “nĩ njega harĩ kũhonia.”
^ Kana “nĩ ũtũmaga mahĩndĩ maniare.”
^ Ũkk., “ihaki kuuma gĩthũri-inĩ.”
^ Ũkk., “marũrũ.”
^ Ũkk., “ahooreire roho-inĩ.”