Areru 46:1-11
Te kaetieti nakon te mataniwi n te anene. Aia areru natini Kora+ aika mwaane. E kaineti ma tein te Aramota.* Te anene.
46 Bon ara tabo ni kamanomano te Atua ao korakorara,+Ti kai karekea buokara n taai nako mairouna n tain te rawawata.+
2 Anne bukina ae ti na aki maaku iai, e ngae ngkana e bibitaki te aonnaba,E ngae ngkana a bwaka maunga nako kabini marawa,+
3 E ngae ngkana a kakarongoa ranna ma ni bwaro,+Ao e ngae ngkana a mwainging maunga ni karongoaana. (Tiera)
4 Iai te karaanga ae kakimwareireia ana kaawa te Atua raangana,+Ana umwanrianna ae tabu* ae kakannato Teuare Moan te Rietata.
5 E mena te Atua n te kaawa,+ e aki kona ni kabwakaaki.
E na buokia te Atua n te karangaina.+
6 A a kiriwe natannaomata, a a kabwakaaki taian tautaeka n uea,E kanenea bwanaana, ao e a ran naba te aonnaba.+
7 E mena iroura Iehova ae Atuaia taanga ni buaka,*+Bon ara tabo ni kamanomano ae mano raoi* Atuan Iakoba. (Tiera)
8 Nakomai ao kakoauai ana mwakuri nako Iehova,Ao arona ni karaoi bwaai aika kamimi n te aonnaba.
9 E katoki buaka ni kabutaa te aonnaba.+
E ototea te kainikatebe ma ni kamaeinikuna te kainiwai,E kabueki kaa ni buaka* n te ai.
10 “Kam na taenikai ao kam na ataai bwa bon te Atua ngai.
N na karietataaki i buakoia natannaomata,+Ao N na karietataaki n te aonnaba.”+
11 E mena iroura Iehova ae Atuaia taanga ni buaka,+Bon te tabo ni kamanomano ibukira ae mano raoi Atuan Iakoba.+ (Tiera)
Taiani Kabwarabwara Mai Nano
^ Nora Nanon Taeka.
^ Nora Nanon Taeka.
^ Ke, “Tabaota.” Nora Nanon Taeka.
^ Ke, “te tabo ae rietata ae mano raoi.”
^ Ke tao, “taian otanga.”