Areru 115:1-18
115 Tai anganira te neboaki, ngkoe ae Iehova, tai anganira,*Ma aanga te neboaki nakon aram+Ibukin am tangira ae koaua* ao am kakaonimaki.+
2 E aera ngkai a riai ni kangai natannaomata:
“E nga Atuaia?”+
3 E mena Atuara i karawa,E karaoi baike e kukurei iai.
4 Bon taian tirewa ma koora aia bouannanti,Bon aia mwakuri baia aomata.+
5 Iai wia ma a aki kona n taetae,+Ao mataia ma a aki kona n noraaba,
6 Iai taningaia ma a aki kona n ongo,Ao bwairiia ma a aki kona n aroboi,
7 Iai baia ma a aki kona n taui bwaai,Ao waeia ma a aki kona n nakonako,+Ao akea bwanaaia i buuaia.+
8 A na riki bwa ai aroni baikai, aomata ake a karaoi baikai+Ao ai aroia naba te koraki ni kabane ake a onimakini baikai.+
9 Onimakina Iehova, ngkami aika tibun Iteraera,+Boni ngaia aia tia ibuobuoki ao aia otanga.+
10 Onimakina Iehova, ngkami aika tibun Aaron,+Boni ngaia aia tia ibuobuoki ao aia otanga.
11 Onimakina Iehova,+ ngkami aika kam maaka Iehova,Boni ngaia aia tia ibuobuoki ao aia otanga.+
12 E uringira Iehova ao e na boni kakabwaiaa te aba,E na kakabwaiaia tibun Iteraera,+E na kakabwaiaia tibun Aaron.
13 E na kakabwaiaia te koraki ake a maaka Iehova,Ake a mangori ao ake a kakannato naba.
14 E na kamwaitingkami Iehova,Ngkami ma natimi.*+
15 Ke e kakabwaiaingkami Iehova,+Ae te tia Karaoa karawa ma aonnaba.+
16 Ma karawa ngkanne, bon ana karawa Iehova,+Ma e angania natiia aomata te aonnaba.+
17 A aki karaoiroa Iah maate,+Ao a aki naba akana ruo nako nanon te kainabwabu n te mate.*+
18 Ma ti na karaoiroa Iah,Mangkai ao n aki toki.
Karaoiroa Iah!*
Taiani Kabwarabwara Mai Nano
^ Ke, “Akea ara bwai teuana Iehova, bon akea ara bwai teuana.”
^ Ke, “tangira ae kona n onimakinaki.”
^ Ebera, “natimi mwaane.”
^ Ebera, “nako nanon te kainabwabu.”
^ Ke, “Areruia!” “Iah” boni kauarerekean te ara ae Iehova.