Areru 36:1-12
Te kaetieti nakon te mataniwi n te anene. Ana areru Tawita ae ana toro Iehova.
36 E taetae te bure i nanon te aomata ae buakaka.
Akea maakakin te Atua irouna.+
2 Bwa e kamoamoaa i bon irouna n ana iangoAo e a aki nora oin ana bure ma n ribaia.+
3 A kammaraki ana taeka wina ao a mwamwanaa te aba,Akea te ataibwai ae e kaotia ibukini karaoan ae raoiroi.
4 E iaiangoi naba babaire aika kammaraki i aoni nnena ni weneE tei i aon te kawai ae aki raoiroi,Ao e aki rarawa nakon te bwai ae buakaka.
5 E rota karawa am tangira ae koaua* ngkoe ae Iehova,+Ao e rokoroko n taian nang am kakaonimaki.
6 Titeboo ma maunga aika totoakaei* am raoiroi,+Ao titeboo am motikitaeka ma raan aika abwabwaki aika makuakua.+
Ko kateimatoai maiuia* aomata ao maan, ngkoe ae Iehova.+
7 Ai batira kakawakin am tangira ae koaua* ngkoe ae te Atua!+
A kamanoia natiia aomataI aan nuuni baim ni kiba.+
8 A moi ni kanuaiia ni bwain am auti aika moan raraoi,*+Ao ko kamoiia ni karaangan am raoiroi.+
9 Ane iroum nibwan te maiu,+Ti kona n nora te oota rinanon am oota.+
10 Teimatoa ni kaotiota am tangira ae koaua* nakoia akana kinako,+Ao am raoiroi nakoia akana eti nanoia.+
11 Tai kariaia waeia akana kainikatonga bwa a na toubekaai,Ke baia akana buakaka bwa a na kakioainako.
12 A bwaka ikanne taani kakaraoa ae bure,A kabwakaaki ao a aki kona n teirake.+
Taiani Kabwarabwara Mai Nano
^ Ke, “tangira ae kona n onimakinaki.”
^ Ebera, “Titeboo ma ana maunga nako te Atua.”
^ Ke, “kamaiuia.”
^ Ke, “tangira ae kona n onimakinaki.”
^ Ebera, “marikan am auti.”
^ Ke, “tangira ae kona n onimakinaki.”
