Areru 127:1-5
Te Anene n Ararake. Ana areru Toromon.
127 Ngkana e aki katea te auti Iehova,Ao e matebuaka aia mwakuri korakora iai taani kateia.+
Ngkana e aki kawakina te kaawa Iehova,+Ao e matebuaka teimatoaia tautia n tantani.
2 E matebuaka utimwaakamiAo ami katairaa,Ao korakaimi ibukini kanami,Kioina ngkai e katauraoi kainnanoia akana tangiraki irouna, ao e angania te matu.+
3 Noria! Bon te tibwanga mairoun Iehova naati,*+Ao bon te kaniwanga uaan te biroto.+
4 N aroni kanoani kainikatebe ni bain te aomata ae korakora,Ao ai aroia naba natiia naake a bon ataei.+
5 E a kukurei te aomata ae kaoni nneni kanoan ana kainikatebe ni baikai.+
A na aki kamaamaeaki,Bwa a na taetae natiia ma taani kairiribai ni mataroan oon te kaawa.
Taiani Kabwarabwara Mai Nano
^ Ke, “ataei.”
