Areru 37:1-40
Ana areru Tawita.
א [Areba]
37 Tai kauna nanom* irouia aomata aika buakakaKe ni bakantang irouia taani kakaraoa ae bure.+
2 A na waekoa n rai n ai aron te uteute,+Ao ni mwautakataka n ai aron uteute aika kiriin aika boou.
ב [Beta]
3 Onimakina Iehova ao kakaraoa ae raoiroi,+Maeka n te aonnaba* ao bwaina te kakaonimaki.+
4 Karekea te kimwareirei ae korakora iroun Iehova,Ao e na anganiko baika e tangiri nanom.
ג [Kimera]
5 Angan* Iehova arom,+Onimakinna ao e na karaoi bwaai ibukim.+
6 E na kaotaa am raoiroi n ai aron te aiootaAo am kaetitaeka ae riai n ai aron taai n te tawanou.
ד [Tareta]
7 Teimatoa ni kainabwabu i matan Iehova+Ao tataningaia ma te ingainga.*
Tai kauna nanom iroun te aomataAe nanakoraoi karaoan ana babaire aika buakaka.+
ה [Ee]
8 Kanakoa te un ao kitana te un ae korakora.+
Tai kauna nanom ao n rairaki nakoni karaoan ae buakaka.*
9 Bwa ane a na kamaunaaki aomata aika buakaka,+Ma akana kabotoa aia kantaninga i aon Iehova a na abana te aonnaba.+
ו [Wau]
10 Ai tii teutana riki ao a nang akea aomata aika buakaka,+Ko na tarataraa aia taboAo a na akea iai.+
11 Ma a na abana te aonnaba akana nimamannei,+Ao e na korakora kimwareireia n te rau ae bati.+
ז [Taiin]
12 E babaire te aomata ae buakaka ni kaitaraa te aomata ae raoiroi,+Ao e tenai bukini mwangaina ni kaitaraa.
13 Ma e na ngareakinna Iehova,Bwa E ataia ae e nang roko ana bong.+
ח [Eta]
14 A buutii aia kabaang akana buakaka ao a katauraoi* aia kainikatebe,Bwa a na kabwakaia akana karawawataaki ma akana maiu ni kainnano,Ao n tiringia akana raoiroi aroia.
15 Ma e na teke burooia n oin aia kabaang,+Ao a na uruaki aia kainikatebe.
ט [Teta]
16 E raoiroi riki ana bwai aika karako te aomata ae raoiroi,Nakon aia bwaikoraki aomata aika buakaka aika bati.+
17 Bwa a na mwaoto baia akana buakakaMa e na boutokaiia akana raoiroi Iehova.
י [Iote]
18 E mutiakin Iehova baike a kaaitara ma ngaai aomata aika akea kabuakakaaia,*Ao a na teimatoa tibwangaia n aki toki.+
19 A na aki kamaamaeaki n tain te kabuanibwai,Ao a na mari n tain te rongo.
כ [Kabe]
20 Ma a na mauna aomata aika buakaka,+Ao a na maunanako n ai aron tamaroan te tawaana akana kairiribai nakon Iehova,Ao a na maunanako n ai aroni bubun te ai.
ל [Rame]
21 Te aomata ae buakaka, e tatangobwai ao e aki kabooa mwina,Ma te aomata ae raoiroi, e tituaraoi* ao e anganga.+
22 A na abana te aonnaba akana kakabwaiaaki Irouna,Ma a na kamaunaaki akana karekeaki kaia Irouna.+
מ [Mem]
23 E kaira* nakonakon te aomata Iehova,+Ngkana E kukurei ni kawaina.+
24 E ngae ngkana e bwaka, ma e na aki tewenakoaki,+Bwa e boutokaia Iehova n taua baina.*+
נ [Nun]
25 Te ataeinimwaane ngai ngkoa ao I a kara ngkai,Ma I tuai man nora te aomata ae raoiroi ae kaakaki taekana,+Ke natina aika bubutii te amwarake.+
26 E tauraoi ni kakatangobwai n taai nako,+Ao e na reke irouia natina te kakabwaia.
ס [Tameka]
27 Rairakinako man te buakaka ao ni karaoa ae raoiroi,+Ao ko na teimatoa n aki toki.
28 Bwa e tangira te kaetitaeka ae riai IehovaAo e na aki kaaki taekaia ana aomata aika kakaonimaki ni koaua.+
ז [Aiin]
A na kawakinaki n taai nako,+Ma a na kamaunaaki kanoaia akana buakaka.+
29 A na abana te aonnaba akana raoiroi,+Ao a na maeka i aona n aki toki.+
פ [Be]
30 E atoatonga te wanawana* win te aomata ae raoiroi,Ao e tataekina te kaetitaeka ae riai newena.+
31 E mena ana tua Atuana i nanona,+Ao a na aki marannako waena.+
צ [Tiate]
32 Ao te aomata ae buakaka e tarataraa te aomata ae raoiroi,N ukera kamateana.
33 Ma e na aki katikua Iehova i nanoni bain te aomata anne,+Ao e na aki karekea n te bure ngkana e motikaki taekana.+
ק [Kobi]
34 Kabotoa am kantaninga i aon Iehova ao kakairi ni kawaina,Ao e na karietatako bwa ko na abana te aonnaba.
Ngkana a kamaunaaki akana buakaka+ ao ko na noria.+
ר [Reti]
35 I a tia n nora te aomata ae akea ana nanoanga ao e buakaka,Bwa e mwangaanga nako n ai aron te kai ae manguroro n tanona.+
36 Ma e rina ni mauna ao e buanako,+I teimatoa n ukoukoria ma e aki kona n reke.+
ש [Tin]
37 Nora te aomata ae akea kabuakakaana,*Ao teimatoa n tarataraa te aomata ae raoiroi,+Bwa te rau ane imwain te aomata anne.+
38 Ma a na bane ni kamaunaaki taani bure,Ao e mena imwaia aomata aika buakaka te koreakinako.+
ת [Tau]
39 Boni mairoun Iehova kamaiuaia akana raoiroi,+Ao bon aia tabo ni kamaiu ngaia n tain te rawawata.+
40 E na buokiia Iehova ao e na kainaomataia.+
E na kainaomataia mairouia akana buakaka ao e na kamaiuia,Ibukina bwa a kamanoia irouna.+
Taiani Kabwarabwara Mai Nano
^ Ke, “kaotiko ae ko urarake n un.”
^ Ke, “te aba.”
^ Ebera, “Karabinoa nakon.”
^ Ke, “taotaonakinnano.”
^ Ke tao, “Tai kauna nanom bwa e tii kona ni kairiri nakon te iowawa.”
^ Ke, “karina karain.”
^ Ebera, “aia bong akana akea kabuakakaaia.”
^ Ke, “kaotiota te akoi.”
^ Ke, “kateimatoa.”
^ Ke, “ni Baina.”
^ Ke, “e taetae ma te wanawana ni karauraua bwanaana.”
^ Ke, “te aomata ae kawakina etin arona.”
