Areru 146:1-10
146 Karaoiroa Iah!*+
I* bia karaoiroa Iehova.+
2 N na karaoiroa Iehova ni kabane au bong ni maiu.
N na anene n neboa* Atuau ngkai I maiu.
3 Tai onimakinia natinuea mwaane*Ke natin te aomata, ae aki kona ni karekea te kamaiu.+
4 E otinako ikeikena,* ao e okira ngaia te tano,+Ao a maunanako ana iango n te bong naba anne.+
5 E a kukurei ane e karika Atuan Iakoba bwa te tia buokia,+Ae e kantaningaa Iehova ae Atuana,+
6 Ae te tia Karaoa karawa ma aonnaba,Ao taari ma bwaai nako ake iai,+Are Teuare teimatoa ni kakaonimaki,+
7 Are Teuare kawakina te kaetitaeka ae riai ibukia akana babakanikawaiaki,Ao Teuare anga te amwarake nakoia akana baki.+
E kainaomataia aomata aika taiani bure* Iehova.+
8 E kaurei mataia akana mataki+ Iehova,E kateirakeia akana bobaraaki Iehova,+Ao e tangiriia akana raoiroi Iehova.
9 E kamanoia akana maeka n iruwa Iehova,Ao e kateimatoa te teei ae akea tamana ma te aine ae e a tia ni mate buuna,+Ma e tokobitoi aia babaire akana buakaka.*+
10 E na Uea n aki toki Iehova,+Ae Atuam ngkoe ae Tion, man te rorona nakon te rorona.
Karaoiroa Iah!*
Taiani Kabwarabwara Mai Nano
^ Ke, “Areruia!” “Iah” boni kauarerekean te ara ae Iehova.
^ Ebera, ne’phesh, nora Nanon Taeka.
^ Ke, “katangitang nakon.”
^ Ke, “bwaanuea.”
^ Nora Nanon Taeka, “Taamnei.”
^ Ebera, “akana kabaeaki.”
^ Ke, “kabwaouai kawaia akana buakaka.”
^ Ke, “Areruia!” “Iah” boni kauarerekean te ara ae Iehova.
