Yeremia 10:1-25
10 Nyɛ Israel shĩa, nyɛboa wiemɔ ni Yehowa ewie eshi nyɛ lɛ toi.
2 Nɔ ni Yehowa kɛɛ nɛ:
“Nyɛkakasea jeŋmaji lɛ agbɛ lɛ,+Ni nyɛkahãa ŋwɛii okadii lɛ woa nyɛhe gbeyeiEjaakɛ nomɛi ji nibii ni jeŋmaji lɛ sheɔ amɛ gbeyei.+
3 Ejaakɛ majimaji lɛ akusumii lɛ, lakamɔ* kɛkɛ ni.
Etamɔ koo mli tso ko kɛkɛ ni afo afɔ̃ shi,Ni ŋaalɔ kɛ enitsumɔ dade tsuɔ he nii.+
4 Amɛkɛ jwiɛtɛi kɛ shika tsuru wulaa lɛ+Ni amɛkɛ hamlɛ kɛ plɛkoobii kalaa lɛ koni ekagbee shi.+
5 Amɛtamɔ koliko ni akɛshwieɔ kooloi ni akɛma kɔkumba ŋmɔ mli, amɛnyɛɛɛ amɛwie;+Atereɔ amɛ, ejaakɛ amɛnyɛɛɛ amɛnyiɛ.+
Nyɛkashea amɛ gbeyei, ejaakɛ amɛnyɛŋ amɛye awui ko,Ni amɛnyɛŋ amɛfee ekpakpa ko hu.”+
6 Ao Yehowa, mɔ ko mɔ ko bɛ ni tamɔ bo.+
Oje agbo, ni ogbɛ́i lɛ hu je agbo ni eyɛ hewalɛ.
7 Bo jeŋmaji lɛ a-Maŋtsɛ,+ namɔ po sheŋ bo gbeyei, ejaakɛ osa nakai;Ejaakɛ yɛ jeŋmaji lɛ ahiɛshikalɔi lɛ fɛɛ ateŋ kɛ agbɛnɛ hu yɛ amɛmaŋtsɛyelii lɛ fɛɛ ateŋ lɛ,Mɔ ko mɔ ko kwraa bɛ ni tamɔ bo.+
8 Amɛ fɛɛ lɛ, buului kɛ kwashiai ji amɛ.+
Gbɛtsɔɔmɔ ni jɛ tso dɛŋ lɛ, sɛɛnamɔ ko bɛ he.*+
9 Akɛ jwiɛtɛi fɛtɛfɛtɛi jɛɔ Tarshish+ ni akɛ shika tsuru hu jɛɔ Ufaz kɛbaa,Ŋaalɔ ninenaa nitsumɔ, dade sɔ̃lɔ nitsumɔ.
Amɛtade lɛ, kpãa bluu kɛ kooloo hetsɔi ni hiɛ pɛpol kɔla ni.
Ŋaalɔi ni he esa ni fee fɛɛ.
10 Shi Yehowa lɛ, Nyɔŋmɔ ni lɛɛlɛŋ.
Lɛ ji Nyɔŋmɔ hiɛkãalɔ+ kɛ naanɔ Maŋtsɛ+ lɛ.
Emlifu lɛ hãa shikpɔŋ lɛ hosoɔ,+Ni jeŋmaŋ ko jeŋmaŋ ko nyɛŋ adamɔ emlila lɛ naa.
11 * Nɔ ni nyɛyakɛa amɛ nɛ:
“Nyɔŋmɔi ni jeee amɛ amɛfee ŋwɛi kɛ shikpɔŋ lɛAhiɛ baakpãtã kɛje shikpɔŋ lɛ nɔ kɛ ŋwɛi shishi nɛɛ.”+
12 Lɛ ji mɔ ni kɛ ehewalɛ fee shikpɔŋ lɛ,Mɔ ni jɛ ehiɛshikamɔ mli eto shikpɔŋ* lɛ shishi,+Ni elɛɛ ŋwɛi mli yɛ eniiashishinumɔ naa lɛ.+
13 Kɛ́ ewó egbee nɔ lɛ,Nui ni yɔɔ ŋwɛi lɛ feɔ hamahama,+Ni ehãa atatui* teɔ shi kɛjɛɔ shikpɔŋ lɛ naagbeehei lɛ.+
Ehãa sarawai gbálaa yɛ nugbɔnɛmɔ mli,*Ni ejieɔ kɔɔyɔɔ lɛ kɛjɛɔ enitoohei* lɛ.+
14 Gbɔmɔ fɛɛ gbɔmɔ lɛ, buulu ni, ni ebɛ jwɛŋmɔ.
Dade sɔ̃lɔ fɛɛ dade sɔ̃lɔ hiɛ baagbo yɛ amaga ni efee lɛ hewɔ;+Ejaakɛ edade amaga lɛ, lakamɔ ni,Ni mumɔ* ko bɛ amɛmli.+
15 Lakamɔ nii* kɛkɛ ji amɛ, nibii ni ayeɔ he fɛo.+
Kɛ́ gbi ni akɛbaakojo amɛ lɛ shɛ lɛ, amɛhiɛ baakpãtã.
16 Yakob Gbɛfaŋnɔ lɛ tamɔɔɔ enɛɛmɛi,Ejaakɛ lɛ ji mɔ ni shɔ̃ nɔ fɛɛ nɔ,Ni Israel ji egboshinii lɛ dɛhiɛmɔtso.+
Egbɛ́i ji Yehowa, taiatsɛ lɛ.+
17 Bo yoo ni ohiɔ maŋ ni awo he ka mli,Buamɔ onibii lɛ anaa kɛje shikpɔŋ lɛ nɔ.
18 Ejaakɛ nɔ ni Yehowa kɛɛ nɛ:
“Naa, miifɔ̃ mɛi ni yɔɔ shikpɔŋ nɛɛ nɔ lɛ* kɛmiije nɔ yɛ be nɛɛ mli,+Ni mahao amɛ.”
19 Kpoo hã mi yɛ mipilamɔ* lɛ hewɔ!+
Mifaji lɛ, anyɛɛɛ atsa.
Ni mikɛɛ akɛ: “Mihela ni, ni mamɔ mli nakai.
20 Afite mimama tsũ lɛ, ni atserɛ mimama tsũ lɛ he kpãi lɛ amli.+
Mibihii lɛ eshi mi ni amɛbɛ dɔŋŋ.+
Mɔ ko mɔ ko bɛ ni baafee mimama tsũ lɛ loo ewó mimama tsũ lɛ he mamai lɛ anɔ.
21 Ejaakɛ tookwɛlɔi lɛ miiye buului asane,+Amɛbiii Yehowa nii.+
No hewɔ ni amɛbɛ sɛɛyoomɔ lɛ,Ni amɛtookui lɛ fɛɛ egbɛ eshwã lɛ.”+
22 Bo toi! Sane ko! Eeba!
Aashimɔ shi kɛmiijɛ kooyigbɛ shikpɔŋ lɛ nɔ,+Koni abafee Yuda maji lɛ amaŋfɔ, ŋa mli gbei ashihilɛhe.+
23 Ao Yehowa, mile akɛ gbɔmɔ gbɛ bɛ lɛ diɛŋtsɛ edɛŋ.
Bɔ ni gbɔmɔ ni nyiɛ lɛ baakudɔ lɛ diɛŋtsɛ enajifaamɔi ehã po lɛ, ebɛ edɛŋ.+
24 Ao Yehowa, jajemɔ mi yɛ jalɛ naa,Shi jeee yɛ omlifu lɛ naa,+ koni okakpãtã mihiɛ kwraa.+
25 Fɔsemɔ omlila lɛ oshwie jeŋmaji lɛ ni kuɔ amɛhiɛ amɛshwieɔ onɔ lɛ+Kɛ wekui ni tsɛɛɛ ogbɛ́i lɛ anɔ.
Ejaakɛ amɛkpãtã Yakob hiɛ,+Hɛɛ, amɛkpãtã ehiɛ kwraa,+Ni amɛfee eshikpɔŋ lɛ amaŋfɔ.+
Shishigbɛ Niŋmaa
^ Loo “yaka nii.”
^ Loo “yaka nii ni.”
^ Aŋma kuku 11 lɛ yɛ Aramaik mli klɛŋklɛŋ.
^ Loo “shikpɔŋ ni baa nii.”
^ Ni ji, Nyɔŋmɔ nitoohei.
^ Shishitsɔɔmɔi komɛi kɛɔ akɛ, “Egbaa gbɛi kɛhãa nugbɔnɛmɔ.”
^ Loo “afua.”
^ Loo “mumɔ ni amuɔ.”
^ Loo “Yaka nii.”
^ Loo “miifɔ̃ mɛi ni yɔɔ shikpɔŋ nɛɛ nɔ lɛ tamɔ akromia mli tɛ.”
^ Loo “mikuumɔ.”
