Ana etse nka dɛ ayɛ ankonam? Sɛ dɛm a, ɔbɛyɛ dɛ etse nka tse dɛ dɛm ɔdwontofo yi. Ɔkãa dɛ: “Mayɛ dɛ ɔsorɔm a no nko wɔ ɔdan etsifi.” (Ndwom 102:7) Nyansasɛm a ɔwɔ Bible no mu no botum aboa wo ma eegyina ɔhaw ahorow a ankonamyɛ dze ba no ano.

•  Twe Bɛn Nyankopɔn

•  Kenkan Awerɛkyekyesɛm A Ɔwɔ Bible No Mu

•  Hu Siantsir Ndzɛmba Bɔn Sisi Wɔ Wiadze No Mu

•  Kwetsir Dɛ Ebɔdwendwen Atra Do

•  Paw Anyɛnkofo Pa

•  Tsentsen W’apɔw Mu

 Sɛ mpo etse nka dɛ ayɛ ankonam, na ihu dɛ ɔwɔ dɛ etwe bɛn Nyankopɔn, na itu ho anamɔn a, ibotum enya enyigye. (Matthew 5:3, 6) Ndzɛmba a odzidzido yi botum aboa wo ma aahyɛ ase. Ɔyɛ ndzɛmba a irunntua hwee wɔ ho.

•   Bible a ɔwɔ intanɛt do a wɔakyerɛ ase pɛpɛɛpɛr na ne kenkan so nnyɛ dzen

•   Intanɛt Do Bible Adzesua a ɔma yenya asetsena mu nsɛmbisa etsitsir bi ho mbuae

•   Video ntsiantsia a ɔfa Bible nkyerɛkyerɛ etsitsir bi ho

•   “Bible Mu Nsɛmbisa A Woebua”—Mbuae ahorow tsenn a ɔfa Bible mu nsɛmbisa a woebua ho

•   “Suasũa Hɔn Gyedzi”—Dɛm nsɛm ahorow a ɔba ndzidzido ndzidzido yi boa ma yetwa nsɛm a osisii wɔ mbarimba na mbaa anokwafo a Bible no kã hɔnho asɛm no ho mfonyin wɔ hɛn adwen mu

•   “Aso Wɔbɔe?”—Nsɛm a ɔba ndzidzido ndzidzido yi ma yehu mbrɛ abɔdze a etwa hɛnho ehyia si yɛ fɛw fa

 Kyerɛwnsɛm a odzidzido yi aboa nyimpa pii ma woenya awerɛkyekyer. Dɛ nkyɛ ebɛkenkan kyerɛwsɛm pii wɔ ber kor mu no, seseiara a ayɛ ankonam no, fa dɛm ho kwan yi kenkan no mu biara, dwendwen ho, na bɔ mpaa.—Mark 1:35.

•   Ndwom 23:1-6

•   Ndwom 34:1-22

•   Ndwom 46:1-11

•   Ndwom 63:6-8

•   Ndwom 91:1-6

•   Matthew 6:25-34

•   2 Corinthfo 1:3, 4

•   Philippifo 4:6, 7

•   1 Peter 5:6, 7

 Sɛ ihu siantsir a ndzɛmba bɔn sisi nye mbrɛ Nyankopɔn besi eyi emumuyɛ nye dza ofi mu aba no efi hɔ a, ɔbɔboa wo ma eegyina ɔhaw ahorow a irihyia no ano.​—Isaiah 65:17.

•   Ebɛnadze ntsi na Nyankopɔn ma amandzehu ho kwan?

•   Ebɛn asɛm na Bible no kã fa yarba nye apɔwmudzen ho?

•   Ebɛn nsɛm na obesisi wɔ nda a odzi ekyir no mu?

•   Woananom nye apɔnkɔdofo baanan a Nyikyerɛ nwoma no kã hɔnho asɛm no?

•   Ebɛnadze na Nyankopɔn n’Ahendzi bɛyɛ?

 Nsɛm a wɔakyerɛw a ɔfa nsɛm a odzidzido yi ho no botum aboa wo eegyina ahohia a ankonamyɛ dze ba no ano. Afei so, ɔbɔboa wo ma eegyaa ‘adwendwen.’​—Matthew 6:25.

•   Mbrɛ Ibesi Egyina Ahohia Ano

•   Adwen Pa A Ibenya Wɔ Tsebea Biara Ho

•   Esian Ho Dadwen

•   Sika Ho Dadwen

•   Dadwen A Mbabun Hyia

 Sɛ ewɔ anyɛnkofo pa a, ɔbɔboa wo ma w’adwen mu aada hɔ na eenya enyigye. Iyi boa ber mpo a ɔyɛ dzen dɛ enye hɔn behyia enyim na enyim no. Sɛ biribi ntsi, aka dan mu a, ibotum afa abaɛfor kwan anaa tɛlɛfon do na aakɔ do nye hɔn abɔ fɛkuw. Afei so, ibotum edua dɛm kwan yi ara do eenya anyɛnkofo afofor. Nsɛm a odzidzido yi botum aboa wo ma eenya anyɛnkofo pa, na ber kor noara so aabɛyɛ ‘nyɛnko’ berɛbo.​—Mbɛbusɛm 17:17.

•   Ebɛnadze na ɔma obi yɛ nyɛnko pa?

•   Aso ɔwɔ dɛ inya anyɛnkofo pii?

•   Sɛ etse nka dɛ innyi anyɛnkofo pii a, ebɛnadze na ebɛyɛ?

•   Da ayamuyie edzi na eenya anyɛnkofo pa

•   Kyerɛ ndzɛmba ho enyisɔ na eenya anyɛnkofo pa

 Bible no kã dɛ apɔwmutsentsen do wɔ “mfaso.” (1 Timothy 4:8) Apɔwmutsentsen botum ama w’adwen mu aada wo hɔ na eenya enyigye nkanka ber a etse nka dɛ ayɛ ankonam no. Sɛ tsebea bi ama aka dan mu mpo a, ndzɛmba ahorow bi wɔ hɔ a bi a ibotum ayɛ ama eenya apɔwmudzen.

•   Kɔ do keka woho

•   Ma w’apɔwmudzen ho nhia wo na mma mma w’abaw mu mmbu