Tjémbi 72:1-20
Hiémbi hi hi mpôdôl Salômô.
72 A Nyambe, boñ le kiñe i bagal nkaa kiki we,boñ ki le man kiñe a kéés inoñnaga ni telepsép+ yoñ.
2 A* sôñ litén joñ ni telepsép,a sôñ ki diyeyeba tjoñ ni mbagi sép.+
3 Dikôa dikeñi di lona litén nsañ,yak dikôa dititigi di lona telepsép.
4 A sôñ* diyeyeba di di yé mu litén,a tohol ki man ngoo mut,a kok mut ngadla.+
5 Bôt boñ ba ga kon we woñi ntel wonsôna hiañgaa hi mbai,ba ga kon ki we woñi ntel wonsôna sôñ i mbamu tjai+ tjodisôna.
6 A ga ba kiki nop nu a nkwo i ngii bikai le ba ñé,kiki banop bakeñi ba ba nyôôs ’isi.+
7 Isi ane yé, bôt ba téé sép ba ga too,*+yak ngandak nsañ+ i ga ba letee sôñ i ba ha bé.
8 A’ énél bôt ibôdôl nunu tuye ikepam nuu tuye numpe,a’ énél ki ibôdôl i Lom* letee ni i masuk ma hisi.+
9 I bôt ba nyééne i ñoñ ba ga ôôp i bisu gwé,yak baoo bé ba ga la nluñ ték.+
10 Bikiñe bi Tarsis ni bi biôn bi ga saa tas.+
Bikiñe bi Séba ni bi Siba bi ga ti makébla.+
11 Bikiñe gwobisôna bi ga ôôp i bisu gwé,yak biloñ gwobisôna bi ga gwélél nye.
12 Inyule a ga sôñ hiyeyeba hi hi mbat mahôla,a ga sôñ ki yañga mut, yak nu ni nu a gwé bé mut a nhôla nye.
13 A’ kônôl yañga mut ni hiyeyeba ngoo,a’ tohol ki ngoo bôt.
14 A’ sôñ bo i moo ma bôt ba ntét bo, ba boñok bo béba,yak biniñ* gwap bi ga ba nseñ i mis mé.
15 A niñik, a kôhna ki gôl i Séba!+
Ba soohene nye ngéda yosôna,ba sayap ki nye kel yosôna!
16 Bijek bi ga ba ni hisi hiosôna;+bi ga yamb mayoo i ngii dikôa.
Libumbul li kiñe li ga bôl kiki i Libañ;+bôt ba ga yon* ki mu bitison kiki bikai bi ’isi.+
17 Jôl jé li nomok i boga ni boga,+jôl jé li nom ki ntel wonsôna hiañgaa hi mba.
Ni njel yé, bôt ba binam ba kôhna bisai;+biloñ gwobisôna bi añal le a yé kimasoda.
18 Yéhôva Nyambe, Nyambe nu Israel, a kôhna bibégés,+ndik nyetama nyen a mboñ mam ma hélha.+
19 Jôl jé likeñi li béghana i boga ni boga,+yak lipém jé li yon ni hisi hiosôna.+
Amen! Amen!
20 Hana nyen masoohe ma David, man Yésé,+ ma mélél.
Ndoñi
^ Salômô nyen ba mpôdôl hana i ngéda a ga yoñ tel kiñe.
^ Ni hop Lôk Héber, “a bagal nkaa u.”
^ Ni hop Lôk Héber, “ba ga nuk.”
^ Hala wee, Ufraté.
^ Ni hop Lôk Héber, “matjél.”
^ Ni hop Lôk Héber, “ba ga too.”