“Belén Efrata, [...] khititejj Israelan apnaqkani ukajj jumatwa nayatakejj mistuni”.

Miqueas 5:2

“Jesusajja Judeankir Belén markanwa nasïna, uka urunakanjja Herodesaw reyit apnaqaskäna. Ukapachaw warawaranak uñchʼukisin yatirinakajj inti jalsu toqet Jerusalenar purinipjjäna”.

Mateo 2:1

“Jupanakasti isinakajwa jupanakkam jalanoqasipjje, isijatsa suertenak willtapjjaraki”.

Salmo 22:18

“Jesusar lawar chʼakkatasasti, soldadonakajj patjja isinakap aptasaw pusir jaljasipjjäna [...]. Manqha isipsa ukhamarakiw aptapjjäna. Uka manqha isejj janiw chʼukunïkänti, alayat aynachkam sawutänwa. Ukhamajj akham sasaw jupanakkam parlasipjjäna: ‘Jan chʼiyjkañäniti. Antisas uka isjjat suertenak willtapjjañäni, ukhamat khitinkanis uk amtañataki’ sasa”.

Juan 19:23, 24

“Diosaw jupan taqpach chʼakhanakap imaski, janiw ni mä chʼakhapas pʼakjatäkiti”.

Salmo 34:20

“Jesusar jakʼachasipjjäna ukhajja, jupajj jiwatäjjänwa. Ukatwa jupan kayunakap jan pʼakirapkänti”.

Juan 19:33

“Juchanakas laykuw juparojj maysat maysa passuyapjjäna”.

Isaías 53:5

“Soldadonakat mayniw jupar mä lanzampi chʼillat jununtäna, ukspachaw wilampi umampejj mistunïna”.

Juan 19:34

“30 qollqe metalanakwa pagapjjetäna”.

Zacarías 11:12, 13

“Ukatsti Tunka Payani apostolonak taypitjja, Judas Iscariote satäki ukaw jilïr sacerdotenakan ukar saräna, akham sasa: ‘Jesusarutï apjjaruyapjjerismajja, ¿kuns churapjjetasma?’ sasa. Jupanakasti 30 qollqe monedanak churapjjäma sasaw sapjjäna”.

Mateo 26:14, 15; 27:5