B1
Biblian yatiyäwipa
Jehová Diosaw apnaqañatakejj derechonejja. Jupakirakiw suma apnaqerejja. Oraqetakisa jaqenakatakisa wali suma amtaniwa, uksti phoqapuniniwa.
4026 (a.C.) mara qhepata Jehová Diosajj janis apnaqañatakejj derechonïkaspa, kunjamtï jupajj apnaqki ukajj janis walïkaspa ukhamwa “asirojj” parläna. Jehová Diosajja, ‘warmin wawapaw’ uka asirurojja, mä arunjja Supayarojj pʼeqet takjjatani sasaw säna (Génesis 3:1-5, 15). Ukampis Jehová Diosajja, jaqenakajj Supayan munañaparjam mä qhawqha tiempo jupanakkam apnaqasipjjañapatakiw jayti. |
1943 (a.C.) mara Jehová Diosajja Abrahanarojj jutañapäki uka ‘wawajj’ wawanakamat maynïrïniwa sasaw säna (Génesis 22:18). |
1070 (a.C.) mara qhepata Jehová Diosajja jutaniw sat ‘wawajja’ familiamatwa jutani sasaw Davidar säna, Salomonarojj ukham sarakïnwa (2 Samuel 7:12, 16; 1 Reyes 9:3-5; Isaías 9:6, 7). |
29 (d.C.) mara Jehová Diosajja jutaniw sat ‘wawajj’ Jesusawa, juparakiw Davidan tronopar qontʼasini sasaw qhanañchäna (Gálatas 3:16; Lucas 1:31-33; 3:21, 22). |
33 (d.C.) mara Supayajja, mä arunjja asirojj Jesusaruw jiwayayäna, ukhamatwa jutaniw sat ‘wawarojj’ mä qhawqha tiempotak achjäna. Ukampis Jehová Diosajj Jesusarojj jaktayänwa, wasitampiw alajjpachar irpjjarakïna, Jesusan perfecto jakäwip sacrificiot loqtasitapjja wali sum katoqarakïna. Ukham luratap laykuw juchanakajj perdonatäni, Adanat jutir wawanakas wiñayatak jakapjjani (Génesis 3:15; Hechos 2:32-36; 1 Corintios 15:21, 22). |
1914 (d.C.) mara saraqataru Jesusasti ‘asirurojja’, mä arunjja Supayarojj aka oraqeruw jaqoqanïna, mä jukʼa tiempo ukankañapatakiw obligarakïna (Apocalipsis 12:7-9, 12). |
Jutïrina Jesusajj 1.000 maranakaw Supayar jistʼantani, ukatjja jiwayarakiniwa, ukhamatwa pʼeqetsa takjjatkaspa ukhamäni. Ukatjja kuntï Jehová Diosajj aka oraqetakisa jaqenakatakis qalltan amtkäna ukaw phoqasini. Taqe kunanakattejj Diosan sutipar kʼarintapki ukanakatjja Diosan sutipajj qʼomachatäniwa. Jupa sapaki suma apnaqerïtapas qhanaw uñjasirakini (Apocalipsis 20:1-3, 10; 21:3, 4). |