Utiaʼal u beetkuba u testigoil Jéeoba wa máaxeʼ kʼaʼabéet u beetik le baʼax tu yaʼalaj Jesús tiʼ Mateo 28:19, 20. Le tekstoaʼ ku yeʼesikeʼ utiaʼal k-tsaypachtik Jesuseʼ unaj k-tsikbaltik tiʼ u maasil tu yoʼolal Jéeoba.

 Yáax: U kanik máak baʼax ku yaʼalik le Bibliaoʼ. Jesuseʼ tu yaʼalaj tiʼ le máaxoʼob tsaypachtikoʼ ka u ‹beetoʼob disipuloʼob yéetel ka u kaʼansoʼob› (Mateo 28:19, 20). Le tʼaan disipulooʼ u kʼáat u yaʼal «juntúul máax ku kaanbal» wa «juntúul máax ku kaʼansaʼal». Le Bibliaoʼ ku yeʼesik baʼax kʼaʼabéet a beetik utiaʼal u yantaltech kiʼimak óolal yéetel utiaʼal ka yanak u biilal a kuxtal; Jesuseʼ maases letiʼe baʼax tu kaʼansoʼ (2 Timoteo 3:​16, 17). Toʼoneʼ yéetel kiʼimak óolal jeʼel k-áantkech a naʼat le baʼax ku kaʼansik le Bibliaoʼ. Maʼatech k-cobrartik k-kaʼansik máak (Mateo 10:​7, 8; 1 Tesalonicailoʼob 2:​13).

 U kaʼapʼéel: U beetik máak le baʼax ku kanikoʼ. Jesuseʼ tu yaʼaleʼ le máaxoʼob tsaypachtikoʼ maʼ chéen unaj u kaanbaloʼobiʼ, baʼaxeʼ kʼaʼabéet ‹u tsʼoʼokbeskoʼob tuláakal le baʼaxoʼob tsʼoʼok u yaʼalikoʼ› (Mateo 28:20). Leloʼ u kʼáat u yaʼaleʼ u xoʼokol le Bibliaoʼ maʼ chéen utiaʼal u kaanbal máakiʼ, kʼaʼabéet u kʼexik u tuukul yéetel u kuxtal (Baʼaxoʼob [Hechos] 10:42; Efesoiloʼob 4:​22-​29; Hebreoʼob 10:24, 25). Le máaxoʼob beetik le baʼaxoʼob tu kaʼansaj Jesusoʼ tu juunaloʼob ku chʼaʼtuklikoʼob u tsaypachtikoʼob, le oʼolal ku kʼubik u kuxtaloʼob tiʼ Jéeoba (Mateo 16:24).

 U yóoxpʼéel: U yokjaʼ máak (Mateo 28:19). Teʼ Bibliaoʼ ku keʼetel le okjaʼ yéetel le kíimiloʼ (ket yéetel Romailoʼob 6:​2-4). Le ken okjaʼanak máakeʼ bey ka kíimik tiʼ le úuchben kuxtal yaantiʼoʼ yéetel ku káajsik junpʼéel túumben kuxtal. Ken okjaʼanakecheʼ ka weʼesik tu táan u maasil tsʼoʼok a beetik le yáax kaʼapʼéel baʼaloʼob tu yaʼalaj Jesusoʼ. Tsʼoʼoleʼ ka weʼesik xan táan a kʼáatik tiʼ Dios ka yanaktech junpʼéel maʼalob conciencia tu táan (Hebreoʼob 9:​14; 1 Pedro 3:​21).

 Tsikbalnen yéetel le ancianoʼob tiʼ le múuchʼulil tuʼux ka binoʼ. Letiʼobeʼ yaan u yilkoʼob wa ka naʼatik tubeel le baʼax ku kaʼansik le Bibliaoʼ, wa táan a tsʼáaik ichil a kuxtal yéetel wa tsʼoʼok a waʼalik tiʼ Dios ka kʼubik a kuxtal tiʼ letiʼ (Baʼaxoʼob 20:28; 1 Pedro 5:​1-3).

 Láayliʼeʼ. Jeʼex u yaʼalik le Bibliaoʼ, toʼoneʼ k-líiʼsik k-paalal «yéetel u kaʼansaj bey xan yéetel u tsolnuʼuk Jéeoba» (Efesoiloʼob 6:4). Chéen baʼaleʼ ken nojochchajkoʼobeʼ tu juunaloʼob ken u chʼaʼtukloʼob wa yaan u kankoʼob baʼax ku yaʼalik le Bibliaoʼ, wa yaan u kʼamkoʼob yéetel wa yaan u beetkoʼob utiaʼal u yokjaʼob (Romailoʼob 12:2). U jaajileʼ cada juntúul ken u chʼaʼtukult wa yaan u adorartik Jéeoba wa maʼ (Romailoʼob 14:12; Galaciailoʼob 6:5).