U testigoʼob Jéeobaeʼ ku múul xokikoʼob le Biblia yéetel le máakoʼob utiaʼal u yáantkoʼob u naʼatoʼob le baʼax ku yaʼalikoʼ. Le xook ku tsʼáaikoʼoboʼ jeʼel u yáantkech utiaʼal…

•   … u kiʼimaktal a wóol

•   … a biskaba yéetel Dios

•   … a wojéeltik le promesaʼob ku yaʼalik le Bibliaoʼ

Teʼ xookaʼ yaan u núukaʼal le preguntaʼobaʼ:

•  ¿Bix u kaʼansaʼal máak yéetel le Bibliaoʼ?

•  ¿Bajux unaj u boʼotik máak?

•  ¿Bukaʼaj tiempo ku xáantal le xookoʼ?

•  ¿Baʼax kʼaʼabéet in beetik utiaʼal u tsʼaʼabalten xook?

•  ¿Jeʼel wa u páajtal u yeʼesaʼalten bix le xook ku tsʼaʼabaloʼ?

•  ¿Wa ku káajal in xookeʼ kʼaʼabéet wa in beetkinba u testigo Jéeoba?

•  ¿Jeʼel wa u páajtal u meyajten le Biblia yaantenoʼ?

•  ¿Jeʼel wa u páajtal in invitartik wa máax utiaʼal u láakʼintiken teʼ xookoʼ?

•  Wa kin xook kaʼach yéetel le Testigoʼoboʼ, ¿jeʼel wa u kaʼa tsʼaʼabalten xookeʼ?

•  ¿Jeʼel wa u páajtal in kaanbal tiʼ le Biblia chéen tin juunaloʼ?

 Juntúul u testigo Jéeobaeʼ yaan u yáantkech a kan jujunpʼíitil baʼax ku yaʼalik le Bibliaoʼ. Yaan u tsʼaʼabaltech xook yéetel le libro ¡Disfrutart le kuxtaloʼ!, le xookoʼ yaan u yáantkech utiaʼal a kanik baʼax ku yaʼalik le Bibliaoʼ yéetel bix jeʼel u yáantkech ichil a kuxtaleʼ. Wa taak a wojéeltik u maasileʼ chaʼant le videoaʼ.

 Gratis u tsʼaʼabal xook tiʼ máak. Jesúseʼ tu yaʼalaj: «Siibil úuchik u beetaʼalteʼex, le oʼolal siibil xan unaj a beetkeʼex» (Mateo 10:8). Maʼ ken a boʼot mix baʼal tiʼ le máax ken u tsʼáatech xookoʼ. Tsʼoʼoleʼ wa a kʼáat junpʼéel Biblia wa le libro ¡Disfrutart le kuxtaloʼ! mix baʼal xan ken a boʼote.

 Le librooʼ ku taasik 60 xookoʼob. Yaan máakoʼobeʼ cada semanaeʼ ku xokikoʼob junpʼéel xook wa maas.

1.  1. Chup le solicitud yaan Internetoʼ. Le información ken a tsʼáaoʼ yaan u meyaj utiaʼal a xíimbaltaʼal tumen juntúul u testigo Jéeoba.

2.  2. Yaan u tʼankech juntúul u testigo Jéeoba. Letiʼeʼ yaan u tsoliktech bix le xookoʼ yéetel yaan u núukik jeʼel baʼalak taak a wojéeltik yoʼolal le xookoʼ.

3.  3. Yaan a tsʼáaikaba de acuerdo yéetel le máax kun tsʼáaiktech xookoʼ. Jeʼel u páajtal u bin juntúul Testigo u tsʼáatech xookeʼ, jeʼel u páajtal a xook xan tiʼ teléfono, tiʼ videollamada, tiʼ carta wa tiʼ correo. U suukileʼ le xookoʼ ku xáantal junpʼéel hora, chéen baʼaleʼ teech ken a waʼal bukaʼaj tiempo a kʼáat xook.

 Jeʼeleʼ. Utiaʼal leloʼ kʼaʼabéet a chupik le información yaan Internetoʼ. Le kéen u tʼanech le Testigooʼ ka waʼaliktiʼeʼ chéen taak a wojéeltik bix le xook ku tsʼaʼabaloʼ. Tiʼ letiʼeʼ yaan u meyaj le folleto ¡Disfrutart le kuxtaloʼ! utiaʼal u yeʼesiktech bix u tsʼaʼabal xook. Le folletooʼ chéen óoxpʼéel xookoʼob ku taasik.

 Maʼatech. U testigoʼob Jéeobaeʼ yéetel kiʼimak óolal ku kaʼanskoʼob máak, pero maʼatech u obligarkoʼob mix máak utiaʼal ka u beetuba u testigo Jéeoba. Yéetel respeto ku tsolkoʼob baʼax ku yaʼalik le Bibliaoʼ yéetel u yojloʼobeʼ cada juntúul ken u yéey baʼax ken u creerte (1 Pedro 3:15).

 Jeʼeleʼ. Jeʼel u páajtal a usartik le Biblia yaantechoʼ. U testigoʼob Jéeobaeʼ ku usarkoʼob le Biblia U Tʼaan Dios utiaʼal u Kajnáaliloʼob le Túumben Luʼumoʼ tumen maas séeb u naʼataʼal. Pero k-ojleʼ yaan máaxeʼ maas uts tu tʼaan u usartik le Biblia yaantiʼoʼ.

 Jeʼeleʼ. Jeʼel u páajtal a invitartik a láakʼtsiloʼob yéetel a amigoʼobeʼ.

 Jeʼeleʼ. Teʼ vezaʼ hasta maas jatsʼuts ken a wilil tumen le xookaʼ beetaʼan utiaʼal u yáantaʼal le máakoʼob teʼ kʼiinoʼobaʼ. Teʼ librooʼ yaan videoʼob yéetel uláakʼ baʼaloʼob jeʼel u yáantkech a maas naʼat baʼax ku yaʼalik le Bibliaoʼ.

 Jeʼel u páajtaleʼ. Yaan máaxoʼob uts tu tʼaan u kaanbaloʼob chéen tu juunaloʼob, pero u maas yaʼabileʼ tsʼoʼok u yilkoʼobeʼ ku maas naʼatkoʼob baʼax ku yaʼalik le Biblia wa ku kaʼansaʼaloʼob tumen juntúul u testigo Jéeoba. Teʼ jaats ku kʼaabaʼtik «Áantaj utiaʼal a maas naʼatik le Bibliaoʼ» yaan ich Internetoʼ ku taasik yaʼab baʼaloʼob gratisiʼ. Le baʼaloʼobaʼ jeʼel u yáantkech a maas naʼat le Bibliaoʼ. Lelaʼ jujunpʼéel tiʼ le áantajoʼobaʼ:

•   Videoʼob. Le videoʼoboʼ kóomtakoʼob yéetel ku tsolkoʼob jujunpʼéel tiʼ le kaʼansajoʼob maas kʼaʼanaʼantakoʼob yaan teʼ Bibliaoʼ.

•   Baʼaloʼob ku núukaʼal teʼ Bibliaoʼ. Le jaatsaʼ ku taasik yaʼab xookoʼob ku núukik le baʼaxoʼob taak u yojéeltaʼal yoʼolal le Bibliaoʼ.

•   Tekstoʼob ku maas tsoʼolol. Ojéelt baʼax u kʼáat u yaʼal jujunpʼéel tʼaanoʼob yaan teʼ Bibliaoʼ bey xan jujunpʼéel tekstoʼob jach kʼaj óolaʼanoʼob.