1 Butrus 3:1-22
3 Xuddi shunday, siz xotinlar ham erlaringizga bo‘ysuninglar+. Toki Xudo Kalomiga quloq solmaydigan erlaringiz so‘zlaringiz orqali emas, xulq-atvoringiz orqali zabt etilsinlar+.
2 Shuningdek, ular benuqson xatti-harakatingizni+ va chuqur hurmat qilishingizni ko‘rishsin.
3 Sizning chiroyingiz tashqi ko‘rinishdan, ya’ni o‘rilgan sochlar, tilla taqinchoqlar+ yoki chiroyli kiyimdan iborat bo‘lmasin.
4 Aksincha, chiroyingiz qalbingiz tubida yashirilgan umuman eskirmaydigan kiyimdan — Allohning nazarida qimmatbaho hisoblangan sokin va muloyim ruhdan+ iborat bo‘lsin.
5 O‘tmishda Tangriga umid bog‘lab yashagan muqaddas ayollar ham erlariga bo‘ysunish bilan o‘zlarini bezashgan.
6 Masalan, Sora bibi Ibrohim payg‘ambarni «xo‘jayin» deb atab+, unga bo‘ysungan. Agar sizlar ham yaxshilik qilib, biror narsa sizlarni dahshatga solishiga yo‘l qo‘ymasangiz+, uning qizlari bo‘lasiz.
7 Shu singari, siz erlar bundan buyon ham xotinlaringiz bilan olgan bilimingizga yarasha* muomala qilinglar. Ular ham sizlar kabi hayot in’omining merosxo‘rlari ekan+, ayollarni go‘yo nafis idishdek e’zozlang+. Shunda ibodatlaringizga to‘sqinlik bo‘lmaydi.
8 Xullas, barchangiz hamfikr+, hamdard, bir-biringizni birodarlarcha sevadigan, mehr-shafqatli+ va kamtar bo‘linglar+.
9 Yomonlikka yomonlik+, haqoratga haqorat bilan javob qaytarmay+, aksincha, duo qilinglar+. Zero sizlar barakaga ega bo‘lish uchun Xudo tomonidan da’vat etilgansizlar.
10 «Kim hayotdan quvonch topib, yaxshi kunlarni ko‘rishni istasa, tilini yomonlikdan+, og‘zini yolg‘on gapirishdan tiysin.
11 Yomonlikdan qaytib+, yaxshilik qilsin+, tinchlikni qidirib, uning payida bo‘lsin+.
12 Boisi, Yahovaning* ko‘zlari odil kishilarni ko‘radi, quloqlari ularning iltijosini eshitadi+. Biroq yomonlik qiluvchilardan Yahova* yuz o‘giradi»+.
13 Agarda yaxshi ishlar qilishga g‘ayratli bo‘lsangiz, sizlarga kim ham ziyon yetkazardi?+
14 Hattoki odillik uchun azob cheksangiz ham, baxtiyorsizlar+. Odamlar qo‘rqadigan narsalardan qo‘rqmanglar* va tashvishlanmanglar+.
15 Masihni Hazrat deya qalblaringizda muqaddas tutinglar. Umidingiz haqida so‘ragan har bir kishiga javob berishga doimo tayyor bo‘linglar. Faqat buni muloyimlik+ va kamoli ehtirom bilan qilinglar+.
16 Masihning izdoshlari bo‘lmish sizlarning yaxshi xulq-atvoringizga+ qarshi gapirganlar o‘z so‘zlaridan uyalib qolishlari uchun+, vijdoningizni toza saqlanglar+.
17 Yomonlik qilib azob chekkandan ko‘ra+, agar Tangrining irodasi shunday bo‘lsa, yaxshilik qilib azob tortganingiz ma’qul+.
18 Odil inson Masih adolatsiz kishilarni gunohdan xalos etish uchun+ birato‘la o‘zini fido qildi+. Sizlarni Xudoga olib kelish uchun+ u shunday yo‘l tutdi. U odam sifatida o‘lib+, ruh sifatida tirildi+.
19 So‘ng u borib qamoqdagi ruhlarga+ xabar yetkazdi.
20 Ular Nuh payg‘ambarning davrida Alloh kema qurilishini+ sabr-toqat bilan kutgan vaqtda itoatsizlik qilgan ruhlardir+. O‘sha kemada bir necha kishi, ya’ni atigi sakkiz jon suvdan omon qolgan edi+.
21 Shu singari, hozir ham suvga cho‘mish bor (bu, tanani kirdan tozalash emas, balki Xudodan pok vijdon so‘rashdir)+. Bu, sizlarni Iso Masihning tirilishi orqali qutqaradi.
22 Osmonga ko‘tarilganidan keyin Masih Tangrining o‘ng tomoniga o‘tirgan+. Alloh unga farishtalarni, hokimiyat-u kuchlarni bo‘ysundirgan+.
Izohlar
^ Yoki «ularni inobatga olib; ularni tushunib».
^ Boshqa variant «Ularning dag‘dag‘asidan qo‘rqmanglar».
