Isaya 45:1-25
45 Ca popia Yehova kombuavekua yaye, Kuro,+Una eye a kuata peka liondio+Oco a yule olofeka kovaso yaye,+Oco a tambule* ovimalẽho viuyaki violosoma,Oco a yikuile kovaso aye apito avali,Oco okuti olombundi ka vi yiki ceci hati:
2 “Ndi ka pita kovaso yove,+Kuenda oviwulu vi ka tapika.
Apito osipi ndi ka a tetula vovinimbu,Kuenda olombueti viutale ndi ka vi kupula.+
3 Ndi ka eca kokuove ovokuasi a selekiwa vowelemaKuenda ovokuasi a solekiwa vovitumãlo viuyombeki,+Oco ove o kũlĩhe okuti, ame ndi YehovaSuku ya Isareli una o ku tukula konduko yove.+
4 Omo liukuenje wange Yakoba kuenda Isareli una ame nda nõla,Ame ndi ku tukula konduko yove.
Ame ngeca kokuove onduko yesivayo ndaño okuti, kua ñulĩhĩle.
5 Ame ndi Yehova kuenda ka kuli ukuavo.
Ka kuli Suku ukuavo te lika ame.+
Ame ndi ka ku kolisa,* ndaño okuti kua ñulĩhĩle,
6 Oco omanu va kũlĩhe okutiOku upisa kutundilo wekumbi toke kutakelo walio
Ka kuli ukuavo te lika ame.+
Ame ndi Yehova kuenda ka kuli ukuavo.+
7 Ndi panga ocinyi+ kuenda ndi lulika owelema,+Ndi linga ombembua+ kuenda ndi nena ohali;+Ame ndi Yehova, ndi linga ovina evi viosi.
8 Availu, lokisa ombela oku upisa kilu;+Alende a sukumule esunga.
Ongongo yi yikuke kuenda yime epopelo,Kuenda vonjanja yimuamue, oyo yece esunga.+
Ame ndi Yehova, nda ci lulika.”
9 Ngongo ya una ohoya Lululiki* waye,Momo eye wa lisoka lociwala cimuePokati koviwala vikuavo vi kasi posi!
Anga hẽ otuma yi pondola oku popia Kukuakutalavaya Lotuma* hati: “Nye ove o kasi oku linga?”+
Ale, upange wove u pondola hẽ oku popia okuti: “Ove ku kuete ovaka”?*
10 Ngongo ya una o popia ku isia umue hati: “Momo lie wa lingila isiange?”
Kuenda kukãi umue hati: “O kasi oku cita nye?”*
11 Ca popia Yehova, U o Kola wa Isareli,+ Una wo panga ceci hati:
“Anga hẽ vu ndi pula eci catiamẽla kovina vi keyaLoku ndi handeleka catiamẽla komãla vange+ kuenda kovopange ovaka ange?
12 Nda panga ilu lieve+ kuenda nda lulikamo omunu.+
Ndolõla ovailu lovaka ange muẽle,+Kuenda ngeca ovihandeleko kolohoka viavo viosi.”+
13 “Vesunga liange nda lulika omunu,+Kuenda ndi ka suñamisa olonjila viaye viosi.
Eye una o ka tunga olupale luange+Loku upa omanu vange kumandekua+ okuti, ka tambula ofeto ale ocitukiko,”+ oco Yehova ukualohoka a popia.
14 Ca popia Yehova ceci hati:
“Onganyu* yo Egito kuenda ovikuata* vio ko Etiopia la va Savea okuti, omanu va lepa,Va keya kokuove kuenda va ka kala vove.
Ovo va ka kuama konyima yove okuti va kutiwa lalienge.
Ovo va keya loku ku kekamẽla.+
Kokuove va ka popia vohutililo vati: ‘Ocili muẽle Suku o kasi love,+Kuenda ka kuli vali ukuavo; ka kuli Suku ukuavo.’”
15 Ocili okuti, ove wu Suku yimue yi li salama oyo muẽle,A Suku ya Isareli, Upopeli.+
16 Vosi yavo va ka kutisiwa osõi kuenda va ka sepuiwa;Vosi vakuakupanga oviteka va ka kutisiwa osõi.+
17 Pole, Isareli o ka popeliwa la Yehova kuenda epopelo liaco li ka kala otembo ka yi pui.+
Ene ka vu ka kutisiwa osõi ndaño oku sepuiwa otembo yosi.+
18 Momo ca popia YehovaUluliki wovailu,+ Suku yocili,Una wa panga ongongo, haeye wa yi Sovola loku yi kolisa,+Okuti ka yi lulikile oco yi kale upolokoso,* pole, wa yi sovola oco mu tungiwe,+ ceci hati:
“Ame ndi Yehova kuenda ka kuli ukuavo.
19 Sia vanguilile vocitumãlo cimue cuyombeki,+ vofeka yimue yowelema;Sia sapuilile kocitumbulukila* ca Yakoba hati:
‘Ndi sandiliyi elivova.’
Ame ndi Yehova, una o vangula eci cesunga kuenda o popia eci ca suñama.+
20 Likongeli pamosi kuenda enjui.
Amẽli ocipepi, ene wa puluki kolofeka.+
Ovo ka va kũlĩhĩle lacimue, vana vambata oviñumañuma via songiwaKuenda va likutilila kosuku yimue ka yi pondola oku va popela.+
21 Lombololi ulandu wene kuenda situluli ocitangi cene.
Ovo va likũlĩhĩse pokati.
Helie wa ci situlula tunde osimbuKuenda wa ci popia tunde kolotembo via pita?
Hameko hẽ ndi Yehova?
Ka kuli Suku ukuavo te lika ame;Suku umue ukuesunga haeye Upopeli,+ ka kuli ukuavo te lika ame.+
22 Tiuki kokuange kuenda popeliwi,+ ilu lieve liosi,Momo ame ndi Suku kuenda ka kuli ukuavo.+
23 Nda lisinga ame muẽle;Ondaka ya tunda vomẽla wange yocili,Kuenda oyo ka yi ka tiukila konyima:+
Kokuange ku ka kekamẽla olongolo viosi,Alimi osi a ka lisingila ocili+
24 Loku popia hati: ‘Ocili okuti, ku Yehova kuli esunga kuenda ongusu.
Vosi vana vo katukila lonyeño va ka kutisiwa osõi kovaso yaye.
25 Omo lia Yehova, ovitumbulukila* viosi via Isareli vi ka lekisa okuti via suñama,+Kuenda ovio vi ka lipandela kokuaye.’”
Atosi Pombuelo
^ Lit., “oku fuomõla volombunda via.”
^ Lit., “ndi ka somẽha ciwa.”
^ Ale “la Una wo sovola.”
^ Ale “Una wa ci sovola.”
^ Ale pamue, “Ale otuma yi pondola oku popia yiti: ‘Upange wove ka u kuete esilivilo’?”
^ Ale “Ove o kuete olongembia via nye?”
^ Ale pamue, “olonalavayi.”
^ Ale pamue, “vakualomĩlu.”
^ Ale pamue, “oco yi kale ño ndoto.”
^ Lit., “ombuto.”
^ Lit., “ombuto.”
