Isaya 35:1-10
35 Ekalasoko kuenda ofeka ya kukuta vi ka yolela,+Kuenje etapi lio vekalasoko li ka sanjuka kuenda li ka yukisiwa lolonelẽho.+
2 Ocili okuti olio li ka kuata olonelẽho;+Li ka yolela kuenda li ka kaluka lesanju,Esivayo lio Levanone li ka eciwa kokualio,+Ulamba wo Karimele+ kuenda wo Siarone.+
Ovo va ka mola esivayo lia Yehova, lulamba wa Suku yetu.
3 Pamisi ovaka a hongua,Kuenda kolisi olongolo vi kasi oku luluma.+
4 Sapuili vana va sakalala vovitima hati:
“Pami. Ko ka kuati usumba.
Tali! Suku yene o keya lefetuluinyo,Suku o keya lefetuluinyo.+
Eye o keya kuenda o ka vu yovoli.”+
5 Kotembo yaco, ovaso olomeke a ka patuluka,+Kuenda ovatũi ovisitatũi a ka situluka.+
6 Kotembo yaco, ocilema ci ka tẽha tẽha ndosonge,+Kuenda elimi liocitende li ka kaluka omo liesanju.+
Momo ovava a ka pita vekalasoko,Kuenda olondui vetapi lio vekalasoko.
7 Osi ya kukuta yi ka linga ociva cimue covava,Kuenda osi yi kuete enyõna, yi ka kala olono viovava.+
Vovitililo muna olombua viovusenge* via puyukila,+Mu ka kala owangu u talala, olondeya kuenda oloneva.
8 Omo mu ka kala onjila yimue,+Ocili, onjila yimue yi tukuiwa hati, Onjila yi Kola.
Lomue omunu wa vĩha o ka pitamo.+
Oyo ya pongiyiwila una endela vonjila;Ka kuli eveke li ka endelamo.
9 Layimue ohosi yi ka kalamo,Kuenda lacimue ocinyama ca tema ci ka pitamo.
Ovio ka vi ka sangiwamo;+Mu ka pita lika vana va yovuiwa kumandekua.+
10 Vana va yovuiwa la Yehova, va ka tiuka+ ko Siono loku kaluka lesanju.+
Esanju ka li pui, li ka kapiwa kovitue viavo.+
Va ka yukisiwa lonjolela kuenda lesanju,Kuenje esumuo lesakalalo ka vi ka kalako vali.+
Atosi Pombuelo
^ Ocinyama cimue covusenge ca setahãla ombulu.
