Isaya 11:1-16
11 Kocisingi+ ca Jese ku ka tunda ocanja cokaliye,+Kuenda kolombombo+ ku ka tunda ocinjovelela ci ka ima apako.
2 Espiritu lia Yehova li ka kala laye,+Espiritu liolondunge+ kuenda lielomboloko,Espiritu lielungulo kuenda liunene,+Espiritu liukũlĩhĩso kuenda lioku sumbila Yehova.
3 Kuenje eye o ka sanjukila oku sumbila Yehova.+
Eye ka ka sombisa ndomo ci molẽha lovaso aye,Ndaño oku pisa omo liovina a yeva lika lovatũi aye.+
4 Eye o ka sombisa lesunga vana vomboka,Kuenda o ka pindisa lesunga oco a kuatise ambombe vo kilu lieve.
Eye o ka veta ongongo lombueti yomẽla waye+Kuenda o ka ponda olondingaĩvi lofela* yomẽla waye.+
5 Esunga li ka kala uvia vombunda yaye,Kuenda ocili ci ka kala uvia vombunda yaye.+
6 Ombinji yi ka kala pamosi lomeme,+Kuenda okahombo ka ka pekaila kumosi longue,Kuenda onãle, lohosi,* locinyama ca lẽla, vi ka kala viosi pamosi;*+Kuenje kakuenje umue o ka vi songuila.
7 Ongombe kuenda o ursu vi ka lila pamosi,Kuenda omãla vavo va ka pekaila pamosi.
Ohosi yi ka lia owangu ndongombe.+
8 Omõla o nyama, o ka papalela kututa wekuiva,Kuenda omõla wa sumũha o ka kapa eka liaye pocanju conyõha yi kuete owule.
9 Ovio ka vi ka linga cimue cĩvi+Ale oku nyõla komunda yange yosi yi kola,+Momo ongongo yi keyuka muẽle lukũlĩhĩso wa YehovaNdeci ovava a yukisa okalunga.+
10 Keteke liaco, olumbombo lua Jese+ lu ka votuiwa ndondimbukiso* yimue komanu.+
Olofeka vi ka enda kokuaye oco vi sande olonumbi,*+Kuenda ocitumãlo caye cepuyuko ci ka kala culamba.
11 Keteke liaco, Yehova o kolõla vali eka liaye, onjanja yavali oco a yovole ocisupe comanu vaye vana va siala ko Asuria,+ ko Egito,+ ko Patirosi,+ ko Kusi,+ ko Elami,+ ko Sinare,* ko Hamati kuenda kovifuka viokalunga.+
12 Eye o ka katuila ondimbukiso* yimue kolofeka kuenda oku kongela va Isareli+ vana va sanduiwa loku ongoluila pamosi va Yuda vana va sanduiwa kavindi akuãla o kilu lieve.+
13 Esepa lia Efarimi li ka puako,+Kuenda vana va suvuka Yuda va ka kunduiwa.
Efarimi ka ka lekisa esepa ku Yuda,Kuenda Yuda ka ka lekisa esuvu ku Efarimi.+
14 Kuenje ovo va ka katukila olongenge* via va Filisiti kutakelo;Kuenda vosi yavo va ka punda omanu vo Kutundilo.
Ovo va ka votola ovoko avo oco va katukile* o Edome+ kuenda o Moavi+Kuenje va Amoni va ka kala akuenje vavo.+
15 Yehova o ka tepa* ocihondoloka* cokalunga ko Egito+Kuenda o koluĩla eka liaye kilu Liolui.*+
Lofela* yaye yalua, o ka nyõla andunde alio epanduvali,Kuenda o ka lingisa okuti, omanu va ka lu yoka lolohaku viavo.
16 Kuenje ku ka kala onjila yimue+ yi tunda ko Asuria oku loña kocisupe comanu vaye va supapo,+Ndeci kua kala onjila yimue ku Isareli keteke a tunda kofeka Yegito.
Atosi Pombuelo
^ Ale “espiritu.”
^ Ale “eyove liohosi.”
^ Ale pamue, “Kuenda ohombo lohosi vi ka lila pamosi.”
^ Ale “olofeka vi ko sandiliya.”
^ Ale “ombueti yondimbukiso.”
^ Okuti, o Bavulono.
^ Ale “ombueti yondimbukiso.”
^ Lit., “epepe.”
^ Ale “oku vokiya unene wavo ko.”
^ Ale pamue, “oku kukutisa.”
^ Lit., “elimi.”
^ Okuti, o Ferati.
^ Ale “espiritu.”