Isaya 42:1-25
42 Tali! Ukuenje wange,+ una ndi kuatisa!
Una ame nda nõla,+ haeye nda sanjukila!+
Nda kapa espiritu liange vokuaye;+Eye o ka nena esunga kolofeka.+
2 Eye ka ka kaluka, ale oku vokiya ondaka yaye,Kuenda eye ka ka ecelela okuti, ondaka yaye yi yeviwa vokololo.+
3 Eye ka ka teya olundeya lua penga,Kuenda ka ka ima omutusila u tuima.+
Locili eye o ka nena esunga.+
4 Ocinyi caye ka ci ka tepuluka ale oku hongua toke eci esunga li tumbikiwa vongongo;+Kuenda ovifuka vi kevelela kocihandeleko* caye.
5 Ca popia Suku yocili, Yehova,Ululiki wovailu kuenda Una wa Velapo wa vi nyanyumũla,+Una wa lulika ongongo lovikũla viaco,+Una eca ofela yomuenyo komanu va kasimo+Kuenda espiritu ku vana va endelamo ceci hati:+
6 “Ame, ndi Yehova nda ku vilikiya vesunga;Nda ku kuata peka liove.
Ndi ka ku teyuila kuenda ndi ka ku eca ndocisila cimue komanu+
Kuenda ndocinyi kolofeka,+
7 Oco o yikule ovaso olomeke,+Oco upe una o kasi vokayike vocitunu cimue
Kuenda vana va tumãla vowelema vokayike.+
8 Ame ndi Yehova. Eyi oyo onduko yange;Si eci ulamba wange komunu ukuavo,*Ndaño esivayo liange koviñumañuma via songiwa.+
9 Tali, ovina viatete via lingiwa ale;Cilo ndi kasi oku sapula ovina viokaliye.
Osimbu ka via tẽlisiwile, ame ndi ku vi sapuili.”+
10 Imbili Yehova ocisungo cimue cokaliye,+U sivayi locisungo oku upisa kasulilo o kilu lieve,+Ene wendeli vokalunga lene avina viosi vieyukamo,Ene avifuka kumue lolonungi vialio.+
11 Ekalasoko kuenda alupale alio, vi vokiye ondaka yavio,+Kumue lovaimbo muna Kedare a tunga.+
Olonungi vi kasi vesenje vi kaluke lesanju;Vi kaluke oku upisa kosungu yolomunda.
12 Eci ulamba ku YehovaKuenda sapuli esivayo liaye kovifuka.+
13 Yehova o ka tunda ndulume umue wa pama.+
Eye o ka kala ndesualali limue lia lipongiyila oku enda kuyaki.+
Eye o ka kaluka, ocili, o ka kaluka lolukandi ndava va enda kuyaki;Eye o ka li lekisa okuti, ukuonene walua okuti ovanyãli vaye ci sule.+
14 “Nda kala otembo yalua loku ũha.
Ndamamako loku ũha kuenda nda likandangiya ame muẽle.
Ndukãi umue o kasi oku cita,Ndi ka luluma, ndi ka leña leña loku tula ocimuenyo.
15 Ndi ka nyõla olomunda kuenda oviwuluLoku kukutisa ovikũla vialio viosiNdi ka lingisa okuti, olondui vi ka kala ovifuka*Kuenda ndi ka kukutisa oviva viovava.+
16 Ndi ka songuila olomeke vonjila yimue ka via kũlĩhĩle+Ndi vi lingisa okuti, ovio vi liata volonjila ka via kũlĩhĩle.+
Ndi ka pongolola owelema kovaso avo oco u linge ocinyi+Kuenda oku pongolola osi yakungu okuti yi tapika.+
Eci oco ndi ka vi lingila kuenda si ka vi yanduluka.”
17 Vana va kolela koviñumañuma via songiwaVa ka kisikiwa oku tiuka kuenda va ka kutisiwa osõi yalua,Vana va sapuila oviñumañuma viutale okuti: “Ene vu losuku vietu.”+
18 Yeveleli, ene avisitatũi;Tali kuenda vanji, ene alomeke.+
19 Helie omeke, nda ukuenje wangeko,Okuti, wa velapo koku sita etũi ndomunga yange nda tuma?
Helie wa velapo kupeke, nda una wa tambula onima,Okuti, wa velapo kupeke ndukuenje wa Yehova?+
20 Ove o lete ovina vialua, pole, ku amamako oku lavulula.
Ovatũi ove a yikuka, pole, ku yevi.+
21 Yehova omo liesunga liaye,Wa sanjukila oku kemãlisa ocihandeleko* loku ci pongolola ulamba.
22 Pole, ava omanu vamue va pundiwa kuenda va nyaniwa;+Vosi yavo va kasi vokayike kaleva kuenda va salamisua volokayike.+
Ovo va pundiwa okuti lomue wa va yovola,+Kuenda va nyaniwa, pole, lomue wa popia hati: “Va tiuli!”
23 Helie pokati kene o ka ci yeva?
Helie pokati kene o ka yevelela lutate kuenda oku lilongisa ovolandu o kovaso yoloneke?
24 Helie wa eca Yakoba ndocina cimue ca nyaniwaKuenda Isareli ku vakuakupunda?
Siti Yehova Una etu tua lingila ekandu?
Ovo va likala oku endela volonjila Viaye,Kuenda ka va pokuile kovihandeleko* Viaye.+
25 Omo liaco, Eye wamamako oku sukumuĩla onyeño yaye ko Isareli,Onyeño yaye yalua kuenda onyeño yuyaki.+
Oyo ya lia ovina viosi vio ñualele, pole, ka ci kapeleko.+
Ya kala oku taimila kokuaye, pole, ka ci kapeleko.+
Atosi Pombuelo
^ Ale “onumbi.”
^ Ale “si tepelako ulamba wange komunu laumue.”
^ Ale “olohulo.”
^ Ale “onumbi.”
^ Ale “onumbi.”
