Isaya 43:1-28
43 Cilo, ca popia Yehova,Ululiki wove, A Yakoba, Una wa ku sovola, A Isareli ceci hati:+
“Ku ka kuate usumba, momo nda ku yovola.+
Nda ku vilikiya konduko yove.
Ove wa tiamẽla kokuange.
2 Eci ove o pita vovava, ndi ka kala love,+Kuenda eci o yoka olondui, ovio ka vi ka ku sitika.+
Eci o ka pita vondalu, ku ka pia,Ndaño ulienge ka u ka ku kakula.
3 Momo ame ndi Yehova Suku yove,Una o Kola wa Isareli, Upopeli wove.
Nda eca o Egito,O Etiopia lo Seva oco vi linge ndocisembi kokuove.
4 Momo ove o kuete esilivilo kovaso ange,+Ove wa sivayiwa kuenda ame ndu ku sole.+
Kuenje ndi ka eca alume kuenda ovimunga violofekaOco vi yovole omuenyo wove.
5 Ku ka kuate usumba, momo ndi kasi love.+
Ndi ka nena ocitumbulukila* cove oku upisa kutundiloKuenda oku ku kongela pamosi oku upisa kutakelo.+
6 Ndi ka sapuila konano siti: ‘Va eca!’+
Kuenda kombuelo siti: ‘Ku ka va tateke.
Nena omãla vange valume oku upisa kupãla kuenda omãla vange vakãi oku upisa kasulilo o kilu lieve,+
7 Omunu wosi o tukuiwa londuko yange+Una ame nda lulika omo liulamba wange,Kuenda una ame nda sovola loku u panga.’+
8 Tundisa omanu vana olomeke, ndaño okuti va kuete ovaso,Kuenda vana okuti ovisitatũi, ndaño okuti va kuete ovatũi.+
9 Olofeka viosi vi likongele pocitumãlo cimosi,Kuenda omanu va kongeliwe pamosi.+
Helie pokati kavo o pondola oku ci popia?
Ale ovo hẽ va pondola oku ecelela okuti tu yeva ovina viatete?*+
Ovo va lekise olombangi viavo oco va lekise ovo muẽle okuti va kuete esunga,Ale va yeve loku popia vati: ‘Eci ocili!’”+
10 “Ene vulombangi viange,”+ oco Yehova a popia,“Ocili, wukuenje wange una nda nõla,+Oco okuti, vu ñulĩha loku kolela kokuangeKuenda vu kuata elomboloko liokuti, ame Ndumuamue.+
Konyima yange ka kua lulikiwile Suku laumueKuenda noke liame, ka kuli vali laumue.+
11 Ame, ame ndi Yehova,+ ka kuli upopeli ukuavo te lika ame.”+
12 “Ame Una nda ci popia kuenda nda yovola loku ci sandekaEci ka kua kaile osuku layimue pokati kene.+
Omo liaco, ene vulombangi viange,” oco Yehova a popia “kuenda ame Suku.+
13 Handi vali, olonjanja viosi Ndumuamue;+Kuenda laumue o pondola oku tukũla cimue peka liange.+
Eci ndi linga cimue, helie o pondola oku ci tateka?”+
14 Ca popia Yehova Onjovoli yene,+ Una o Kola wa Isareli ceci hati:+
“Mekonda liove, ndi ka tuma asualali ko Bavulono kuenda ndi ka kupula ovikundiko viosi violombundi,+Kuenda va Kaldea volonaviyu viavo, va ka lila omo liesumuo.+
15 Ame ndi Yehova, Una+ wene o Kola, Ululiki wa Isareli,+ Soma yene.”+
16 Ca popia Yehova,Una o yikula onjila yimue vokalungaKuenda onjila vovava a kuete akimba alua,+
17 Una o tundisa ekãlu liuyaki kuenda okavalu,+Asualali kumue lolohoka via pama, ceci hati:
“Ovo va ka kupuka kuenda ka va ka votoka.+
Va ka imũha kuenda oku ima ndomutusila umue u kasi oku pia.”
18 “Ko ka ivaluki ovina viale,Kuenda ko ka sokololi kosimbu.
19 Tali! Ñasi oku linga cimue cokaliye;+Oco ci kasi ale oku tẽlisiwa.
Ene hẽ ka wa ci limbukili?
Ndi ka yikula onjila yimue yi pita vekalasoko+
Kuenda olondui vi pita vekalasoko.+
20 Ovinyama viovusenge vi ka ndi sivaya,Olombua viovusenge* kuenda olombo,Momo ame ndi kapa ovava vekalasoko,Olondui vekalasoko,+Oco okuti omanu vange, vana nda nõla,+ va nyua,
21 Omanu vana nda li pangela
Oco okuti va ndi sivaya.+
22 Pole, ove kua mbilikiyile, A Yakoba,+Momo ove wa kava omo liame, A Isareli.+
23 Ove kua ndi nenelele olomeme vioku lumba ocilumba coku pia elisiAle oku ndi sivaya lovilumba viove.
Sia ku kisikile oku nena ombanjaile yimue kokuange,Ndaño oku ku kavisa poku ku kisika insensu.+
24 Ove kua ndi landelele o kalamu* lolombongo viove,Ndaño oku ndi tekula lulela wovilumba viove.+
Handi vali, akandu ove a kasi ndocilemo kokuangeKuenda wa ñavisa lakulueya ove.+
25 Ame, ame Una o imũla akandu ove*+ omo liange muẽle,+Kuenda si ka ivaluka vali akandu ove.+
26 Tu lingi etu muẽle esombiso omunu lukuavo.
Njivaluise; vangula ocitangi cove muẽle oco o lekise okuti o kuete esunga.
27 Isiove watete wa lueya,Kuenda olomunga* viove via ndi sinĩla.+
28 Omo liaco, ndi ka vĩhisa olombuale viocitumãlo ci kola,Kuenda ndi ka eca Yakoba kenyõlehoKuenda Isareli o ka pembuiwa lolondaka viesepu.+
Atosi Pombuelo
^ Lit., “ombuto.”
^ Pamue vi tiamisila kovina viatete vi ka pita kovaso yoloneke.
^ Ocinyama cimue covusenge ca setahãla ombulu.
^ Olundeya lumue luelemba liwa.
^ Ale “ovilinga viesino.”
^ Pamue vi tiamisiwila kalongisi Viocihandeleko.
