Mika 5:1-15
5 “Jaanong o a itshegaka,Wena morwadi yo o tlhaselwang;Mmaba o kampile go re dikologa.+
Ba itaya moatlhodi wa Iseraele mo lerameng ka thobane.+
2 Mme wena, Bethelehema Eferatha,+Wena yo monnye thata gore o ka nna mo diketeng* tsa Juda,Mo go wena go tla tswa mongwe yo o tla nnang mmusi mo Iseraele mo boemong jwa me,+Yo o simologileng mo metlheng ya bogologolo, mo malatsing a bogologolo.
3 Ka jalo, Modimo o tla tlogela batho ba gagweGo fitlha ka nako ya fa mosadi wa moimana a belega.
Mme bomorwarraagwe ba bangwe botlhe ba tla boela kwa bathong ba Iseraele.
4 O tla ema a bo a disa ka nonofo ya ga Jehofa,+Ka leina le legolo la ga Jehofa, Modimo wa gagwe.
Mme ba tla nna ka pabalesego,+Ka gonne jaanong bogolo jwa gagwe bo tla fitlha kwa dikhutlong tsa lefatshe.+
5 Mme o tla tlisa kagiso.+
Fa Moasiria a ka tlhasela lefatshe la rona a bo a gataka ditora tsa rona tse di sireletsegileng,+Re tla tlhoma badisa ba le supa gore ba mo tlhasele,ruri re tla tlhoma dikgosana* di le robedi go tswa mo bathong.
6 Ba tla senya lefatshe la Asiria ka tšhaka,+Le lefatshe la ga Nimerode+ kwa dikgorong tsa lone.
Mme o tla re golola mo seatleng sa Moasiria,+Fa a tlhasela lefatshe la rona le fa a gataka naga ya rona.
7 Ba ba setseng ba ga Jakobe ba tla nna mo ditšhabeng di le dintsiJaaka monyo o o tswang kwa go Jehofa,Jaaka dipula tse dikgolo mo dimeleng,Tse di sa solofeleng mo mothongKgotsa tse di sa leteleng bomorwa batho.
8 Ba ba setseng ba ga Jakobe ba tla nna mo ditšhabeng,Mo merafeng e le mentsi,Ba tla nna jaaka tau mo gare ga diphologolo tsa sekgwa,Jaaka tawana* mo gare ga matsomane a dinku,E e di ralalang e bo e tlola e di phamola e di gagolaka;Mme go se na ope yo o di gololang.
9 O tla tsholeletsa baba ba gago seatla,Mme o tla fedisa baba ba gago botlhe.”
10 Jehofa a re, “Mo letsatsing leo,Ke tla fedisa dipitse tsa gago ke bo ke senya dikara tsa gago.
11 Ke tla senya metse e e mo lefatsheng la gagoKe bo ke diga mafelo otlhe a gago a a sireletsegileng.
12 Ke tla fedisa boloi jo o bo dirang,*E bile ga go na ope yo o dirang maselamose yo o tla salang.+
13 Ke tla senya ditshwantsho tsa gago tse di betlilweng le dipilara tsa gago,Mme ga o kitla o tlhola o ikobela tiro ya diatla tsa gago.+
14 Ke tla kumola dikota tsa gago tse di boitshepo*+Ke bo ke fedisa metse ya gago.
15 Ke tla ipusolosetsa mo ditšhabeng tse di neng tsa se ka tsa ikobaKe galefile e bile ke shakgetse.”
Dintlha Tse di Kwa Tlase
^ Kgotsa “dikgotleng.”
^ Kgotsa “baeteledipele.”
^ Kgotsa “tawana e e seriri.”
^ Seheb., “jo bo mo seatleng sa gago.”
^ Bona polelwana “Kota e e boitshepo” mo Ditlhaloso Tsa Mafoko.
