Jobe 14:1-22
14 “Motho yo o tsetsweng ke mosadi,O tshela lobaka lo lokhutshwane+ e bile botshelo jwa gagwe bo tletse matshwenyego.+
2 O tlhoga jaaka lelômô,* go tswa foo o a swaba;*+O tshaba jaaka moriti a bo a nyelela.+
3 O tlhomile leitlho la gago mo go ene,Mme o mo tsenya* mo tshekong le wena.+
4 Ke mang yo o ka ntshang motho yo o phepa mo mothong yo o seng phepa?+
Ga go na ope yo o ka kgonang!
5 Fa go dirilwe tshwetso ka malatsi a gagwe,Palo ya dikgwedi tsa gagwe e mo go wena;O mo tlhometse selekanyo se a ka se kang a se tlola.+
6 Faposa matlho a gago mo go ene gore a ikhutse,Go fitlha a wetsa letsatsi la gagwe jaaka modiri yo o thapilweng.+
7 Gonne tota le setlhare go na le tsholofelo ka sone.
Fa se kgaolwa, se tla tlhoga gape,Mme dikalana tsa sone di tla tswelela di gola.
8 Fa modi wa sone o tsofalela fa fatsheLe sesana sa sone se swela mo mmung,
9 Se tla tlhoga fa se utlwa lonko lwa metsi;Mme se tla tlhagisa dikala jaaka semela se sesha.
10 Le fa go ntse jalo, motho o a swa a bo a rapama a feletswe ke maatla;Fa motho a swa, o a bo a ile kae?+
11 Metsi a a nyelela mo lewatleng,Le noka e a kgala e bo e omelela.
12 Motho le ene o a rapama mme ga a eme.+
Ga ba kitla ba tsoga go fitlha legodimo le sa tlhole le le gone,E bile ga ba kitla ba tsosiwa mo borokong jwa bone.+
13 E kete o ne o ka mpoloka mo Lebitleng,*+Wa mphitlha go fitlha bogale jwa gago bo feta,Wa bo wa mpeela nako mme wa nkgakologelwa!+
14 Fa motho a swa, a a ka tshela gape?+
Ke tla leta malatsi otlhe a tirelo e ke patelediwang go e dira
Go fitlha kgololo ya me e tla.+
15 O tla bitsa, mme nna ke tla go araba.+
O tla tlhologelelwa tiro ya diatla tsa gago.
16 Mme gone jaanong, o nna o bala kgato nngwe le nngwe ya me;O leba boleo jwa me fela.
17 Molato wa me o tswaletswe mo kgetsing,E bile o tswalela phoso ya me ka sekgomaretsi.
18 Fela jaaka thaba e wa e bo e thubaganaLe lefika le sutisiwa mo lefelong la lone,
19 Fela jaaka metsi a gogola majeLe merwalela ya one e gopa mmu,O fedisitse tsholofelo ya motho ka tsela eo.
20 O nna o mo fekeetsa go fitlha a swa;+O fetola tebego ya gagwe o bo o mo tsamaisa.
21 Bomorwawe ba a tlotlwa, mme ga a itse ka gone;Ba a kokobediwa, le fa go ntse jalo ga a lemoge seo.+
22 O utlwa botlhoko fela fa a sa ntse a le mo botshelong,O hutsafala fela fa a sa ntse a tshela.”
Dintlha Tse di Kwa Tlase
^ Kgotsa “sethunya.”
^ Kgotsa gongwe “a bo a kgaolwa.”
^ Seheb., “o ntsenya.”
^ Kgotsa “Sheole.” Bona Ditlhaloso Tsa Mafoko.
