Isaia 48:1-22
48 Utlwang seno, lona ditlogolwana tsa ga Jakobe,Lona ba lo ipitsang ka leina la Iseraele+Le ba lo duleng mo metsing a* Juda,Lona ba lo ikanang ka leina la ga Jehofa+Le ba lo goelang kwa Modimong wa Iseraele,Le fa gone e se ka boammaaruri le ka tshiamo.+
2 Gonne ba ipitsa ka leina la motse o o boitshepo,+E bile ba batla gore Modimo wa Iseraele,+Yo leina la gagwe e leng Jehofa wa masomosomo, a ba eme nôkeng.
3 “Dilo tse di fetileng* ke ne ka di lo bolelela bogologolo.
Di ne tsa tswa mo molomong wa me,Mme ke ne ka dira gore di itsiwe.+
Ka bonako fela ke ne ka dira sengwe ka se ke se buileng, mme di ne tsa direga.+
4 E re ka ke ne ke itse gore lo tlhogoethata,Gore melala ya lona ke mesifa ya tshipi le diphatla tsa lona ke kopore,+
5 Ke ne ka lo bolelela seno bogologolo.
Ke ne ka dira gore lo se utlwe pele ga se diragala,Gore lo se ka lwa re, ‘Modingwana wa rona o dirile seno;Setshwantsho sa rona se se betlilweng le setshwantsho* sa rona se se bopilweng di laetse seno.’
6 Lo utlwile e bile lo bone dilo tseno tsotlhe.
A ga lo kitla lo di bolela?+
Go tloga jaanong ke lo itsise dilo tse disha,+Diphiri tse di fitlhilweng ka kelotlhoko tse lo iseng lo di itse.
7 Ke gone di bopiwang gone jaanong, mme e seng bogologolo,Dilo tse lo neng lo ise lo ke lo di utlwe pele ga letsatsi la gompieno,Gore lo se ka lwa re, ‘Re ne re setse re di itse.’
8 Nnyaa, ga lo a utlwa,+ ga lo a ka lwa itse,E bile mo nakong e e fetileng ditsebe tsa lona di ne di sa bulega.
Gonne ke a itse gore lo boferefere thata,+E bile lo ntse lo bidiwa modirabosula go tloga fela fa lo tsholwa.+
9 Mme ke tla thiba bogale jwa me ka ntlha ya leina la me;+Ka ntlha ya pako ya me, ke tla ithiba,Mme ga nkitla ke go nyeletsa.+
10 Ke go itshekisitse, mme e seng jaaka selefera.+
Ke letlile gore o boge e le gore ke go phepafatse, fela jaaka tshipi e tsenngwa mo molelong o mogolo gore e nyerologe.+
11 Ruri ke tla dira seno ka ntlha ya leina me,+Gonne nka letla jang gore leina la me le tlontlololwe?+
Ga nkitla ke letla ope a newa tlotlo e e ntshwanetseng.*
12 Ntheetse wena Jakobe, le wena Iseraele, yo ke go biditseng.
Ke ntse ke le ene Yoo.+ Ke nna wa ntlha; gape ke nna wa bofelo.+
13 Seatla sa me se ne sa thaya motheo wa lefatshe,+E bile seatla sa me sa moja se ne sa phutholola magodimo.+
Fa ke di bitsa, di ema mmogo.
14 Phuthegang lotlhe, mme lo reetse.
Ke modingwana ofe mo gare ga medingwana* o o neng wa itsise dilo tseno?
Jehofa o mo* ratile.+
O tla dira se a se ratang ka Babelona,+E bile lebogo la gagwe le tla tlhasela Bakaladia.+
15 Nna ka bonna ke buile, e bile ke mmiditse.+
Ke mo tlisitse, e bile tsela ya gagwe e tla atlega.+
16 Nkatameleng mme lo utlwe seno.
Go tswa fela kwa tshimologong ga ke a ka ka buela mo sephiring.+
Go tloga fela ka nako ya fa go ne go direga ke ne ke le teng.”
Mme jaanong Morena Molaodimogolo Jehofa o nthomile, e bile o tsentse moya wa gagwe mo go nna.
17 Seno ke se Jehofa, Morekolodi wa gago, Modimo yo o Boitshepo wa Iseraele, a se buang:+
“Nna Jehofa, ke Modimo wa gago,Ene yo o go rutang gore o tshele ka tsela e e tla go tswelang mosola,+Ene yo o go kaelang tsela e o tshwanetseng go tsamaya mo go yone.+
18 Fa fela o ka tlhwaela ditaelo tsa me tsebe,+Kagiso ya gago e ne e tla nna fela jaaka noka,+Le tshiamo ya gago e ne e tla nna jaaka makhubu a lewatle.+
19 Bana* ba gago ba ne ba tla nna bantsi jaaka motlhaba,*Le ditlogolwana tsa gago di ne di tla nna dintsi jaaka matlapana a one.+
Leina la bone le ne le se kitla le kgaolwa kgotsa le nyelediwa fa pele ga me.”
20 Tswang mo Babelona!+
Tshabang lo tswe mo Bakaladieng!
Itsiseng seno ka go tlhaba mokgosi wa boitumelo! Se boleleng!+
Dirang gore se itsiwe kwa dikhutlong tsa lefatshe.+
Buang lo re: “Jehofa o rekolotse motlhanka wa gagwe e bong Jakobe.+
21 Ga ba a ka ba tshwarwa ke lenyora fa a ne a ba tsamaisa mo mafelong a a kgakgabetseng.+
O ne a dira gore metsi a tswe mo lefikeng gore ba nwe;O ne a phatlola lefika mme a dira gore metsi a pomponyege.”+
22 Jehofa a re, “Batho ba ba bosula ga ba na kagiso.”+
Dintlha Tse di Kwa Tlase
^ Kgotsa gongwe “ba lo leng ditlogolwana tsa.”
^ Seheb., “tsa ntlha.”
^ Kgotsa “sefikantswe.”
^ Kgotsa “Ga ke kgaogane kgalalelo ya me le ope.”
^ Seheb., “Ke mang mo gare ga bone.”
^ Go tewa Kurose.
^ Seheb., “Losika.”
^ Kgotsa “moshawa.”
