Dipesalema 46:1-11
Go mokaedi. Pesalema ya bomorwa Kora.+ E opelwe ka molodi wa Alamothe.* Pina.
46 Modimo ke botshabelo le nonofo ya rona,+Thuso e e bonwang motlhofo ka dinako tsa matshwenyego.+
2 Ke gone ka moo re se kitlang re boifa, le fa lefatshe le fetoga,Le fa dithaba di thabuela mo tengteng ga lewatle,+
3 Le fa metsi a lewatle a suma e bile a phoka lefulo,+Le fa dithaba di reketla ka ntlha ya go fuduega ga lone. (Selah)
4 Go na le noka e melatswana ya yone e itumedisang motse wa Modimo,+E leng motlaagana o mogolo o o boitshepo wa Mogodimodimo.
5 Modimo o mo motseng;+ ga o kitla o digiwa.
Modimo o tla thusa motse oo fa bo sa.+
6 Ditšhaba di ne tsa fuduega, magosi a ne a menolwa;O ne a tsholetsa lentswe la gagwe, mme lefatshe le ne la gakologa.+
7 Jehofa wa masomosomo o na le rona;+Modimo wa ga Jakobe ke lefelo la rona la botshabelo le le sireletsegileng.* (Selah)
8 Tlang mme lo bone ditiro tsa ga Jehofa,Kafa a dirileng dilo tse di gakgamatsang ka gone mo lefatsheng.
9 O fedisa dintwa mo lefatsheng lotlhe.+
O roba bora e bile o robaganya lerumo;O fisa dikara tsa ntwa* ka molelo.
10 “Ineeleng mme lo itse gore ke nna Modimo.
Ke tla tlotlomadiwa mo ditšhabeng;+Ke tla tlotlomadiwa mo lefatsheng.”+
11 Jehofa wa masomosomo o na le rona;+Modimo wa ga Jakobe ke lefelo la rona la botshabelo le le sireletsegileng.+ (Selah)
Dintlha Tse di Kwa Tlase
^ Bona Ditlhaloso Tsa Mafoko.
^ Kgotsa “kago e e sireletsegileng.”
^ Kgotsa gongwe “dithebe.”