KAMPENI YA UKUMBUSHO
Yesu Atakomesha Uhalifu
Yesu anajua maana ya kuteseka kwa sababu ya uhalifu na ukosefu wa haki. Alishtakiwa kwa uwongo, akapigwa ingawa hakuwa amekosea, akafikishwa mahakamani kwa tuhuma za uwongo, akahukumiwa kimakosa, na akauawa kikatili. Licha ya kwamba hakuwa na hatia, alikubali bila ubinafsi kudhabihu “uhai wake uwe fidia badala ya wengi.” (Mathayo 20:28; Yohana 15:13) Sasa, akiwa Mfalme wa Ufalme wa Mungu, hivi karibuni atahakikisha haki inatendeka duniani kote, na kukomesha uhalifu kabisa.—Isaya 42:3.
Biblia inafafanua jinsi ulimwengu utakavyokuwa baada ya Yesu kuchukua hatua:
“Watu waovu hawatakuwepo tena; utapaangalia mahali walipokuwa, nao hawatakuwepo. Lakini wapole wataimiliki dunia, nao watafurahia kwelikweli wingi wa amani.”—Zaburi 37:10, 11.
Tunaweza kuonyeshaje shukrani kwa mambo yote ambayo Yesu ametufanyia na ambayo atatufanyia wakati ujao? Kwenye Luka 22:19, Yesu aliwaambia wafuasi wake wakumbuke kifo chake. Hiyo ndiyo sababu kila mwaka Mashahidi wa Yehova hukutana ili kuadhimisha kifo chake. Tunakualika ujiunge nasi kuadhimisha Ukumbusho wa kifo cha Yesu Jumapili, Machi 24, 2024.
Huenda Ukapenda Pia
ESSENTIAL BIBLE TEACHINGS
Ufalme wa Mungu Ni Nini?
Wakati wa huduma yake duniani, Yesu alifundisha kuhusu Ufalme wa Mungu kuliko habari nyingine yoyote. Kwa karne nyingi, wafuasi wake wamesali kwamba Ufalme huo uje.
HABARI ZAIDI
Tumaini Bora la Wakati Ujao
Kwa nini ahadi zinazopatikana katika Biblia ni tofauti na ahadi na utabiri unaotolewa na wanadamu?
UKUMBUSHO
Kumbuka Kifo cha Yesu
Tunakualika uhudhurie pamoja nasi tukio hili muhimu. Utajifunza jinsi maisha na kifo cha Yesu yanavyoweza kukufaidi.
KUTUHUSU
Ukumbusho wa Kifo cha Yesu
Mashahidi wa Yehova wanakualika uhudhurie Ukumbusho wa Kifo cha Yesu utakaofanywa Aprili 12, 2025.
MASWALI YANAYOULIZWA MARA NYINGI
Kwa Nini Mashahidi wa Yehova Wanaadhimisha Mlo wa Jioni wa Bwana kwa Njia Tofauti na Dini Nyingine?
Unaitwa pia Mlo wa Jioni wa Bwana au Ukumbusho wa Kifo cha Yesu, ni tukio la pekee sana kwa Mashahidi wa Yehova. Fikiria mambo ambayo Biblia inasema kuhusu tukio hilo.
KUTUHUSU
Omba Utembelewe
Zungumzia swali la Biblia, au ujifunze mengi zaidi kuhusu Mashahidi wa Yehova.
