Isaya 43:1-28
43 Sasa hivi ndivyo anavyosema Yehova,Muumba wako, Ee Yakobo, Yule aliyekuumba, Ee Israeli:+
“Usiogope, kwa maana nimekukomboa.+
Nimekuita kwa jina lako.
Wewe ni mali yangu.
2 Unapopita katika maji, nitakuwa pamoja nawe,+Na unapopita katika mito, haitafurika na kukufunika.+
Unapotembea katika moto, hutateketea,Wala mwali wa moto hautakuunguza.
3 Kwa maana mimi ni Yehova Mungu wako,Mtakatifu wa Israeli, Mwokozi wako.
Nimeitoa Misri kuwa fidia kwa ajili yako,Ethiopia na Seba badala yako.
4 Kwa sababu ulikuwa mwenye thamani machoni pangu,+Uliheshimiwa, nami nimekupenda.+
Basi nitawatoa watu badala yakoNa mataifa badala ya uhai wako.*
5 Usiogope, kwa maana nipo pamoja nawe.+
Nitauleta uzao wako* kutoka masharikiNa kukukusanya kutoka magharibi.+
6 Nitaiambia kaskazini, ‘Watoe!’+
Na kusini, ‘Usiwazuie.
Walete wanangu kutoka mbali, na mabinti wangu kutoka kwenye miisho ya dunia,+
7 Kila mtu anayeitwa kwa jina langu+Na niliyemuumba kwa ajili ya utukufu wangu,Ambaye nimemuumba na kumtokeza.’+
8 Waleteni watu walio vipofu, ingawa wana macho,Na walio viziwi, ingawa wana masikio.+
9 Mataifa yote na yakusanyike mahali pamoja,Na watu wakusanyike pamoja.+
Ni nani kati yao anayeweza kutangaza haya?
Au, je, wanaweza kutufanya tusikie mambo ya kwanza?*+
Na watoe mashahidi wao ili kuthibitisha kwamba wanasema ukweli,Au acha wasikie na kusema, ‘Ni ukweli!’”+
10 “Ninyi ni mashahidi wangu,”+ asema Yehova,“Naam, mtumishi wangu ambaye nimemchagua,+Ili mjue na kuwa na imani kwangu*Na mwelewe kwamba mimi ni yuleyule.+
Kabla yangu hakuna Mungu aliyefanyizwa,Na baada yangu hakutakuwa na mwingine.+
11 Mimi—mimi ni Yehova,+ na zaidi yangu hakuna mwokozi.”+
12 “Mimi ndiye niliyetangaza na kuokoa na kujulishaKulipokuwa hakuna mungu wa kigeni miongoni mwenu.+
Basi ninyi ni mashahidi wangu,” asema Yehova, “nami ni Mungu.+
13 Pia, mimi ni yuleyule sikuzote;+Na hakuna yeyote anayeweza kunyakua chochote kutoka mkononi mwangu.+
Ninapotenda, ni nani anayeweza kunizuia?”+
14 Yehova, Mkombozi wenu,+ Mtakatifu wa Israeli,+ anasema hivi:
“Nitatuma ujumbe huko Babiloni kwa ajili yenu na kuyashusha makomeo yote ya malango,+Na Wakaldayo, katika meli zao, watalia kwa sababu ya mateso.+
15 Mimi ni Yehova, Mtakatifu wenu,+ Muumba wa Israeli,+ Mfalme wenu.”+
16 Yehova anasema hivi:
Yule anayetengeneza njia bahariniNa mahali pa kupita hata katika maji yenye msukosuko,+
17 Yule anayelivuta gari la vita na farasi,+Jeshi pamoja na mashujaa hodari:
“Watalala chini na hawataamka.+
Watazimwa, watazimwa mara moja kama utambi unaowaka.”
18 “Msikumbuke mambo ya kwanza,Wala msifikirie sana mambo ya zamani.
19 Tazameni! Ninatenda jambo jipya;+Hata sasa linachipuka.
Je, hamlitambui?
Nitatengeneza njia nyikani+Na mito jangwani.+
20 Mnyama wa mwituni ataniheshimu,Mbwamwitu na mbuni,Kwa maana ninatokeza maji nyikani,Mito jangwani,+Ili watu wangu wanywe, naam, mchaguliwa wangu,+
21 Watu niliojiumbiaIli watangaze sifa zangu.+
22 Lakini hujaniita mimi, Ee Yakobo,+Kwa sababu ulichoshwa nami, Ee Israeli.+
23 Hujaniletea kondoo kwa ajili ya dhabihu zako nzima za kuteketezwaWala kunitukuza kwa dhabihu zako.
Sijakulazimisha uniletee zawadi,Wala sijakuchosha kwa kudai ubani.+
24 Hukuninunulia utete wenye manukato kwa pesa zako,Wala hukuniridhisha kwa mafuta ya dhabihu zako.+
Badala yake, umenilemea kwa dhambi zakoNa kunichosha kwa maovu yako.+
25 Mimi, mimi ndiye ninayeyafuta kabisa makosa*+ yako kwa ajili yangu,+Nami sitazikumbuka dhambi zako.+
26 Nikumbushe; na tukutane ili tufanye kesi;Toa hoja zako ili kuthibitisha kwamba unasema ukweli.
27 Babu yako wa kwanza alitenda dhambi,Na wasemaji* wako mwenyewe wameniasi.+
28 Kwa hiyo nitawatia unajisi wakuu wa mahali patakatifu,Nami nitamtoa Yakobo aangamizweNa kumfanya Israeli atukanwe.+
Maelezo ya Chini
^ Au “nafsi yako.”
^ Tnn., “Nitaileta mbegu yako.”
^ Labda ni mambo yatakayotokea kwanza wakati ujao.
^ Au “na kunitumaini.”
^ Au “matendo yako ya uasi.”
^ Labda hawa ni walimu wa Sheria.
