Isaya 35:1-10
35 Nyika na nchi iliyokauka zitafurahi,+Na jangwa tambarare litashangilia na kuchanua maua kama zafarani.+
2 Hakika itachanua maua;+Itashangilia na kupiga vigelegele vya shangwe.
Itapewa utukufu wa Lebanoni,+Fahari ya Karmeli+ na ya Sharoni.+
Watauona utukufu wa Yehova, fahari ya Mungu wetu.
3 Itieni nguvu mikono iliyo dhaifu,Na myaimarishe magoti yanayotetemeka.+
4 Waambieni wale wanaohangaika moyoni:
“Iweni na nguvu. Msiogope.
Tazameni! Mungu wenu atakuja na kisasi,Mungu atakuja na malipo.+
Atakuja na kuwaokoa ninyi.”+
5 Wakati huo macho ya vipofu yatafunguliwa,+Na masikio ya viziwi yatazibuliwa.+
6 Wakati huo kilema ataruka kama paa,+Na ulimi wa bubu utapiga vigelegele vya shangwe.+
Kwa maana maji yatabubujika nyikani,Na vijito katika jangwa tambarare.
7 Na ardhi iliyokaushwa na joto itakuwa kama dimbwi lenye matete,Na ardhi yenye kiu itakuwa kama mabubujiko ya maji.+
Katika makao ambamo mbwamwitu walipumzika,+Kutakuwa na majani mabichi na matete na mafunjo.
8 Na huko kutakuwa na barabara kuu,+Naam, njia inayoitwa Njia ya Utakatifu.
Mtu asiye safi hatasafiri kwenye njia hiyo.+
Imetengwa kwa ajili ya yule anayetembea katika njia hiyo;Hakuna mtu yeyote mpumbavu atakayepotea na kuingia katika njia hiyo.
9 Hakuna simba atakayekuwa huko,Na hakuna wanyama hatari wa mwituni watakaokuja kwenye njia hiyo.
Hawatapatikana huko;+Wale waliokombolewa tu ndio watakaotembea katika njia hiyo.+
10 Wale waliokombolewa na Yehova watarudi+ na kuja Sayuni kwa kilio cha shangwe.+
Shangwe isiyo na kikomo itakuwa taji la vichwa vyao.+
Watapata shangwe na furaha,Na huzuni na kilio cha uchungu vitatoweka.+
