Mikha 5:1-15
5 “Nyalo seniyatisika,Nine lenihlala edolobheni lelivinjetelwe;Sitsa sisivimbetele.+
Umehluleli waka-Israyeli ushaywa ngendvuku esihlatsini.+
2 Awu Bhetlehema Efratha,+Wena dolobha lelincane kakhulu kunawo onkhe emadolobha* akaJuda,Kuwe kutawuvela umbusi lotawenta intsandvo yami ka-Israyeli,+Futsi lobekavele akhona kusukela kadzeni, kusukela emalangeni asendvulo.
3 Nkulunkulu utawunikela bantfu bakhe etitseni taboKuze kube ngulapho umfati lotetfwele abeleka.
Futsi bonkhe lalabanye banakabolombusi batawubuyela ku-Israyeli.
4 Lombusi utawusukuma eluse umhlambi ngemandla aJehova,+Aweluse ngebukhulu belibito laJehova Nkulunkulu wakhe.
Sive sakhe sitawuhlala siphephile,+Ngobe kubusa kwakhe kutawufika ngisho nasemikhawulweni yemhlaba.+
5 Lombusi utawuletsa kuthula.+
Nakungenteka i-Asiriya ihlasele live letfu futsi ibhidlite imibhoshongo yetfu levikelekile,+Sitawubeka belusi labangu-7, yebo sibeke tikhulu* letingu-8 emkhatsini webantfu kuze balwe nayo.
6 Batawuhlasela live lase-Asiriya ngenkemba,+Lokulive laNimrodi,+ balihlasele emahhekeni alo.
Lombusi utasikhulula kulelive lase-Asiriya+Nalihlasela live letfu futsi ligcobagcoba indzawo yetfu.
7 Bantfwana baJakobe labasele batawuba semkhatsini webantfu labanyenti,Batawuba njengematolo lavela kuJehova,Babe njengemvula lenetsa tintfo letimilako,Yona lengetsembeli kumuntfuNobe ilawulwe ngumuntfu.
8 Bantfwana baJakobe labasele batawuba semkhatsini wetive,Batawuba semkhatsini webantfu labanyenti.
Batawuba njengelibhubesi emkhatsini wetilwane tesiganga,Babe njengelibhubesi lelisakhula lelisemkhatsini wemhlambi wetimvu,Lelo lelivele lingene emkhatsini wato, litihlasele futsi litidzabudzabule tibe ticucu;Kube kute nalongatisindzisa.
9 Nine bantfwana baJakobe labasele, nitatincoba titsa tenu,Futsi tonkhe titsa tenu titawubhujiswa.”
10 Jehova utsi: “Ngalelolanga,Ngitawubulala emahhashi enu, ngibhubhise netinkalishi tenu.
11 Ngitawubhidlita emadolobha laseveni lenuFutsi ngidzilite tonkhe tindzawo tenu letivikelekile.
12 Ngitabucedza bonkhe lobutsakatsi lenibentako,*Futsi kute ngisho namunye lowenta umlingo lotawusala emkhatsini wenu.+
13 Ngitawuphihlita tithico tenu letibatiwe kanye netinsika tenu letingcwele,Futsi angeke niphindze nikhotsamele tintfo lenitakhe ngetandla tenu.+
14 Ngitawusiphula tinsika tenu letingcwele*+ letisemkhatsini wenu,Ngibhubhise nemadolobha enu.
15 Ngitawube ngitfukutsele futsi nginelulaka lolukhulu nangitiphindziselelaEtiveni letingakangilaleli.”
Imibhalo lengentansi
^ Nobe “kunato tonkhe tinkhulungwane.”
^ Nobe “baholi.”
^ NgesiHebheru kutsi, “lobusesandleni senu.”
^ Fundza Tinchazelo Temagama.
