KubaseGalathiya 6:1-18
6 Bazalwane, ngisho nobe kungenteka umuntfu ahambe ngendlela lengasiyo abe angaboni, nine lenivutsiwe yetamani kumsita ngemoya lophansi*+ umuntfu lonjalo. Kodvwa ticapheleni,+ ngobe nani kungenteka nilingwe.+
2 Chubekani nitfwalisana imitfwalo lesindzako,+ ngekwenta njalo nitawube nigcwalisa umtsetfo waKhristu.+
3 Ngobe nangabe umuntfu acabanga kutsi ulutfo nanobe angasilutfo,+ usuke atiyenga.
4 Kodvwa nguloyo naloyo akahlole tento takhe,+ nakenta njalo utawujabula ngalakwentile, hhayi ngekutsi aticatsanise nalomunye umuntfu.+
5 Ngobe nguloyo naloyo utawutetfwalela umtfwalo wakhe.*+
6 Ngetulu kwaloko, nobe ngubani lofundziswa* livi akahlanganyele kuko konkhe lokuhle naloyo lomfundzisako.*+
7 Ningadukiswa: Nkulunkulu akasuye wekuphukutwa. Ngobe nobe yini umuntfu layihlanyelako, utawuvuna+ yona futsi;
8 lohlanyela anembono wenyama utawuvuna konakala enyameni yakhe, kodvwa lohlanyela anembono wemoya utawuvuna kuphila lokuphakadze emoyeni.+
9 Ngako-ke asingapheli emandla ekwenta lokuhle, ngobe ngesikhatsi lesifanele sitawuvuna nasingadzinwa.*+
10 Nangabe nje sinelitfuba,* asenteni lokuhle kubo bonkhe, ikakhulukati kulabo labahlobene natsi ekukholweni.
11 Bukani kutsi tinkhulu kangakanani tinhlavu temagama lenginibhalele ngato ngesandla sami.
12 Bonkhe labafuna kubonakala babahle kubantfu* ngibo labetama kunicindzetela kutsi nisoke, kodvwa loku bakwentela kubalekela kuphatfwa kabi ngenca yelugodvo* lokwabetselwa kulo Khristu.
13 Ngobe ngisho nalabo labasokako abawugcini uMtsetfo,+ kepha bafuna nine nisoke kuze batowuba nesizatfu sekutigabatisa ngani.
14 Kodvwa mine angifuni kutigabatisa, ngaphandle kwekutigabatisa ngelugodvo* lokwabetselwa kulo iNkhosi Jesu Khristu,+ futsi ngayo live lifana nalelifile* kimi, nami ngifana nalofile eveni.
15 Ngobe kusoka nekungasoki akusilutfo,+ kodvwa indalo lensha ngiyo lelutfo.+
16 Shengatsi bonkhe labaphila ngekuvumelana nalomtsetfo wekutiphatsa, lokungu-Israyeli waNkulunkulu,+ bangaba nekuthula nemusa.
17 Kusukela nyalo akube bete longihluphako, ngobe emtimbeni wami nginetimphawu tekuba sigcili saJesu.+
18 Bazalwane, shengatsi umusa lomkhulu weNkhosi Jesu Khristu ungaba nani njengoba nikhombisa umoya lomuhle. Amen.
Imibhalo lengentansi
^ Nobe “bumnene.”
^ Nobe “umsebenti wakhe.”
^ Nobe “lofundziswa ngemlomo.”
^ Nobe “lomfundzisa ngemlomo.”
^ Nobe “nasingapheli emandla.”
^ NgesiGriki kutsi, “sinesikhatsi lesibekiwe.”
^ NgesiGriki kutsi, “enyameni.”
^ Fundza Tinchazelo Temagama.
^ Fundza Tinchazelo Temagama.
^ Nobe “nalelibulewe elugodvweni.”
