Salamo 98:1-9
-
O Ieova o le Faaola ma o le Faamasino amiotonu
-
Faailoa mai le faaolataga a Ieova (2, 3)
-
O le pese.
98 Ia outou pepese atu iā Ieova i le pese fou,+Auā e ofoofogia mea na ia faia.+
O lona aao taumatau, o lona aao paia, ua ia faia ai le faaolataga.*+
2 Ua faailoa mai e Ieova lana faaolataga;+Ua ia faaalia foʻi lana amiotonu i luma o nuu.+
3 Ua manatua e ia lona alofa* ma lona faamaoni i le aiga o Isaraelu.+
Ua vaaia e tuluʻiga uma o le lalolagi le faaolataga mai i lo tatou Atua.*+
4 Ia alalaga atu iā Ieova i le manumalo, le lalolagi uma.
Ia fiafia, ia alalaga olioli, ma usuina viiga.*+
5 Ia usuina viiga* iā Ieova i le kitara,I le kitara ma le leo mālie o le pese.
6 O pū ma le leo o le sofao,*+Ia alalaga i le manumalo i luma o Ieova le Tupu.
7 Ia taalili mai le sami ma mea uma o tumu ai,O le lalolagi* ma ē o loo nonofo ai.
8 Ia pati lima vaitafe;Ia alalaga faatasi mauga uma i le olioli+
9 I luma o Ieova, auā o loo afio mai* o ia e faamasino le lalolagi.
E faamasino e ia le lalolagi* i le amiotonu+Atoa ma nuu i le tonu.+
Faamatalaga Pito i Lalo
^ Po o le “ua ia manumalo ai.”
^ Po o “le manumalo a lo tatou Atua.”
^ Po o le “alofa faamaoni.”
^ Po o le “tā ma usuina pese.”
^ Po o le “Ia tā ma usuina pese.”
^ O se pū e faia i seu o mamoe poʻa.
^ Po o le “laueleele.”
^ Po o le “ua afio mai.”
^ Po o le “laueleele.”
