Salamo 103:1-22
O le salamo a Tavita.
103 Ia ou vivii atu iā Ieova;O mea uma foʻi o i totonu iā te aʻu, ia vivii atu i lona suafa paia.
2 Ia ou vivii atu iā Ieova;Tau ina ia aua neʻi galo iā te a‘u mea uma ua ia faia.+
3 E na te faamagaloina au mea sesē uma,+Ma faamālōlōina ou maʻi uma;+
4 E na te faafoʻisia lou ola mai i le lua,*+Ma faapaleina oe i lona alofa faamaoni ma le alofa mutimutivale.+
5 E na te faamalieina oe i mea lelei+ i lou olaga atoa,Ina ia faafouina ai lou tauleʻaleʻa e pei o se aeto.+
6 E gaoioi Ieova ma le amiotonu+ ma le faamasinotonuMo i latou uma ua sauāina.+
7 Na faailoa atu e ia ona ala iā Mose,+O mea foʻi na ia faia i le fanauga a Isaraelu.+
8 E alofa mutimutivale Ieova ma tigā alofa,*+E telegese lona toʻasā ae e tele lona alofa faamaoni.+
9 E na te lē manatua e faavavau o tatou masei,+E lē faavavau foʻi ona toʻasā o ia.+
10 E leʻi feutagaʻi o ia ma i tatou e tusa ma a tatou agasala,+E leʻi taui mai foʻi e ia iā i tatou e tusa ma a tatou mea sesē.+
11 Auā e pei ona maualuga atu o le lagi i le lalolagi,E faapea foʻi ona sili atu lona alofa faamaoni iā i latou e matataʻu iā te ia.+
12 E pei ona vavamamao o le mea e oso aʻe ai le lā mai i le mea e goto ifo ai,E faapea foʻi ona faamamao e ia o a tatou solitulafono mai iā i tatou.+
13 E pei ona alofa mutimutivale o le tamā i lana fanau,E faapea foʻi ona alofa mutimutivale Ieova iā i latou e matataʻu iā te ia.+
14 Auā ua silafia lelei e ia le mea na faia ai i tatou,+Ua ia manatua o le efuefu lava i tatou.+
15 O le tagata ua pei o le mutia ona aso;+E pei o le fuga o le fanua lona fua mai.+
16 Ae pe a agi ane i ai le matagi, ona lē toe iai lea,E pei e le‘i iai lava i inā.*
17 A o le alofa faamaoni o Ieova, e oo i le faavavau*Iā i latou e matataʻu iā te ia,+Ma lana amiotonu foʻi e oo atu i fanau a a latou fanau,+
18 Iā i latou e tausi i lana feagaiga+Ma i latou foʻi e matuā tausia ana faatonuga.
19 Ua matuā faatumauina e Ieova lona nofoālii i le lagi;+Ua pule aoao foʻi lona malo i mea uma lava.+
20 Ia vivii atu iā Ieova, outou o ana agelu uma+ e malolosi tele,O ē e faataunuuina lana afioga,+ ma usita‘i i lona siʻufofoga.*
21 Ia vivii atu iā Ieova o ana ʻau uma,+O ana auauna o loo faia lona finagalo.+
22 Ia vivii atu iā Ieova o ana foafoaga uma,I mea uma ua pule ai o ia.
Ia ou vivii atu iā Ieova ma lo‘u lotoatoa.
Faamatalaga Pito i Lalo
^ Po o le “tuugamau.”
^ Po o le “alofa fua.”
^ Epe., “E lē toe iloa foʻi le mea sa iai o ia.”
^ Po o le “e mai i le vavau e oo i le faavavau.”
^ Epe., “faalogo atu i lona siʻufofoga.”
