Salamo 37:1-40
O le salamo a Tavita.
א [Alefa]
37 Aua e te tigā* ona o ē e fai mea leagaPe matauʻa i ē e faia mea sesē.+
2 E vave magumagu i latou e pei o le mutia+Ma mamae e pei o le vao muʻa lauolaola.
ב [Peta]
3 Ia e faatuatua iā Ieova ma faia mea lelei;+Ia e nofo i le lalolagi* ma gaoioi ma le faamaoni.+
4 Ia e matuā fiafia foʻi iā Ieova,Ona foaʻi mai lea e ia o mea e manaʻo i ai lou loto.
ג [Gimela]
5 Ia e tuuina atu iā Ieova lou ala;+Ia faalagolago atu iā te ia, ona gaoioi lea o ia mo oe.+
6 E faaalia lava e ia lau amiotonu e pei o le malamalama,Ma lau faamasinogatonu e pei o le tutonu o le lā.
ד [Taleta]
7 Ia filemu pea i luma o Ieova+Ma ia matuā faatalitali atu* iā te ia.
Aua neʻi e tigā ona o le tagataO loo taulau i le faataunuuina o ana faufauga.+
ה [He]
8 Inā tuu ia le ita ma lafoaʻi le lotoa;+Aua neʻi e tigā ma liliu atu i le faia o se mea leaga.*
9 Auā e faaumatia o ē e fai mea leaga,+A o ē e faamoemoe iā Ieova e fai mo i latou le lalolagi.+
ו [Vau]
10 Ua toeitiiti lava ona lē toe iai lea o le tagata amioleaga;+E te vaai atu i le mea sa iai o ia,Ae ua leai lava.+
11 A o ē e agamalu, e fai mo i latou le lalolagi,+E matuā faafiafiaina foʻi i latou ona o le tele o le filemu.+
ז [Saina]
12 Ua taupulepule le tagata amioleaga faasaga i lē e amiotonu;+Ua atigū atu foʻi ona nifo iā te ia.
13 Ae e soisoi Ieova iā te ia,Auā ua silafia e Ia e oo mai le aso e faaumatia ai o ia.+
ח [Heta]
14 Ua seʻi aʻe e tagata amioleaga a latou pelu ma loloʻu* a latou ʻaufana,Ina ia osofaʻia ai ē ua tigā ma ē ua matitiva,Ma fasiotia ai i latou e saʻo o latou ala.
15 Ae e ati a latou pelu i o latou lava fatu;+E gauia a latou ʻaufana.
ט [Teta]
16 E sili atu si mea itiiti a lē e amiotonuNai lo o mea e tele a le toʻatele o ē e amioleaga.+
17 Auā e gauia lima o tagata amioleaga,Ae e lagolagoina e Ieova o ē e amiotonu.
י [Iota]
18 Ua silafia e Ieova mea e oo i ē ua lē ponā,*Ma e faavavau lava lo latou tofi.+
19 E lē māsiasi i latou i le taimi o puapuaga;E tele foʻi a latou meaʻai i taimi o le oge.
כ [Kafa]
20 Ae e fano tagata amioleaga;+E mavae atu fili o Ieova e pei o laufanua matagofie;E mavae atu i latou e pei o le asu.
ל [Lameta]
21 E aitalafu e le tagata amioleaga mea, ae e lē toe totogiina atu,A o le tagata amiotonu e limafoaʻi ma agalelei.+
22 O i latou e faamanuiaina e Ia, e fai mo i latou le lalolagi,A o ē e fetuuina e Ia, e faaumatia i latou.+
מ [Mema]
23 E ta‘ita‘ia* e Ieova laasaga o se tagata,+Pe a fiafia o Ia i lona ala.+
24 Afai e paʻū o ia, e lē lafotūina i lalo,+Auā e taofia e Ieova lona lima.+
נ [Nuna]
25 Sa ou talavou a o lenei ua ou toeaina,Ae ou te leʻi iloa lava se tagata amiotonu ua tuulafoaʻiina,+Po o ana fanau o ʻaisi mo ni meaʻai.*+
26 E nonō atu ana mea i taimi uma ma le lotomalie,+Ma o le a maua e lana fanau le faamanuiaga.
ס [Sameka]
27 Ia liliuese mai i mea leaga ae fai mea lelei,+Ona e nofo ai lea i le lalolagi e faavavau.
28 Auā e fiafia Ieova i le faamasinogatonu,E na te lē tuulafoa‘ia foʻi o ē e faamaoni iā te ia.+
ע [Oina]
E leoleoina i latou i taimi uma lava;+A o fanau a ē e amioleaga, e aveesea lava i latou.+
29 E fai lava le lalolagi mo ē e amiotonu,+E nonofo ai pea i latou e oo i le faavavau.+
פ [Pe]
30 O le gutu o le tagata amiotonu e tautala i le atamai,*O lona laulaufaiva foʻi e tautala i mea e tonu.+
31 Ua iai i lona loto le tulafono a lona Atua;+E lē tautevateva foʻi lana savali.+
צ [Taseta]
32 O loo mata‘ituina e le tagata amioleaga le tagata amiotonuMa o loo saʻili e fasioti o ia.
33 Ae e lē tuuina atu e Ieova o ia i le lima o lenā tagata,+Pe taʻusalaina o ia pe a faamasinoina.+
ק [Kofa]
34 Ia faamoemoe iā Ieova ma mulimuli i lona ala,Ona ia faaeaina lea o oe ina ia fai ma ou tofi le lalolagi.
E te vaai atu+ foʻi i le faaumatiaga o tagata amioleaga.+
ר [Resa]
35 Ua ou vaai atu i le tagata amioleaga ua faasauā,Ua lauolaola e pei o se laau lauusiusi i lona lava laueleele.+
36 Ae ua faafuase‘i ona mou atu o ia, ma ua leai lava;+Na ou saʻili pea iā te ia, ae ua lē maua o ia.+
ש [Sini]
37 Ia vaavaai i lē ua lē ponā,*Ma ia tulimataʻi pea lē ua amio saʻo,+Auā o le a filemu le lumanaʻi o lenā tagata.+
38 Ae e faaumatia o ē uma e solitulafono;E leai foʻi se lumanaʻi o tagata amioleaga.+
ת [Tau]
39 O le faaolataga o ē e amiotonu, e mai iā Ieova lea;+O ia o lo latou malosi i taimi o mafatiaga.+
40 E fesoasoani Ieova iā i latou ma lavea‘iina i latou.+
E na te lavea‘iina i latou mai i tagata amioleaga ma faaolaina i latou,Auā ua latou sulufaʻi atu iā te ia.+
Faamatalaga Pito i Lalo
^ Po o le “ita.”
^ Po o le “laueleele.”
^ Po o le “faatalitali ma le onosaʻi.”
^ Pe atonu “Aua e te tigā, auā e iʻu atu ai i mea e afāina ai.”
^ Po o le “memeʻi.”
^ Epe., “aso o ē ua lē ponā.”
^ Po o le “faatumauina.”
^ Epe., “falaoa.”
^ Po o le “tautala lemū i le atamai.”
^ Po o “lē ua faamaoni pea.”
