Salamo 72:1-20
E faatatau iā Solomona.
72 Le Atua e, ia e tuuina atu au faamasinoga i le tupu,Ma ia avatu lau amiotonu i le alo o le tupu.+
2 Tau ina ia finau o ia mo lou nuu i le amiotonu,Ma ia finau mo ou tagata faatauvaa i le faamasinotonu.+
3 Tau ina ia avatu e mauga le filemu i tagata,Tau ina ia avatu foʻi e aʻega le amiotonu.
4 Ia puipuia* e ia o ē ua faatauvaa o le nuu,Ia faaolaina e ia le fanau a lē ua mativa,Ma ia tuʻimomomoina foʻi e ia o lē ua taufaasesē.+
5 E matataʻu i latou iā te oe a o tumau pea le lā,A o tumau fo‘i le masina,I lea tupulaga ma lea tupulaga.+
6 E pei o ia o le timu e to‘ulu ifo i le mutia ua salaina,E pei foʻi o timuga tetele ua susū ai le laueleele.+
7 O lana nofoaiga, e tupu olaola ai lē e amiotonu,+E tele foʻi le filemu+ seʻia leai se masina.
8 E pule o ia i ona tagatānuu mai i le tasi sami e oo i le isi sami,E mai i le Vaitafe* foʻi e oo atu i tuluʻiga o le lalolagi.+
9 E ifo atu i ona luma o tagata o loo nonofo i le toafa,E eto foʻi e ona fili le pefu.+
10 O tupu o Tasesa ma motu, e latou te avane meaalofa.+
O tupu o Seepa ma Sepa, e latou te avane foʻi meaalofa.+
11 E ifo atu tupu uma lava iā te ia,E auauna foʻi atunuu uma iā te ia.
12 Auā e laveaʻi e ia le tagata mativa o loo alaga mo se fesoasoani,Atoa foʻi ma lē e faatauvaa ma lē ua leai sona fesoasoani.
13 E tigā alofa o ia i lē ua faatauvaa ma lē ua mativa,E faaola foʻi e ia o ē ua matitiva.
14 E laveaʻiina e ia i latou mai i le pule sauā ma faiga sauā,E tautele foʻi lo latou toto i lana silafaga.
15 Tau ina ia soifua pea o ia ma avatu iā te ia auro mai i Seepa.+
Tau ina ia tatalo e lē aunoa mo ia,Tau ina ia viia fo‘i o ia i le aso atoa.
16 O le a tele saito i le laueleele;+O le a fau ma soloi i tumutumu o mauga.
O le a fua tele mai ona fanua e pei o Lepanona,+E fuga mai fo‘i tagata o le aai e pei o le vao o le laueleele.+
17 Tau ina ia tumau e faavavau lona suafa,+Tau ina ia taulau e pei ona tumau o le lā.
Tau ina ia maua e tagata faamanuiaga e ala iā te ia;+Tau ina ia faaamuia foʻi atunuu uma iā te ia.
18 Tau ina ia viia Ieova le Atua, o le Atua o Isaraelu,+E na o ia lava ua faia mea ofoofogia.+
19 Tau ina ia viia lona suafa mamalu e faavavau,+Tau ina ia tumu foʻi le lalolagi atoa i lona mamalu.+
Amene ma Amene.
20 Ua faaiʻuina tatalo a Tavita, le atalii o Iese.+
