Salamo 115:1-18
115 E lē tatau se mea iā i matou, Ieova e, e lē tatau se mea iā i matou,A o lou suafa e tatau ona faamamaluina+Ona o lou alofa* ma lou faamaoni.+
2 Aiseā ea e faapea mai ai atunuu:
“O fea o iai lo latou Atua?”+
3 O loo i le lagi lo matou Atua;Ua faia e ia so o se mea e finagalo i ai.
4 O o latou tupua e faia i siliva ma auro,O galuega ia a lima o tagata.+
5 E fai o latou gutu, ae e lē tautatala;+E fai o latou mata, ae e lē vāai;
6 E fai o latou taliga, ae e lē faalogo;E fai o latou isu, ae e lē sogisogi;
7 E fai o latou lima, ae e lē fetagofi;E fai o latou vae, ae e lē savavali;+E leai foʻi se leo i o latou faa‘ī.+
8 O i latou e faia tupua, e pei lava i latou o na mea,+E faapea fo‘i i latou uma e faatuatua i ai.+
9 Isaraelu e, ia faatuatua iā Ieova,+O ia o lo outou fesoasoani ma lo outou talita.+
10 Le aiga e, o Arona,+ ia faatuatua iā Ieova,O ia o lo outou fesoasoani ma lo outou talita.
11 O outou o ē e matataʻu iā Ieova, ia faatuatua iā Ieova,+O ia o lo outou fesoasoani ma lo outou talita.+
12 Ua manatua e Ieova i tatou ma e faamanuia mai;E faamanuia e ia le aiga o Isaraelu;+E faamanuia foʻi e ia le aiga o Arona.
13 E faamanuia e ia o i latou e matataʻu iā Ieova,O ē e faatauvaa atoa foʻi ma ē e sili.
14 E faato‘ateleina e Ieova outou,O outou ma a outou fanau.*+
15 Tau ina ia faamanuiaina outou e Ieova,+O Lē na faia le lagi ma le lalolagi.+
16 A o le lagi, e iā Ieova lea,+Ae ua tuuina mai e ia le lalolagi i le fanau a tagata.+
17 E lē vivii atu iā Ioa o ē ua oti;+E faapea foʻi i latou uma ua ō ifo i le tuugamau.*+
18 Ae e tatou te vivii atu iā IoaE amata atu nei e oo i le faavavau.
Ia vivii atu iā Ioa!*
Faamatalaga Pito i Lalo
^ Po o le “alofa faamaoni.”
^ Epe., “o outou atalii.”
^ Epe., “mea taaligoligoa.”
^ Po o le “Aleluia!” O “Ioa” o le faapuupuuga o le suafa o Ieova.
