Salamo 1:1-6
1 E fiafia le tagata e lē savali i fautuaga a ē e amioleaga,E lē tū o ia i le ala o ē e agasala,+E lē nofo foʻi i le nofoa o ē e tauemu.+
2 Ae e naunau o ia i le tulafono a Ieova,+E faitau lē leoa* o ia i Lana tulafono i le ao ma le pō.+
3 E avea o ia e pei o se laau ua totō i tafatafa o vaitafe,O se laau e fua mai ona fua i ona lava tau,E lē mamae foʻi ona lau.
Ae e taulau manuia mea uma e na te faia.+
4 E lē faapena o ē e amioleaga;E pei i latou o aputi o saito ua lelea i le matagi.
5 O le mea lea e lē tutū ai pea o ē e amioleaga i le faamasinoga;+E lē tutū pea foʻi o ē e agasala i le faapotopotoga o ē e amiotonu.+
6 Auā ua silafia e Ieova le ala o ē e amiotonu,+Ae e faaumatia lava le ala o ē e amioleaga.+
Faamatalaga Pito i Lalo
^ Po o le “manatunatu loloto.”
