Hechos 4:1-37
4 Pedrowan Juanpiwan runakunata rimapayashaqtinkun sacerdotekuna, saduceokuna,* templo qhawaq umalli ima jamurqanku.+
2 Paykunaqa phiñasqan kasharqanku chay apostolkuna runakunaman yachachisqankumanta, Jesuspa kausarimpusqanmanta sut’itapuni willasqankumantawan.+
3 Chaymi iskayninkuta jap’ispa ch’isinña kasqanrayku carcelman wisq’arqanku+ qhepantin p’unchaykama.
4 Chaywanpas paykunaq rimasqanta uyariqkunaqa askhan iñipurqanku, chaymi iñiqkunaqa astawan yapakurqanku, yupasqaqa qharikunallan pisqa waranqa jina karqanku.+
5 Qhepantin p’unchaymi Jerusalenpi juñunakurqanku umallikuna, umalliq runakuna,* kamachikuy simita yachachiqkunapiwan,
6 paykunawan kuskan juñunakullarqankutaq umalli sacerdote Anás,+ jinallataq Caifás,+ Juan, Alejandro, umalli sacerdoteq llapa familiankuna ima.
7 Paykunan Pedrota Juantawan chaupipi sayaykachirqanku, jinaspa tapuyta qallarirqanku: “¿Pin atiyta qorqasunkichis kayta ruwanaykichispaq? ¿Piqpa sutinpin kayta ruwankichis?”, nispa.
8 Chaymi Pedroqa santo espirituwan junt’a kaspa paykunata nirqan:+
“Israel llaqta umallikuna, umalliq runakuna,
9 ¿juj such’u runapaq+ allin ruwasqaykumantachu, imaynapi qhaliyapusqanmantachu yachayta munashankichis?
10 Chhaynaqa, qankunapas llapa Israel runakunapas kayta yachaychis: Kay runaqa Nazaret llaqtayoq+ Jesucristoq sutinpin qhaliyachisqa kapun, chaymi ñaupaykichispi qhali sayashan, chay Jesucristotan qankunaqa k’aspipi wañuchirqankichis,+ ichaqa Diosmi kausarichimpun.+
11 Paymi “qankuna wasi sayarichiqkunaq mana valeqta jina wijch’usqaykichis rumiqa”, paymi “esquina jap’iq jatun kaq rumi kapun”.+
12 Chaymantapas payllan salvawaqninchisqa;+ kay pachapiqa manan pitapas Diosqa ajllarqanchu salvawananchispaq, aswanpas payllatan ajllarqan”,+ nispa.
13 Paykunaqa Pedrota Juantawan mana manchakuspa rimasqankuta uyarispa, mana educasqa común runakunalla kasqankutawan yachaspan admirakurqanku,+ jinan chayraq repararqanku Jesuswan kuska puriq kasqankuta.+
14 Chay qhaliyachisqa runata qhawaykuspankutaq+ mana imaniytapas atirqankuñachu.+
15 Chaymi kamachirqanku juñunakusqanku salamanta* kinsantinku lloqsinankupaq, jinaspa paykunalla rimanakurqanku:
16 “Kunanri, ¿imatataq kay runakunawan ruwasun?+ Chay milagro ruwasqankuqa sut’in kashan, Jerusalén llaqtapi tiyaqkunapas llapankun chaytaqa yachanku,+ noqanchispas manan chay ruwasqankutaqa negayta atisunmanchu.
17 Chhaynaqa, chay pasasqanmanta willakuy ama ch’eqerinanpaq, Jesuspa sutinpi amaña pimanpas rimanankupaqwan paykunata amenazasun”,+ nispa.
18 Jinan Pedrotawan Juantawan wajaspanku kamachirqanku: “Aman maypipas Jesuspa sutinpiqa imatapas rimankichischu, amataq yachachinkichispaschu”, nispa.
19 Jinan Pedrowan Juanwanqa paykunata nirqanku: “Diosta uyarinaykumantaqa qankunata uyariykuman chayqa, ¿allinpaqchu Dios chayta qhawarinman? Chhaynatachus piensankichis chayqa, qankunamantañachá chayqa kanqa.
20 Noqaykun ichaqa manapuni imachus rikusqaykumanta imachus uyarisqaykumantawan willaytaqa upallakusaqkuchu”,+ nispa.
21 Jinaqtinmi wajmanta amenazaspanku kacharipurqanku. Paykunaqa manan imatapas paykunapi tarirqankuchu castiganankupaq jinaqa. Jinaspapas runakunatan manchakusharqanku,+ imachus pasasqanmanta llapallanku Diosta jatunchasqankurayku.
22 Chay qhaliyachisqa runaqa tawa chunka más watanpiñan kasharqan.
23 Kacharisqa kaspankutaq paykunaqa iñiqmasinkunaman rirqanku, jinaspa willakurqanku umalli sacerdotekuna umalliq runakunapas imachus nisqankuta.
24 Chayta uyarispan iñiqkunaqa juj sonqolla Diosmanta mañakurqanku:
“Tukuy munayniyoq Señorniyku, qanmi ruwarqanki cielotapas, kay pachatapas, lamar-qochatapas, chaykunapi lliu kaqkunatapas,+
25 qanmi santo espirituykiwan ñaupa taytayku serviqniyki Davidwan+ rimachirqanki: ¿Imanaqtinmi nacionkuna ch’aqwayta qallarinku? ¿Imanaqtinmi llaqtakuna yanqa kaqkunapi piensayta qallarinku?
26 Jehová* Dios contran kay pacha reykuna sayarinku, ajllakusqan contran* paykunaqa rimanakushanku, kamachikuqkunapas juj nisqallan juñunakunku,+ nispa.
27 Cheqaqpunitaqmi Herodespas Poncio Pilatopas+ nacionkunamanta runakunawan, Israel llaqta runakunapiwan kay llaqtapi juñunakurqanku ch’uya serviqniyki Jesús contra, ajllakusqayki Cristo contra.+
28 Paykunaqa juñukurqanku ñaupaqmantaña willachisqaykiman jina ruwanankupaqmi. Chaykunaqa atiyniykiwanmi munayniykiman jina ruwakurqan.+
29 Kunanqa, Diosniyku Jehová,* uyariyyá khayna amenazawasqankuta, kamachiykikunatapas yanapaykuwayku mana manchakuspa simiykimanta rimashanallaykupaq,
30 onqosqakunatapas qhaliyachishallay atiyniykiwan, ch’uya serviqniyki Jesuspa sutinpipas+ ruwakushallachun señalkuna milagrokunapas”,+ nispa.
31 Chhaynata rogakuyta tukuruqtinkutaq, maypichus juñunasqa kashasqankuqa chhafchirisqa karqan; jinan llapallankuman santo espíritu junt’aykurqan,+ chaymi mana manchakuspa Diospa siminta willarqanku.+
32 Chaymantapas iñiqkunaqa llapankun juj sonqolla juj yuyaylla kasharqanku, manan mayqenninkupas imachus kaqninkumantaqa, noqaqmi kayqa niqkuchu, aswanpas tukuy imankupas llapankupaqmi kaq.+
33 Apostolkunapas ancha atiywanmi Señor Jesuspa kausarimpusqanmanta willasharqanku,+ Diostaq llapankuman sumaq sonqo kayninta anchatapuni rikuchisharqan.
34 Manan pipas pisichikuypi tarikurqanchu;+ llapa kaqniyoqkunan chajrankuta wasinkuta vendespa chay vendesqanku qolqeta apamuqku,
35 jinaspa apostolkunaman qoqku.+ Paykunataq sapankaman rakiqku necesitasqankuman jina.+
36 Juj runan karqan José sutiyoq, paytan apostolkuna niqku Bernabé+ nispa (chay sutiqa “jujkunata kallpachaq” ninantan nin), payqa Chipre islapi naceq Leví runan karqan,
37 paymi jallp’anta vendepuspa, chay vendesqan qolqeta apostolkunaman apamurqan.+
Uraypi willakuykuna
^ Qhaway Explicasqa simikuna nisqapi “Saduceokuna” nisqata.
^ Chaypiqa “kuraq runakuna” nillanmantaqmi.
^ Chaypiqa “Jatun Juntaq juñunakunan salamanta” nillanmantaqmi. Qhaway Explicasqa simikuna nisqapi “Jatun Junta” nisqata.
^ Qhaway “Astawan yachanapaq A5” nisqata.
^ Chaypiqa “Criston contran” nillanmantaqmi.
^ Qhaway “Astawan yachanapaq A5” nisqata.
