Apocalipsis 4:1-11
4 Chaymantam rikurqani hanaq pachapi punku kicharayachkaqta, hinaspam uyarirqani punta qayakuyta, chay qayakuyqa karqa cornetillapa waqasqan hinam. Chaymi niwarqa: “Kayman qispimuy, ñuqam qawachisqayki imakuna pasakunanta”, nispa.
2 Chaymantam chuya espiritupa* kallpanchasqan rikurirurqani, hinaspam hanaq pachapi rikururqani tronota chaynataq chaypi tiyaqtapas.+
3 Chay tiyaqpa rikchayninmi kasqa jaspe+ sutiyuq alaqa rumi hina chaynataq sardio sutiyuq alaqa rumi hina. Chay tronopa muyuriqninpiñataqmi kasqa verde colorniyuq esmeralda alaqa rumi hina chirapa.+
4 Chay tronopa muyuriqninpim 24 tronokuna kasqa, chaypim rikururqani 24 kamachiqkuna*+ trononkupi tiyachkaqta, paykunaqa kachkasqaku yuraq pachawan pachasqakama hinaspa umanpi qurimanta coronayuqkamam.
5 Chay tronomantam llipyaykunapas lluqsimuchkasqa,+ uyarikurqataqmi qayakuykuna hinaspa parapa tunrururuyninkunapas.+ Chay tronopa ñawpaqninpiñataqmi kasqa rupachkaq qanchis mecherokuna, chaykunaqa Diospa qanchis espiritunkunam.+
6 Chay tronopa ñawpaqninpiqa cristal hina vidriomanta ruwasqapim yaku qucharayasqa.+
Tronopa chawpinpi hinaspa muyuriqninpiñataqmi kasqa querubin sutiyuq tawa angelkuna,+ chay angelkunaqa kasqa ñawpaqninpi hinaspa qipanpi achkallaña ñawiyuqmi.
7 Punta kaq angelmi rikchakusqa leonman,+ iskay kaqñataqmi rikchakusqa malta toroman,+ kimsa kaqñataqmi kasqa+ runa hina uyayuq, tawa kaqñataqmi+ rikchakusqa pawachkaq ankaman.+
8 Chay tawa angelkunaqa sapakamam kasqa suqta raprayuqkama, raprankunañataqmi kasqa ukunpipas hawanpipas achkallay-achka ñawiyuq,+ paykunam mana samaykuspa tuta-punchaw ninku: “Chuyam, chuyam, chuyam tukuy atiyniyuq Jehova*+ Diosqa, payqa ñawpaq kaqmi, kunan kaqmi chaynataq hamuq kaqmi”, nispa.+
9 Tronopi tiyaq wiña-wiñaypaq kawsakuqta chay tawa angelkuna sapa kuti hatunchaptinku, respetasqankuta qawachiptinku hinaspa agradecekuptinkum+
10 24 kamachiqkuna,+ tronopi tiyaqpa ñawpaqninpi qunqurakuspanku yupaychanku wiña-wiñaypaq kawsakuqta, hinaspam coronankuta chay tronopa ñawpaqninman wischuspanku ninku:
11 “Tukuy atiyniyuq+ Jehova* Diosllayku, tukuy imata unanchasqaykiraykum+ qamlla kanki llapallanpa hatunchanan+ hinaspa yupaychanan,+ munaptikim tukuy imakunapas kachkan, munaptikitaqmi unanchasqapas karqa”, nispa.
Willakuykuna
^ Qaway “chuya espiritu” niqpa ima ninan kasqanta.
^ Utaq: “Ancianokuna”. Qaway kay palabrapa ima ninan kasqanta.
^ Qaway A5 kaq yachachikuyta.
^ Qaway A5 kaq yachachikuyta.
