“Allin ruwaq runakunam allpataqa chaskinqaku. Hinaspam wiña-wiñaypaq chaypi kawsakunqaku”.

Salmos 37:29

‘Kay allpa pachaqa wiña-wiñaypaqmi kanqa’.

Eclesiastes 1:4

“Payqa wañuytam wiña-wiñaypaq chinkachinqa, llapallan kamachiq Jehova Diosqa llapallankupa wiqintam pichanqa”.

Isaias 25:8

“Chay punchawkunapiqa ñawsakunam qawarikunqa, mana uyariqkunam uyarikunqa. Chay punchawkunapiqa, wiqrum luwichu hina kallpanqa, mana rimay atiqpas kusikuymantam qaparinqa. Chaki allpakunamantam yakukuna tuqyanqa, chakillaña pampakunatam mayukuna kallpanqa”.

Isaias 35:5, 6

“Diosmi llapa runakunapa wiqinta pichanqa, manañam kanqachu wañuypas, llakikuypas, waqaypas nitaq nanaypas. Ñawpaq kaqkunaqa pasarunñam”.

Apocalipsis 21:4

 “Wasikunatam ruwanqaku, hinaspam chaypi yachanqaku. Uvas chakrayuqmi kanqaku, hinaspam rurunta mikunqaku. Wasikunataqa ruwanqaku manam hukkuna yachanankupaqchu, uvas chakrankupas kanqa manam hukkuna mikunankupaqchu. Runaykunaqa sachakuna hinam una-unayta kawsanqa, akllakusqaykunaqa imapas ruwasqankuwanmi kusisqa kanqaku”.

Isaias 65:21, 22